Шымкент – көп ұзамай гүл жайнаған қалаға айналады. Қала аумағында бұл жұмыстар үшін арнайы топтар жасақталған. Олар жаз бойы гүлзарлар мен саябақтарды күтіп-баптаумен шұғылданады. Яғни, әрбір мекеме аулалары көгалдандырылуы тиіс.
– Мұнда қызғалдақ гүлдері біраз уақыт бұрын отырғызылған, ендігі кезекте өзге де гүлдердің қатары артады, – дейді 7 жылдан бері гүл егумен айналысып келген кәсіпорын қызметкері Гүлнар Мамбекова. – Бірқатар тұқымдас гүлдер бізге Сарыағаш қаласынан жеткізілуде. Бұл барқыт гүлдер Тәуке хан, Момышұлы, Қонаев және Республика даңғылдарының бойында, Ордабасы алаңы мен өзге де көрікті орындарда әр беріп тұратын болады.
Айта кетейік, күні бүгінге дейін қала аумағында қызғалдақтың 320 мың түп көшеті егілген. Мамандардың айтуынша, қаланың әрбір шаршы метріне гүлдердің 38-40 түбі отырғызылмақ.