– Шалғайда орналасқан мектептерге жылдамдығы жоғары интернет тарту мақсатында Асар-2 шағынауданына радиусы 30 шақырымға жететін базалық станция орнатылады. Қазіргі таңда жер телімін анықтау жұмыстары атқарылуда. Базалық станция іске қосылса, сол маңда орналасқан мектептердің интернет мәселесі толығымен шешіледі, – деді басқарма басшысы.
Әсет Әбдіраханов қоғамдық орындарға тегін WI-FI желісін орнату жұмысы жалғасып жатқанан атап өтті. Өткен жылы Ubiquiti Networks технологиясымен 30 тегін WI-FI нүктелері іске қосылған. Биыл аудан әкімдіктерімен бірлесе 9 орын анықталып, жыл соңына дейін 25 WI-FI құрылғысы қойылады. Нәтижесінде қаладағы қоғамдық орындар ақысыз интернетпен толық қамтылады.