Нұрсәт шағынауданындағы қалалық №3 емхана маңынан автотұрақ салынуда.
– Қалалық №3 емханаға келуші азаматтар мен осы мекеменің қызметкерлерінің өтінішіне орай, емхана жанынан арнайы автотұрақтың құрылысы басталып кетті.
Бұл нысан Нұрсәт шағынауданындағы Бәйтереков және Измир көшелерінің қиылысында орналасқан, - деді Шымкент қалалық жолаушылар көлігі және автомобиль жолдары басқармасының басшысы Қуатжан Жұматаев.
Осы орайда тұрғындар атқарылып жатқан жұмыстар үшін әкімдікке алғыстарын айтты. Еске салсақ, бұған дейін емханаға келген тұрғындар көліктерін қоятын жер таппай, алыс аумақтарға сабылып, әбігерге түсетін еді. Енді бұл мәселе шешімін тауып, көп ұзамай жаңа тұрақ пайдалануға берілмек.