Шымкент келбеті

Шымкент қалалық жұмыспен қамту және әлеуметтік қорғау басқармасы жастар арасында байқау жариялайды. Бұл туралы басқарма басшысы Балмаржан Нарбекова ақпараттық-коммуникация орталығында өткен брифингте мәлімдеді.

Шымкент қалалық жедел жәрдем көрсету станциясы екі жаңа автокөлікпен толықты. Арнайы техникаларды «Астана моторс» компаниясы сыйға тартқан. Көліктерді БАҚ өкілдеріне қалалық денсаулық сақтау басқармасының басшысы Бақытжан Позилов таныстырды.

Шымкент қаласында жыл басынан бері коронавирус инфекциясын жұқтырған 5 745 науқас анықталды. Емделіп шыққандарының саны – 627. Бұл туралы қалалық денсаулық сақтау басқармасы басшысының орынбасары Айгүл Бекбауова мәлімдеді.

Үшінші мегаполистегі құрылыс қарқыны биыл 2021 жылдағы көрсеткіштен асып түспесе, кем болмайды. Оның ішінде басымдық тұрғын үйге беріледі. Бұл туралы Шымкент қалалық құрылыс басқармасының басшысы Әбілсейіт Рабаев ақпараттық-коммуникация орталығында өткен баспасөз брифингінде мәлімдеді.

Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы шеңберінде берілетін қайтарымсыз мемлекеттік гранттар – тұрмыстық әл-ауқатын жақсартуға ниетті азаматтар үшін тиімді жобаның бірі. Бизнес-идеяларды іске асыруға арналған гранттар өз ісін ашуды жоспарлап отырған бағдарламаға қатысушыларға тегін және қайтарымсыз негізде беріледі.

Ел азаматтары арасындағы жұмыссыздық қай кезде де күн тәртібінен түскен емес. Мемлекет тарапынан осы өзекті мәселеге жіті көңіл бөлініп, түрлі бағдарламалар жүзеге асырылуда. Ал қаңтар айындағы жағдайдан соң, әсіресе, жастар арасындағы жұмыссыздықты жою басты назарға алынды. Мемлекет басшысы Қасым-Жомарт Тоқаев ҚР Парламенті Мәжілісінің пленарлық отырысында сөйлеген сөзінде отандастарымыз, соның ішінде ел жастары үшін аса маңызды мәселелерге тоқталды. Жұмыссыздық деңгейін төмендетіп, жоғары оқу орындарының, колледждердің түлектерін, білімі жоқ жастарды тұрақты жұмысқа орналастыру мәселесін алға тартты.

Шымкент қалалық қоғамдық кеңес мүшелері қоғамдық қабылдау өткізді. Қазақстан халқы Ассамблеясының ғимаратында өткен қабылдауға түрлі мәселелері бар 7 тұрғын жазылған. Олардың арыз-талабын Нұрғазы Бұхарбаев бастаған кеңес мүшелері тыңдады. Қоғамдық қабылдауда, сонымен қатар, Жұмағали Білісбеков, Нұржан Ажиметов, Бауыржан Әлтеев, Ерсұлтан Әмірбек сынды ел ағалары болды.

Қандай істі жүзеге асырғанда ең бастысы – ниет пен көңіл. Осы ойды ұстанған Шымкент жастары қала тазалығын сақтап жүрген мамандарға ілтипаттарын білдірді. Еңбекші аудандық жастар ресурстық орталығының ұйымдастыруымен коммуналды мекеме қызметкерлеріне таңғы ас үлестірілді. Осылайша ауыр еңбекпен айналысып жүрген азаматтарға алғыс білдірді.