ӨКПЕГЕ ҚАУІП ТӨНДІРЕТІН ТАЖАЛ

Понедельник, 18 Ноябрь 2019 11:11

Шылым шегудің ағзаға тигізетін пайдасы жайлы қандай деректеріңіз бар? Бұл сұраққа бірде-бір жағымды жауап таппайсыз. Ал керісінше, оның зияны туралы бірқатар дәлелдерді келтіруге болады.

Құттықтау!

Четверг, 14 Ноябрь 2019 00:00

WhatsApp Image 2019-11-14 at 13.45.24

Өңірімізге белгілі, өз ісінің нағыз маманы Ғалымжан Мотайұлы Абишев Қазақстан Республикасы Денсаулық сақтау министрлігінің жауапты хатшысының бұйрығымен 2019 жылдың 11 қарашасынан бастап Шымкент қаласы Тауарлар мен көрсетілетін қызметтердің сапасы мен қауіпсіздігін бақылау департаментінің басшы орынбасары лауазымына тағайындалды.

Ғалымжан Мотайұлы 1969 жылы Түркістан қаласында дүниеге келген. Алматы мемлекеттік медицина институтын 1995 жылы бітіріп, одан кейін де Алматы экономикалық университетінде, Қожа Ахмет Ясауи атындағы Халықаралық қазақ-түрік университетінде білім алған. Бір емес, бірнеше жоғары білімінің арқасында қызмет атқарған орындарында әрқашан өзін тек жоғарыдан көрсете білген білікті маман. Еңбек жолын Түркістан аудандық санитарлық-эпидемиологиялық станциясында дәрігер-эпидемиолог қызметінен бастап, эпидемиологиялық бөлім меңгерушісіне көтеріледі. Бұдан бөлек, Оңтүстік Қазақстан облыстық туберкулезге қарсы диспансерінде эпидемиология жөнінде бас дәрігердің орынбасары болып қызмет атқарған. Басқа да мемлекеттік мекемелерде қызмет атқарған. Оның ішінде белгілі Оңтүстік Қазақстан облыстық мемлекеттік санитарлық-эпидемиологиялық қадағалау департаменті де бар, осы күнге дейін еңбек жолының басым бөлігінде негізінен Оңтүстік Қазақстан облыстық денсаулық сақтау басқармасында басшы орынбасары қызметін атқарған. 2018 жылдан Шымкент қаласының Денсаулық сақтау басқармасының басшы орынбасары қызметін атқарып келсе, бүгінгі күнде Шымкент қаласы Тауарлар мен көрсетілетін қызметтердің сапасы мен қауіпсіздігін бақылау департаментінің басшы орынбасары лауазымына тағайындалып отыр.

Қызмет жолынан байқағанымыздай, денсаулық сақтау саласына мол үлес қосып келе жатқан іскер азамат. Ендеше, Ғалымжан Мотайұлын жаңа лауазымымен құттықтай отырып, еңбегіне жеміс тілейміз!

 

Шымкент қаласы

Тауарлар мен көрсетілетін қызметтердің

сапасы мен қауіпсіздігін бақылау департаментінің

баспасөз қызметі

Қазақстан Республикасының Тұңғыш Президенті-Елбасы Н.Ә.Назарбаевтың жарлығымен Оңтүстік Қазақстан облысы Түркістан облысы деп өзгертіліп, облыстың әкімшілік орталығын барша түркі-мұсылман жұртына қасиетті рухани орталық –Түркістан қаласына көшіру туралы шешім қабылданғанына бір жылдан астам уақыт өтті.

370

БАСҚАРМАҒА – ЖАҢА БАСШЫ

Пятница, 15 Ноябрь 2019 04:23

Шымкент қаласы әкімінің өкімімен қалалық жер қатынастары басқармасының басшысы болып Әшірбеков Берік Айдарұлы тағайындалды.

7799

Б.Әшірбеков 1986 жылы туылған, білімі жоғары, мамандығы бойынша жер кадастры және жылжымайтын мүлікті бағалау бойынша инженер.

