"Азаматтарға арналған үкімет" корпорациясының Шымкент қаласы бойынша филиалы 25 қазан – Республика күніне орай мерекелік іс-шара ұйымдастырды. Оның аясында ХҚО қызметкерлері таңертеңнен клиенттерге Kazakhstan шоколады мен кәдесый ретінде жалаулар таратуда. Қызмет алушылар мемлекеттік рәміз атрибуты бар тәттілерді сыйға алуда. Іс-шара ел халқының бірлігін, алдағы ұлттық мерекені қолдау және отандастарымыздың патриоттық сезімдерін ояту мақсатында ұйымдастырылған болатын. Науқан кешке дейін жалғаспақ.
Мамандардың мәліметінше, мереке күндеріне байланысты сенбіде Шымкеттік ХҚО-лар мен мамандандырылған ХҚО-лар әдеттегі жұмыс кестесі бойынша 18:00-ге дейін, ал кезекші ХҚО-лар 20:00-ге дейін қызмет істейтінін еске салады.
24 қазан күні тек кезекші ХҚО-лар мен мамандандырылған ХҚО-лар жұмыс істейді. Бұл күні қызмет алушылар сағат 9.00-ден 13.00-ге дейін қабылданады.
23 және 25 қазан - демалыс күндері. 26 қазаннан бастап барлық орталықтар әдеттегі кесте бойынша жұмыс істейтін болады.