Үшінші мегаполистегі тұрақты жұмысы бар жастардың екінші легі баспаналы болды. Бұл жолы сатып алу құқығынсыз бес жыл мерзімге жалға берілетін пәтерге 300 жастың қолы жетіп отыр. Яғни, Әз-Наурыз мерекесінде осыншама отбасы қоныс тойын тойлайды деген сөз.

331

Шымкентте жуырда SilkWay халықаралық университетінің базасында орналасқан «Smart Hub» орталығы өзінің «Ақылды күнбағыс» жобасын іске қосқан болатын. Жаңалығы көп орталықтың тыныс-тіршілігімен танысып, оның IT өндірістің алға ілгерілеуіне тигізер әсері жөнінде осы орталық жетекшісі, университеттің цифрландыру жөніндегі проректоры Нұрлыбек Жұматаевпен сұхбаттасудың сәті түсті.

305

Шымкенттегі «Хакім Абай» музейінде белгілі абайтанушы, М.Әуезов атындағы ОҚУ «Абайтану» ғылыми-зерттеу орталығының аға ғылыми қызметкері, филология ғылымдарының кандидаты Мақсат Әліпханның «Адамгершілік ілімі және Хакім Абай» атты кітабының тұсаукесері өтті.

220

Әр минут – мүмкіндік

Пятница, 12 Март 2021 03:44

Орталықтағы үйірмеге 4 мыңнан астам жас қатысады

 

«Ерте тұрған еркектің ырысы артық, ерте тұрған әйелдің жұмысы артық». Уақытты ұтымды да тиімді пайдалануды қаншама жыл бұрын бабаларымыз пайымдай білген. Ал, арамызда «мен біраз нәрсені жасағым келеді, бірақ уақыт аз» дейтіндер де табылады. Уақытты тиімді пайдалану – бүгінгі күні жетістікке жетудің бірден бір жолы. Бұл жолы тәуліктің әр минутын дұрыс жоспарлайтындар жайында сөз қозғамақпыз.

221

Шымшаһар боксшысы Испаниядағы халықаралық турнирдің чемпионы атанды. Кастельоне қаласында өткен Boxam халықаралық турнирінің қорытындысы бойынша қазақстандық боксшылар екі медаль жеңіп алды.

218

41-okushy

Шымкентте Елбасы медалі бағдарламасының екінші кезеңінде спорт, дарындылық пен дағдыны дамыту, кітап оқу, волонтерлік, ұлттық мұра, туристік және жұмыс тәжірибесі бойынша жетістікке жеткен жастар марапатталды.

«Дарын» орталығының ұйымдастыруымен өткен салтанатты жиында Шымкент қаласының бірінші орынбасары Шыңғыс Мұқан «Елбасы медалі» жобасының барлық шарттарын сәтті орындаған оқушыларды онлайн құттықтады.

— Атаулы жобаның мақсаты – дарынды ұл-қыздарды қолдау, жауапкершілік пен табандылық сезімін дамыту, оларды мақсат қоюға және сол мақсаттарына жетуге баулу. Бұл марапат сіздердің жетістіктеріңіз бастауы болады деп ойлаймын. Бағдарламаға қатысу арқылы жастар өз уақытын басқаруға, мақсат қоюға және оларға жүйелі түрде қол жеткізуге, салауатты өмір салтын ұстануға және үнемі өзін-өзі дамытуға үйренеді. Баршаңызға шығармашылық табыстар тілеймін, - деді Шыңғыс Жұмабекұлы.

Ал үздік деп танылған 41 оқушыға Елбасының марапатын Білім басқармасының басшысы Ж. Тәжиева мен «Дарын» орталығының директоры Р. Джеренова табыстады. ҚР Тұңғыш Президенті Нұрсұлтан Әбішұлының «El Umiti» бастамасы аясында ұйымдастырылған жобада қала бойынша жалпы 131 озат оқушыны марапаттау жоспарланған.

Айта кетейік, өткен жылдың желтоқсан айында қала әкімі Мұрат Әйтенов алғашқы 10 оқушыны аталған медальмен марапаттаған болатын.

Аталған бағдарламаның негізгі символы - жетістіктің 7 жебесіне баланған. Ол жасөспірімдердің қабілетін дамытуға, жас қазақстандықтардың рухын биік ұстауға, жаңа ұрпақтың бәсекеге қабілеттілігін арттыруға арналған.

transpotologia

Шымкент қаласы әкімінің бірінші орынбасары Шыңғыс Мұқан үшінші мегаполисті еліміздегі трансплантология орталығына айналдыру жолында үлкен қадам жасалғанын мәлім етті.