Еңбек жолын 2005 жылы Созақ аудандық жер кадастр бюросының маманы болып бастаған.

2008-2016 жылдары «Астана қала FӨО жер» ЕМК МЖК ААЖ орталығының маманы, жер кадастр бөлімінің маманы, директордың көмекшісі, өнеркәсіптік-азаматтық мақсаттағы жер учаскелерін рәсімдеу бөлімінің бастығы, Солтүстік Қазақстан ҒӨО жер филиалы директорының орынбасары, Шымкент қаласы жер қатынастар бөлімінің нұсқаушысы, өндірістік сектор меңгерушісі, бөлім басшысының орынбасары қызметін атқарған. 2017 жылы «Алматы тазалық» МКМ-сі директорының орынбасары қызметіне тағайындалған.

Берік Айдарұлы осыған дейін Алматы қаласы Алатау ауданы әкімінің орынбасары қызметін атқарып келген.

Құн жетпейтін қолөнер

Пятница, 15 Ноябрь 2019 04:18

Шымкент қаласындағы Ғани Иляев көшесінде «Өрнек» дүкені бар. Шағын дүкенге бас сұққан адам көне дәуірдің тарихи шежіресін тамашалайды. Ежелгі Арқайымның тылсым сырына қанығады. Жасалған дүниелер мыс қорыту және қола құю кәсібінің сол дәуірдің өзінде дамығанын көрсетеді. Сондай-ақ, Андронов тайпасының тұрмыс-салтын, әдеп-ғұрпынан хабар беретін жәдігерлерді көруге болады. Тіпті, ұлттық танымдағы қолөнер де келушілерді бей-жай қалдырмайды.

DSC 5054

Бұл Бауыржан Тлеубаевтың шеберханасы. Кішігірім цехтың жұмысы ауқымды. Тапсырыс та көп. Кәсіби шебер ұлттық кескіндемелердің макетін жасайды. Әшекейлердің элементтеріне құйма құяды. «Өрнектің» өзгелерден ерекшелегі қолөнер бұйымдарында ықылым замандағы «Дала өркениеті» жатыр.

Бауыржан Некенұлының қолөнерге келуіне тас, қола дәуірінің тарихи шежіресі себеп болды. Иран тілдес көшпенділер мен түркілер жайындағы тың мәліметтерге қанығып, ойына ерекше идея келеді. Сөйтіп Қазақстан жерінен табылған археологиялық заттардың көшірмесін жасайды. Бұл жобаны 2002 жылы қолға алады.

Ал көне жәдігерлердің құймасын жасауға 7 жыл уақытын жұмсайды. Бұл Бауыржан Тлеубаевқа оңай болған жоқ. Шеберлігін шыңдады. Ісмерлігін ісімен дәлелдеді.

Өрнек шеберханасының дүкенінде ежелгі дәуірдегі қару-жарақтың 20-ға жуық түрі қойылған. Топтамада найза ұшы, соғыс қарулары, қанжарлар, семсерлер мен пышақтар бар. Ең қызығы шетелге белгілі стелет пышағы да бар.

Көбіне шетелдік қонақтар Арқайым, Андронов дәуірінің жәдігерлерін сатып алады. Айталық, күн және бұқа бейнесіндегі антропоморфтық образдар еуропалықтарға қатты ұнайды. Қоладан құйылған аттылы күймелер де келушілерге жылы әсер қалдырады. Арқайым дәуіріндегі макетте 56 фигура топтастырылған.

Ал шымкенттіктер ру тайпалары мен ру таңбаларын алғанды жақсы көретін болып шықты. Мұнда тайпа таңбасы 1000 теңге, тайпа ру таңбасы 1500 теңге тұрады. Салмағына 10 грам металл кететін көрінеді.

– Біздің халықтың тарихы тереңде. Табылған тас құралдар көне дәуір адамдарының аң аулап, тері илегенін, табиғат-анамен тіл табыса ғұмыр кешкенін айғақтайды. Мұны Отырар маңынан аршылған археологиялық қазбалар растайды.

