Шымкент қаласы әкімдігінде мемлекеттік қызметкерлер мен қалалық мәслихаттың депутаттары, қоғамдық бірлестік төрағалары ҚР Энергетика министрі Қ.Бозымбаевтың халыққа есеп беру кездесуін онлайн тыңдады.
Қанат Алдабергенұлы министрліктің қызметі, мұнай-газ, уран, электр энергетикасы және қоршаған ортаны қорғау салаларының даму жоспарлары туралы баяндады. Екінші бөлімде қойылған сұрақтарға жауап берді.
Министрдің айтуынша, биыл Қазақстан 90 млн тоннаға жуық мұнай өндірмек.
– Биылғы 5 айдың ішінде 36,5 млн тонна мұнай өндірілді. Яғни, жоспар 101% орындалды. Үш ірі жоба бойынша 21,7 млн тонна мұнай өндірілді. Қашағанда - 4,24 млн тонна, Теңізде - 12,48 млн тонна, Қарашығанақта - 4,97 млн тонна өндірілді. Биыл мұнай өндіру көлемі 89 млн тонна болады, - дейді Қ.Бозымбаев.