–Шымкент қаласының әкімі Мұрат Әйтеновтің ұсынысымен, осы бағытта халықаралық конференция өткіздік. Оған Ресей, Өзбекстан мен Қырғызстаннан мамандар қатысты. Мықты мамандармен меморандум жасадық. Атақты Склифосовский атындағы жедел жәрдем ғылыми-зерттеу институты меңгерген ота түрлерін бізге үйрететін болды.

Біздің №1 қалалық клиникалық аурухана ендігі жерде Қазақстанда жасалатын трансплантацияның басым бөлігін жасап жатса таңғалмаңыз.

Адам өз мүшелерін көліктің бөлшектері сияқты ауыстырып жүре беретін ғылыми фантастикалық болашақ алыс емес. Егер сол рас болса, Шымкент көш бастайды», - деді Шыңғыс Жұмабекұлы.

Балалар киносы туралы сөз қозғағанда бірден талайдың тәтті шағы балалығын әрлеген «Wolt Disney» еске оралады. Шымшаһарда сондай кино өндірісіне өзіндік атын қалыптастыруды көздеген балалар студиясы бар. Шығармашылыққа ден қойып кіріскен, тынымсыз еңбек етіп жүрген жас режиссер Мейрамбек АҒАДІЛОВпен сұхбат түзген едік.

meiram-megapolistin

– Мейрамбек Нышанәліұлы, «Мейрам» балалар киностудиясы бүгінде кең аудиторияны баурап, қалың көрерменнің көзайымына айналды. Миллиондарды бағындырған балалар киностудиясының басшысы ретінде өнер ордасының құрылу тарихына тоқталсаңыз.
– Бүгінде Қазақстанның қай өңіріне барсақ та, «Мейрам киностудиясы» деп барлығы танып жатады. Оның ішінде әсіресе балалар тарапынан белсенділік көбірек байқалады. Біздің киностудияның құрылғанына бүгінде 6 жылдан асты. Осы уақыт аралығында 100-ге тарта туындымыз жарыққа шықты. Біз Қазақстандағы ең алғашқы балалар киностудиясын қалыптастырдық. Әрине, оңай болған жоқ. Бәрі де еңбектің арқасы. Алғашында көптеген білікті мамандар бізге күмәнмен қарады. «Бұл мүмкін емес» дегендей, көзқарас танытты. Соған қарамастан, біз өз мақсатымызға жеттік. Қаншама кедергілерден өтіп, өзіміздің мықты киностудия бола алатынымызды дәлелдедік. Байқап қарасам, бүгінгі күні Оңтүстік өңірінде «Алтын батырма» (1 млн оқырманы бар аккаунтқа беріледі) бізде ғана бар екен. Мақтанарлық жайт емес пе?! Ал, енді өзіме тоқталатын болсам, жасым 32-де. Мамандығым – заңгер. Киностудия ашуға 25 жастан бастап кірістім. 1 ұл 2 қызым бар. Үлкені – Бексұлтан. Оны бәрі «Бека бой» деп таниды. Үлкенімнің де актерлық қабілеті бар. Қосымша «Мейрам тв» каналындағы кішігірім вайндарға түсіп жүреді. Болашақта осы саланы таңдап жатса, үлкен актер боларына сенімдімін. Одан кейін егіз қыздарым бар. Олар әлі кішкентай болғандықтан, қай салаға жақын екенін әзірге білмейміз.

– «Өз ұлын көшеге тастап кеткен ана», «Ауылбай болмаймын», «Анасыз өскен балалар» атты фильмдер тек көп қаралым жинап қоймай, балаларға арналған қазақ тіліндегі киноның дамуына жол ашып жатыр деуге болады. Киностудия қоржынында қанша туынды бар? Шығармашылық ұжымда жастар көп секілді. Жөн сілтеп бағыт-бағдар беретін өзіңіз бе? Бір фильмнің көрерменге жетуіне кімдер атсалысады соған тоқталып өтсеңіз.
– Жоғарыда атап өткендей, киностудия қоржынында 100-ге тарта түрлі жанрдағы фильмдер бар. Олардың ішінде ең көп қаралым жинағаны 7,8 млн. Ал, киноның жарыққа шығу процессіне тоқталсақ, жазылған сценарий құпталғаннан кейін, менеджерге беріледі. Менеджер киноға түсетін балаларды іріктеп, арнайы топ жасақтайды. Сонымен қатар, режиссерлар түсірілімге дейін съёмка болатын локацияларды дайындайды. Сценарий бойынша режиссер оператормен бірлесіп түсірілім жұмыстарын жүргізеді. Одан кейін, монтаж жасалады, музыка қойылады. Дыбыс режиссерларының жұмыстары аяқталғаннан кейін, киноға бояу беріледі. Жалпы алғанда, ұжымда 20 шақты қызметкер жұмыс істейді. Олардың барлығы дерлік жастар. Жөн сілтейтін ағалары болып өзіміз отырмыз. Идеясын жүзеге асырғысы келген режиссерлар маған келіп, өз ойларымен бөліседі. Мен оларға барынша мүмкіндік беруге тырысамын. Өйткені, өмірде мүмкін емес нәрсе жоқ. Соны түсінсе деймін. Кино түсіретін режиссерлар ең бірінші маған киноның логлайнын тапсырады. Сол арқылы идея мақұлданады. Егер, өзгертулер енгізу қажет болса, қате жерін жөндеуге тапсырма беремін. Одан кейін, киноның сценарий жазылады. Сценариде түзетулер көп кездесе бермейді. Өйткені, біз киноның түпкі идеясын дұрыс қалыптастырдық. Одан әрі жоғарыда айтылған жұмыс процестері жалғасады.

