ӘСКЕР МЫҚТЫ БОЛСА, ЕЛ ТЫНЫШ Избранное

Среда, 15 Май 2024 06:35 Автор  Опубликовано в Қала Прочитано 169 раз

Шымкент қаласының 35748 әскери бөлімінде Отан қорғаушылар күні мен Ұлы Жеңістің 79 жылдығын мерекелеуге арналған салтанатты жиын өтті.

7Day-1

 

Салтанатты шараға бригада басшылығы, офицерлер, келісімшарт бойынша әскери қызметшілер, сарбаздар, сондай-ақ әскери бөлімнің ардагерлері мен әскери отбасылар қатысты.
Іс-шараға қала әкімі Ғабит Сыздықбеков арнайы келіп, әскери бөлімшені аралап, материалдық-техникалық базасымен танысты. Мұнан кейін қала әкімі салтанатты жиында Шымкент гарнизонының үздік әскери қызметкерлері мен ардагерлерді арнайы Алғыс хатпен марапаттады.
– Құрметті Отан қорғаушылар, сарбаздар! Сіздерді айбынды мерекеміз Отан қорғаушылар күнімен шын жүректен құттықтаймын! Әрбір тәуелсіз мемлекеттің басты мақсаты – ел тыныштығын қорғау. Мемлекет тұтастығын сақтау. Сондықтан да бұл күн Отанды қадірлейтін, оның тарихын құрметтейтін, әскеріміздің атағын асқақтатып, еліміздің қуатын айғақтайтын күн! Халықтың қауіпсіздігі мен бейбіт өмір жолында адал қызмет етіп келе жатқан әскери қызметшілерге алғысым шексіз, – деді Ғ.Сыздықбеков.
Содан кейін Шымкент қаласы Ардагерлер коалициясының төрағасы, отставкадағы полковник Серік Онбаев құттықтау сөз сөйлеп, алғыс білдірді.
—Осынау мерекеде өз өмірін әскери қызметке арнаған азаматтарды құттықтаймын! Отансүйгіштіктің, ар-намыстың, парыз бен батылдықтың үлгілері ретінде қызмет еткен Ұлы Отан соғысының ардагерлері мен тыл еңбеккерлеріне ерекше алғыс білдіргім келеді, – деді С. Онбаев.
Іс-шара барысында қызметтік міндеттерін адал атқарып, жоғары нәтижелерге қол жеткізіп, ерекше көзге түскен әскери қызметшілер марапатталды. Ресми бөлім аяқталғаннан кейін бригаданың әскери оркестрі солистерінің қатысуымен концерттік бағдарлама өтті.

Гүлнұр БАЛАБАСОВА

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.