Қазақтың бүгіні мен ертеңін, өрлігі мен ерлігін, жас ұрпаққа насихаттау жолында патриоттық тәрбиенің алатын орны ерекше екенін атап өткен ардагерлер кеңесінің мүшелері жастарға рухани-адамгершілік, патриоттық тәрбие беру ісін жандандыру қажет екенін алға тартты. Әсіресе, жастарды әскерге тарту мәселесіне ерекше назар аударып, әскер борышын өтеу айрықша миссия екенін түсіндіру жұмыстарына тоқталды. Жастарды әскерге үгіттеу, жігерлендіру мәселелері де сөз болды.
– Халқымыз «Қариясы бар елдің – қазынасы бар» деген сөзді текке айтпаған. Қазыналы қарттар отбасында, қоғамда өмірлік тәжірибелерімен бөлісіп, жастарға ақыл-кеңесін айтып, Отанға адал қызмет етуге тәрбиелеп, өмірге, ертеңгі күнге деген сенімін қалыптастыруға атсалысуымыз керек. Сонда ғана шекарамыз шегендеулі, шебіміз мықты ел боламыз, – деді Шымкент қалалық ардагерлер кеңесінің төрағасы Кенжехан Төлебаев.
Әйгерім ӘМІР