Кеңдігінен бас айналатын даланың мыңдаған шақырымын жылқы мен жегілген арба қалай бағындырған? Ал қола дәуірі әлемде классика болып саналады. Себебі, Қазақстанда кеніштердің көп болғаны жайында деректер жиі кездеседі. Соған орай, сұраныс та жоғары болған.

Оқу орындарында мұражайлар ашылып жатыр. Заттарымыз көшірме емес, түпнұсқа дейді. Сондағысы құмыралар мен оның сынықтары. Тұрмыстық заттардан арыға аспайды. Оларды бағалы емес деп айта алмаймын.

Арыс өзенінің жағасында әлі де ескерткіштеріміз жеткілікті. Жағасынан жинап алуға болады. Өкініштісі сол, көпшілік мұражайда оған мән бермейді. Бұл кезең скиф, массагет және сақтардың тарихы ғой.

Профессор Зданович айтады: «Бұл дәуірді әлем мойындамай жатыр. Мойындаса Еуроцентризм саясаты жойылады. Қазақтың ата дәстүрі, тарихы осы арилердің мәдениетінен бастау алады.

Олардың мәдениеті Енисейден Еділге, Тайгадан Солян тауларына, Алтай, Тянь-Шань тауларына және Сырдария, Каспий теңізіне дейін жалғасқан. Ғалымдарымыз дәуірлердегі тайпалардың мәдениетінің бірдей екенін айтады. Кейбіреулері бұған келіспейді.

Ал тұрмыс салты, құрал-сайманында айырмашылық жоқ. Тек жерлеу рәсімі басқаша. Бұл олардың туыс халық екенін көрсетеді, – дейді қолөнер шебері Бауыржан Тлеубаев.

«Өрнекте» тек кәдесыйлар ғана емес, қазақ халқының төлтуындылары да бар. Соның бірі – қазақ қыздары мен әйелдерінің бас киімдері. Олардың арасында қасабаның жөні бөлек.

Ұлттық бұйымның тұрпаты дөңгелек. Тақияға ұқсас тігіліп, зерлі жіптермен кестеленеді. Маңдай тұсына металдан әшекейлер тізіледі. Қасаба көбіне төре, сұлтан қыздары киетін бас киім саналған.

Осындай қасабаны Жәңгір ханның сүйікті зайыбы Фатима ханымның суретінен де көруге болады. Қазақ дәстүрінің негізгі атрибуты саналатын сәукеленің де түрлері көп.

Ұлттық бас киімдердің барлығын шебердің қызы Ғазиза Тлеубаева мен жұбайы Светлана Зайытова дайындайды. Көпшілік ұлттық бұйымдарға ерекше қызығушылық танытады.

Алайда өзіндік нақышы бар бас киімдердің бағасы қымбат. Өнертуындысынң әшекейлеріне көп күш жұмсалады.

Бағалы бас киімдердің бөлшектері көп. Деталын жасау оңай емес. Металдарының салмағы ауыр. Былай қарағанда ақ қоланың күмістен айырмашылығы аңғарылмайды.

– Қазақта бас киімнің түрі көп болған. Ер адамдар да, әйелдер де жасына лайық бөлекше киген. Бас киіміне қарап хан ба, қара ма ажырататын болған. Төл өнерімізді әрі қарай дамытқымыз келеді. Ерлердің бас киім топтамасын дайындау жоспарда бар.

Таңғаларлық формалар балалардың кейбір бас киімдеріне еніп жатыр екен. Бөріктің, тымақтың үлгілері қаншама?! Дегенмен, өз ережелері бойынша тігілуі қажет, – дейді Ғазиза Тлеубаева.

Этнодизайнердің сөзінің жаны бар. Ол сәукеленің бұрынғы сән-салтанатын сақтаған. Сәнмен, талғамментігеді. Қазақтың қандай ұлт екенін айғақтайтын ою-өрнек, шапан, камзолдарымызбен таныспыз. Бірақ, бас киімге аса мән бермейтініміз рас. Ғазиза Тлеубаева осы тұрғыда батыл шешім қабылдап, отандық өндірісімізге үлес қосуда.

