Шымкент қаласында педагогтерге арналған бос жұмыс орындары жәрмеңкесі жалғасуда. Бүгін — жәрмеңкенің екінші күні.
«Көрме» орталығында өтіп жатқан іс-шараға қаладағы 164 білім беру ұйымы, оның ішінде мектептер мен колледждер қатысып, 2 мыңға жуық бос жұмыс орнын ұсынып отыр.
Жәрмеңке білім беру ұйымдарында штаттық негізде жұмыс істеуді көздейтін азаматтарға арналған. Мұнда педагог мәртебесі бар мамандарға:
• конкурстық рәсімдер бойынша кеңес беріледі;
• қажетті құжаттарды рәсімдеу жолдары түсіндіріледі;
• электронды платформаға құжаттарды жүктеу тәртібі көрсетіледі.
Сонымен қатар, жиынтық баллы 3.33 тен жоғары жас мамандар бірден жұмысқа орналасуда.
Конкурстық іріктеудің ашықтығы мен әділдігін қамтамасыз ету мақсатында жәрмеңкеде 200-ге жуық тәжірибелі педагог пен ардагер ұстаздан құралған комиссия жұмыс істеуде.
