Шымкент келбеті

Шымкентте Ахмет Байтұрсынұлының 150 жылдығына орай ұлт ұстазының ескерткішіне гүл шоқтарын қою рәсімі өтті. Оған Шымкент қаласының әкімі Мұрат Әйтенов пен қалалық мәслихаттың хатшысы Бахадыр Нарымбетов, зиялы қауым өкілдері мен ұстаздар қатысты.

Мемлекет басшысы Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Жолдауын Шымкент қаласының тұрғындары зор ынта-ықласпен тыңдап, онда айтылған бастамаларға қолдау көрсетіп жатыр. Қала әкімдігінің мәжіліс залында жергілікті мәслихат депутаттары, Қоғамдық кеңес пен Қазақстан халқы Ассамблеясының мүшелері, зиялы қауым және БАҚ өкілдері бас қосып, Президент Жолдауын тікелей эфирден тамашалады.

педагогтердің тамыз кеңесінде саладағы өзекті мәселелер талқыланды

Шымкент қаласында «Құндылыққа бағдар: сапалы білім, өзін өзі бағалау, жаңа мүмкіндіктер» тақырыбында педагогтердің тамыз кеңесі өтті. Оған Шымкент қаласының әкімі Мұрат Әйтенов қатысып, ұстаздарды жаңа оқу жылының басталуымен құттықтады. Шаһар басшысы білім саласын дамыту мақсатында атқарылып жатқан жұмыстарды кеңінен баяндап, алдағы мақсат-міндеттермен бөлісті.

Конституция күні – халқымыздың қастерлі де ұлық мерекесі. Жаңа, тәуелсіз мемлекетіміздің құқықтық негізін қалаған Ата Заң азаматтарымыздың теңдігі мен бостандығына кепілдік беруімен, елімізде тыныштық пен бейбітшіліктің сақталуына негіз болуымен құнды.

«Мерейлі отбасы» ұлттық байқауы – бір шаңырақ астында берекелі өмір сүрудің қаншалықты маңызды екенін түсінуге, отбасылық өмір салты, ата-аналық парыз, жауапкершілік секілді ұғымдарды ел санасына сіңіруге, әсіресе, жастарға жеткізуге мүмкіндік береді.

Қазақстан Республикасы Парламенті Мәжілісінің депутаттары Берік Бекжанов, Берік Оспанов және Фахриддин Қаратаев Шымкент қаласына іс-сапар аясында Сәуле шағынауданының 276-орамында болып, елді мекеннің тыныс-тіршілігімен танысты. Болашақта 5 мыңнан астам тұрғын өмір сүреді деп жоспарланған бұл шағынауданда сапалы электр қуаты жүйесі іске қосылды.

Халық саны 1 миллион 200 мыңға жуықтап келе жатқан Шымкент шаһарының мың сан шаруасының ішінде алдағы қысқы жылыту маусымына дайындық жұмыстары үлкен маңызға ие. Осыған орай Шымкент қалалық мәслихатының жуырда өткен жиырмасыншы сессиясынның күн тәртібінде қаланың жылыту маусымына дайындық барысы да талқыға салынды. Депутаттардың алдында Шымкент қаласы әкімдігінің қалалық энергетика және инфрақұрылымды дамыту басқармасының басшысы Боранбай Болатбеков есеп берді.

Шымкент қаласында биыл қаңтар-маусым айларында 17 миллиард 200 миллион теңгенің жеңіл өнеркәсіп өнімі өндірілген. Бұл республикада жеңіл өнеркәсібінің дамуындағы үшінші мегаполистің үлесі 23.5 пайызды құрап отыр деген сөз. Шымкентте бұл сектордың дамуына «Оңтүстік» арнайы экономикалық аймағы ерекше әсерін тигізіп отыр. Биыл бірінші жартыжылдықта Шымкентте өндірілген жеңілөнеркәсіп өнімдерінің 79,1 пайызы осы аймақтың үлесіне тиесілі. Осының өзі мұның еліміздегі ең тиімді арнайы экономикалық аймақтың біріне айналғанын көрсетеді.