– Киностудия арқылы танылып, жұлдызы жанғандар бар ма? Орталықта болашақта актер боламын деп келетін жас өнерпаздармен олардың актерлік шеберлігі жайлы не айтар едіңіз?
– Әрине бар. Мысалға алатын болсақ, "Қалқанқұлақ" фильмінде басты рөлді сомдаған Ерсұлтан Сіргебай біздің шәкіртіміз. Сонымен қатар, Қуғынбай Ерхан, Асқар Сабина деген қызымыз бар. Және көптеген актерларды Қазақстандағы балалардың басым бөлігі таниды. Тағы бір айта кетерлігі, біздің киностудияның Шымкент қаласынан бөлек, елордамыз Нұр-Сұлтан, Алматы, Ақтөбе, Ақтау, Тараз қалаларында филиалдары жұмыс істейді. Біздің орталыққа келген балалар кастингтен іріктелгеннен кейін, екі ай бойына актерлық шеберлік сабақтарын өтеді. Сабаққа қатысқан балалар берілген образды қалай сомдау керектігінен бастап, камерамен жұмыс істеу туралы толығымен үйреніп шығады. Алғаш рет киноға түсіп жатқан кез келген балада қобалжу болады. Бір киноға түскен бала керемет актер болып кетеді деп ешкім кепілдік бере алмайды. Бұл жәй балаға тәжірибе болады. Бала бірнеше рет киноға түсу арқылы актерлық шеберлігін шыңдай түседі. Қазіргі таңда басқа киностудиялар балалардың рөліне актерларды бізден келіп сұрайды. Біз оларға ең үздіктерін беруге тырысамыз. Осылайша, балалардың болашағына жол ашылады.

– Бүгінгідей интернет дамыған заманда сіздер секілді көрерменді ғаламтор арқылы жаулап алу оңай ма? Жалпы, балаларды кино арқылы неге баулыған дұрыс?
– Сұрағыңыз өте орынды. Әрине, қазіргі таңда күнделікті өмірде іс-әрекеттеріміздің барлығы қол еңбегі арқылы емес, интернет желісі арқылы жүзеге асуда. Дегенмен, әр нәрсенің өз жемісімен бірге ауыртпалығы қатар жүреді. Біз бұл күнге жету жолында қаншама еңбек пен ұйқысыз түндерді сарп еттік. Ал, «кино арқылы балаларды неге тәрбелеуге болады?» - деген сұрағыңызға келетін болсақ, кино ол – өмір. Біз кино арқылы қоғамда, отбасында, мейлі балалардың өз арасында кездесетін ауқымды мәселелерді дұрыс жағынан шешу жолдарын жасөскіннің санасына сәуле себезгілеткендей сіңіреміз тырысамыз және бүгінгі бүлдіршіндерді соған тәрбиелейміз!

– Дүниежүзін әбігерге салған індет әлемдегі алпауыт кинокомпаниялардың жұмысына тосқауыл болып, керек десеңіз тоқтатуда. Тіпті, кинотеатрлар уақытша жабылудың алдында тұр. Бұл індет сіздерге салқынын тигізбеген болар? Көрерменді қуантар жаңалықтарыңыз бен жоспарларыңызды да білсек.
– Иә, covid-19 індеті тұтас адамзатты біраз есеңгіретіп тастағаны рас, пандемия кино саласына едәуір соққы жа¬сағаны анық. Елімізден бөлек, әлем бойынша қаншама кино-театрлар қаңырап, өз көрермендерін әлі де сарыла күтуде. Бірақ, біз жұмысымызды тоқтатпадық. Карантиндік режимді қатаң түрде сақтай отырып, кино түсіруді жалғастыра бердік. Апта сайын бір кино шығаратын үрдісімізді жоғалтып алмауға тырыстық. Бүгінде алға қойған мақсаттарымыз өте көп. Біз өз мақсаттарымызды айтқаннан гөрі жасағанды жақсы көреміз. Бізден тек жақсы жаңалықтар күтіңіздер. Біз оны жасаймыз, ал сіздер бізбен бірге болыңыздар!

Страница 9 из 44