Жаңадан ашылған пошта бөлімшесінде халыққа қажетті байланыс және төлемдер қызметі көрсетіледі. Жұмыс уақыты таңғы 9:00-ден кешкі 18:00-ге дейін, ал демалыс күндері сағат 9:00-14:00-ге дейін тұрғындарға қызмет етуге дайын.
–Қазіргі таңда «Қазпошта» АҚ қызметі қарқынды дамуда, соның ішінде пошталық жөнелтімдерді жіберу, қомақты және ауыр салмақты жүктерді республика ішінде жөнелту мен жеткізу, газет-журналдарға жазылуды рәсімдеу, сәлемдемелер супермаркеті сынды пошталық қызмет түрлерін ұсынып отырмыз. Бұған қоса, коммуналдық, салық жане басқа да төлем түрлері бар. Біздің міндетіміз — әрбір келген тұтынушыға сапалы әрі жоғары дәрежеде қызмет көрсету, – дейді «Шымкент поштамат» филиалының сату бөлімінің басшысы Бағдат Есенбаев.
Shymcity шағынауданының тұрғындары еліміздің, әлемнің түкпір-түкпірінен келген сәлемдемесін алу және жөнелту үшін қала орталығына сабылмайды. «Қазпошта» қызметін қаланың кез-келген тұрғыны да қолдана алады.
Айдана МҰХТАРОВА
