Шымкент қалалық орталықтандырылған балалар кітапханалар жүйесіне қарасты №3 кітапхана бөлімшесінде «Жошы ұлысы – Қазақ хандығының бастауы» атты көрме-саяхат өткізілді.
Жошы ұлысының құрылғанына 800 жыл толуына орай өткен жиынға Ш.Уәлиханов атындағы жалпы орта мектебінің 7 «а» сынып оқушылары қатысты. Жиын өскелең ұрпаққа ел тарихын таныстырып, отансүйгіштікке тәрбиелеу мақсатында ұйымдастырылды. Кітапханашылар Жошы хан, оның ұлысы жайлы оқушыларға мол мағлұмат берді, сондай-ақ, олар «Жошы ұлысы» атты бейнероликті тамашалады.
Кеш соңында мектеп оқушылары көрмеге қойылған кітаптар мен мерзімді басылымдарға шыққан материалдармен танысып, тарих әлеміне саяхат жасады. Көрме-саяхат соңында викториналық сұрақтар қойылып, үздіктерге сый-сияпат берілді.
Дәмелі ТҰРЫМБЕКОВА,
Шымкент қалалық ОБКЖ-нің №3
кітапхана бөлімшесінің меңгерушісі
