Версия для печати

ШЕТЕЛДЕН МЕДИЦИНАЛЫҚ МАМАНДАР КЕЛЕДІ Избранное

Вторник, 14 Июль 2020 18:43 Автор  Опубликовано в Әлеумет Прочитано 416 раз
Оцените материал
(0 голосов)

штаб фото

Шымкент қаласы Денсаулық сақтау басқармасының басшысы Рустам Албаевтың қатысуымен қаладағы эпидемиологиялық ахуал жөнінде брифинг өтті.

Баспасөз мәжілісінде Рустам Қуанышбекұлы қаладағы эпидемиологиялық жағдай мен атқарылып жатқан жұмыстар туралы баяндады.
– Шымкент қаласында қолайсыз эпидемиологиялық жағдайға байланысты инфекциялық ауруларға шалдыққан науқастарды емдеу үшін төсек-орындар саны қосымша көбейтілуде. Төсек-орындар саны 650-ден 3129-ға жетті. Сондай-ақ жансақтау бөліміндегі орындар санын да көбейтіп, бүгінде 141 жансақтау орны бар. Олар №2 қалалық аурухана, Асар шағынауданындағы 200 төсек-орындық инфекциялық аурухана жəне қалалық кардиологиялық орталықтың базасында орналастырылған. Бұл бағытта реаниматолог-мамандар тәулігіне 24 сағат жұмыс істеуде. Шымкент қаласында өткен жылмен салыстырғанда бүгінге дейін жедел жәрдем қызметін шақыртушылар саны 2 есеге өскен еді. Қазіргі таңда жағдай қалыпқа келе бастады. Сонымен қатар, келесі аптада тәжірибе алмасу әрі көмек беру үшін Ресейден 5 дәрігер, Түркия елінен 10 маман келеді деп күтілуде, – деді басқарма басшысы.
Айта кетейік, қалада дəрілердің бағасын тұрақтандыру бойынша құрылған 4 мониторингтік топ бүгінге дейін 50 заң бұзушылық фактісін анықтап, оларға тиісті әкімшілік шара көрілген. Одан бөлек, дәріханада жоқ дәрілердің орнына баламаларын ұсыну ескертілген.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Бахтияр Тайжан. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.