Айтпақшы, «Қазақ хандығы» киносында Ғазиза Бауыржанқызының өз қолтаңбасы бар. Ол Қызданайдың рөлін сомдап шығады. Дизайнер әрі шебер қыз кино рөліне қалай бекітілген дейсіз ғой. Кәдімгідей кастингке қатысып, іріктеуден өткен.

Қыз баласы болса да, шеберхананың қайнаған жұмысы Ғазизаның қолынан өтеді. Өнер туындыларының эскизін дайындайды. Корол бағдарламасында суреттерді өңдейді. Көпшілік Өрнектің қолөнерін жек көрмейді.

DSC 5075

Шебер көбіне келушілердің алқа, сырға алуға ғана шамасы келетінін айтады. Дүкенде сырғаның 10-15, алқаның 10-ға жуық түрін алуына болады. Бағасы да қалтаға қолжетімді. 500 бен 4000 теңге аралығында.

2020 жылы Шымкент ТМД елдерінің мәдени астанасы болмақ. Қаламызда ұлттық құндылықтарымызды дәріптеген дүниелер де, шеберлер жетерлік. Бірақ «Өрнектей» қолөнер туындыларын дайындайтын шеберхана аз.

Белгілі қолөнерші кәсіпкер ретінде ғана емес, ұлтжанды азамат ретінде қазақтың тарихи шежіресін әрбір жанның білгенін қалайтынын жасармайды. «Қай елдің өнімі» дегенде мақтанатындай деңгейге жеткенді қалайтын кәсіпкер осы жолда еңбектенетінін айтады.

– Төл өнерді мемлекеттік деңгейде қолдау қажет. Біз шеберханамызды кеңейтіп, дүкенімізді көбейткіміз келеді. Қосымша құрал-жабдықтарды алсақ дейміз. Ұлттық туындылар арқылы табысты шаш-етектен тауып жатқан жоқпыз.

Әзірге шығындарымызды жарнамадан түскен табыспен жауып отырмыз. Әр облыс орталығында қазақ тарихының мұражайлары мен көрме орталықтары ашылса.

Олар сақ кезеңінен қазақ хандығына дейін және бүгінгі егеменді елімізге дейінгі аралықты қамтитын болса деп армандаймын. Сонда ұлттық өнеріміз бен тарихымызды көрсете аламыз, – деп сөзін түйіндеді Бауыржан Тлеубаев.

Қазір қолөнердің сипаты өзгерді. Этнодизайн саласына көшті. Бүгінге дейін өзге елдердің өнімдерін қолдандық. Керегінше тұтындық. Қажетімізге пайдаландық.

Дегенмен, отандық өнім, ұлттық қолөнеріміздің қарқынды дамып, рухани жаңғыруымызға үлес қосатын уақыт келді. Оған «Өрнектің» төл өнімдері арқылы көз жеткізуге болады.

Қазақтың кім екенін айтқызбай ұқтыратын төл өнер мемлекет тарапынан қолдау күтеді. Сонда біз ұлттық құндылықтарымызды таныта аламыз.

Құттыбике НҰРҒАБЫЛ

Шымкент қаласының әкімі Ерлан Айтаханов Венгрияның Алматыдағы Бас консулы Блауманн Ференцпен кездесті.

консул

Екіжақты кездесу барысында тараптар Шымкент пен Венгрия арасындағы экономикалық байланыстарды нығайту және бірлескен жобаларды жүзеге асыру мәселелерін талқылады.

Қала басшысы шаһардың инвестициялық және сауда-экономикалық әлеуеті туралы хабардар етіп, аймақта шетелдік инвесторлар үшін қолайлы жағдайлар жасалғанын атап өтті.

