Шымкент қаласының әкімі Ғ.Сыздықбеков Сайрам көшесіндегі жаяу жүргіншілер жолы құрылысымен танысты. Ш.Уәлиханов көшесінен Желтоқсан көшесіне дейінгі аралықты қамтитын учаскенің жалпы ұзындығы – 2,8 шақырым.
Аталған аумақты абаттандыру аясында Ақназар хан көшесіне дейін жарықтандыру жүйесін орнату жоспарланған. Жоспарға сәйкес, барлығы 310 бағана орнатылады. Нысанды аралау барысында шаһар басшысы аудан әкімі мен тиісті басқарма басшысына жұмысты сапалы әрі мерзімінде аяқтауды тапсырды.
Ғ.Сыздықбеков Еңбекші ауданында орналасқан «Zammler» ЖШС-нің қойма кешенін аралады. Логистикалық компания Қазақстан аумағында жүк тасымалымен және транзитпен айналысады. Қазіргі таңда кәсіпорын Шымкенттегі 20 мыңнан астам серіктеске қызмет көрсетіп, 130 адамды жұмыспен қамтып отыр. Кездесу барысында компания басшылығы қойма инфрақұрылымын кеңейту жоспары жайлы бөлісті.
Аралау барысында Абдулабад тұрғын алабындағы орталық көшенің бір бөлігінің асфальттау жұмысын тексерді. Бұл аумақта балалар және спорт алаңшасының құрылысы қатар жүргізіліп жатыр. Аудан әкіміне құрылысты абаттандыру талаптарын сақтай отырып, толық аяқтауды қамтамасыз ету тапсырылды.
Айта кетейік, аталған жұмыстар көшпелі кездесуде айтылған өтініш негізінде қолға алынған.
Шымкент қаласының әкімі Ғабит Сыздықбековтің Абай ауданы тұрғындарымен көшпелі кездесуінде көтерілген мәселелер де назардан тыс қалмай, нақты жұмыстар атқарылды.
Тұрғындар өтініші негізінде Абай ауданындағы М.Дулатов көшесіне ұзындығы 120 метрді құрайтын аяқжол салынып, аялдама павильоны орнатылды. Сонымен қатар, осы көшенің Қасиет көшесімен қиылысатын тұсында ұзындығы
50 метр аяқжол салынды.
Аталған жұмыстар қала тұрғындарының қауіпсіздігі мен жайлылығын арттыру мақсатында жүзеге асырылды. Тұрғындар атқарылған іске ризашылығын білдірді.
