Шымкент келбеті

Шымкент қаласының ресми және іскерлік делегациясының сапары аясында Қытайдың Сиань қаласында Бас консулдықтың қолдауымен бауырлас қалалалар кәсіпкерлерінің қатысуымен сауда-экономикалық форум өтті. Сиань - әлемдегі ең көне қалалардың бірі, Қытайдың рухани және мәдени астанасы, сондай-ақ Шымкент қаласының бауырлас қаласы. Сапар барысында Шымкенттің 20-ға жуық компаниясы мен Қытайдың 30-дан астам кәсіпорын өкілдері арасында B2B-кездесулер өтті.

Қала әкімі Ғабит Сыздықбековтың тапсырмасына сәйкес орталықта орналасқан көктас шеберханалары және металл сынықтарын қабылдау орындары қала сыртына көшіріліп жатыр.

Елімізде 24-30 маусым аралығында Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен Репродуктивті денсаулық апталығы өтеді. Денсаулық сақтау басқармасы басшысының орынбасары Сәуле Сансызбайқызы қалалық коммуникациялар қызметінде өткен брифингте осы апталықтың Шымкентте қалай өтетінін айтты.

Жасөспірімдерді ересек өмірге дайындауға бағытталған арнайы бағдарлама қажет. Бұл туралы Шымкент қаласы әкімінің жанындағы әйелдер істері және отбасылық-демографиялық саясат жөніндегі комиссияның кезекті отырысында айтылды. Өйткені елімізде кәмелетке толмағандар арасында ерте жүктілік көбейген.

Шымкентте табиғатты аялау, қоршаған ортаны қорғауға бағытталған «Таза Қазақстан» республикалық акциясы жалғасуда. Қалада алты жерде санитарлық тазалық жұмыстары жүргізілді.

2200 жылдық терең тарихы бар көне қала әрі жаңарған, жасарған шырайлы Шымқаланың тарихын қалалық соттың тарихынан бөліп қарауға әсте болмайды. Оңтүстік өңірде орналасқан Шымкенттің тарихы тереңнен сыр шертеді десек те, Шымкенттің дербес қала болғанына 6 жыл толғанын жақында атап өттік. Қаланың солтүстік жағында Қаратау көлбей созылып жатса, Оңтүстік шығысында Талас Алатауы алыстан менмұндалап, күллі халқымыз кие тұтқан Қазығұрты, талай-талай алқалы кеңестер өтіп, ел тағдырын шешкен Мәртөбесі мен Ордабасы, сансыз баптардың ордасы болған Сайрамы Шымкентті төрткүл дүниеге танымал еткен. Қайырымды қала Шымкентке би жайлаған Алатаудың асқақтығы мен хан жайлаған Қаратаудың құт берекесі дарыған.

Мемлекет басшысы Қ.Тоқаев 2021 жылы халыққа арнаған «Халық бірлігі және жүйелі реформалар – ел өркендеуінің берік негізі» атты Жолдауында елімізде 2025 жылға қарай орын тапшылығы 1 миллионға жететінін мәлімдеп, сол кезеңге дейін кемінде 1000 мектеп салу туралы тапсырма берген. Президент межелеген 2025 жылға да көп қалған жоқ. Жарты жыл уақыт бар. Осы төрт жылға жуық мерзімде мектептердегі орын тапшылығы мәселесі қаншалықты шешілді?