Шымкент – Қазақстандағы жетекші өндірістік және экономикалық орталықтарының бірі. Ұлы Жібек жолының бойында орналасқан Шымкент қаласы ірі транзиттік дәліздерге арналған көлік хабына айналады.

Мұнда инвесторлар үшін қолайлы жағдай жасалған, яғни, екі индустриалды аймақ пен бір арнайы экономикалық аймақ жұмыс істейді.Алдағы уақытта «Жұлдыз» және «Агро» индустриалды аймақтарын салуды жоспарлап отырмыз.

Ал, біз Венгрияны бау-бақша мен жүзім шаруашылығы жоғары дамыған ауыл шаруашылығы саласындағы индустриалды ел екенін білеміз. Сондықтан осы бағытта әріптестік орнатуға ниеттіміз. Оған қоса, ауылшаруашылығы өнімдерін қайта өңдеу саласы бойынша да бірлесіп жұмыс істеуге шақырамын, – деді Ерлан Қуанышұлы.

Екі елдің тарихи тамыры ортақ және даму жолдары ұқсас екенін айтқан Бас консул шымкенттік жастарды Венгрия мемлекетіне оқуға шақырды. Блауманн Ференц Қазақстанға жыл сайын 250 грант бөлінетінін, яғни осы арқылы Шымкент қаласының студенттерін барынша қамтуға болатынын атап өтті.

Кездесу соңында тараптар екі ел халықтарының игілігі үшін барлық бағыттар бойынша ынтымақтастықты одан әрі нығайтуға сөз байласты.

Зауыттың жұмысымен танысты

Пятница, 15 Ноябрь 2019 03:52

Еліміздің индустриялық-инновациялық даму бағдарламасы аясында жүзеге асырылған жобалардың бірі – Шымкенттегі «Бесқұдық тас» зауыты.

зауыт тасқұдық

«Оңтүстік» индустриалды аймағында орналасқан кәсіпорын жылына 350 мың шаршы метрге дейін тас өңдеп, құрылысқа қажетті түрлі пішіндегі материалдар шығарады.

Аталған зауыттың тыныс-тіршілігімен қала әкімі Ерлан Айтаханов арнайы барып танысып, жұмысшылармен жүздесті. Зауытта дайындалған травертин құрылыс материалы бүгінде Шымкент қаласындағы көпқабатты тұрғын үйлердің сыртқы келбетіне қолданылып келеді.

Мәселен, қаладағы Тәуке хан даңғылы мен Байтұрсынов көшелерінің қиылысында орналасқан көп қабатты үйдің қасбетін аталмыш мекеме өз есебінен көркейтіп берді.

Екі ауысымда жұмыс істейтін өндіріс орнында 40-тан астам адам жұмыс істейді. Нысан басында жатақхана, асхана, тағы басқа да орындар бар – жұмысшылардың әлеуметтік жағдайы жан-жақты қарастырылған.

Мұнда Түркия мен Қытай мемлекеттерінің озық үлгідегі жабдықтары мен техникалары пайдаланылады. Барлық жұмыстар автоматтандырылған.

Эльвира Доля, Мемлекеттердің гуманитарлық-ынтымақтастық жөніндегі халықаралық қор директорының орынбасары:

33333

– Жұмыс бабымен Қазақстанға көп сапарладым. Ал Шымкентке табаным бірінші рет тиіп отыр. Мұнда мені таңғалдырған һәм тамсандырған бір нәрсе болды. Ол – сіздердің концерттік залдарыңыз. Мысалы, Мәскеу қанша үлкен қала болғанымен, бірде-бір 1000 орындық залы жоқ. Не 500 не 5000 орындық. Ал 1000 орындық зал көрермен жинауға таптырмас ғимарат. Брест қаласында 3000 орындық зал бар. Ал оған арнайы бағдарлама қоя алмайсың. Немесе стадионда камералық оркестрдің концертін қою мүмкін емес. Шымкентте бізге таңдау үшін көптеген залдарды көрсетті. Бұл өте жақсы. Олардың құрылысы логикаға сай өте дұрыс жүргізілген.

Страница 1 из 343