Шымкент келбеті

Биыл қалада «Наурыз Шымкенттен басталады» атты ауқымды жоба қолға алынғаны белгілі. Жергілікті биліктің бастамасымен Шымкентте Наурызға байланысты 100-ден астам іс-шара ұйымдастырылды. Оның ішінде халықаралық деңгейде өткендері де бар. Алайда, әлеуметтік желіде кейбір блогерлер Наурызды тойлауға жұмсалған бюджет қаржысын қызу талқылап жатыр. Осыған орай, біз қалалық мәдениет, тілдерді дамыту және архивтер басқармасының басшысы Ханзада ЕСЕНОВАМЕН сұхбаттасып, жағдайды түсіндіріп беруді сұраған едік.

Наурыз адамзат тарихындағы ең көне мерекелердің бірі екені белгілі. Ғалымдар оның мыңдаған жылдық тарихы барын айтады. Олай болса, бұл мерекені осыншалықты өміршең еткен не? Әрине, бұл сұраққа саналуан жауап табуға болатын шығар. Бірақ, соның ішіндегі ең маңызды аргумент – Наурыз мерекесінің жаратылыс заңдарымен үйлесіп, табиғатпен бітеқайнасып жатқандығы болса керек.

Жергілікті өзін өзі басқару жүйесі – демократияның ең маңызды институттарының бірі. Өйткені ол тұрғындардың жергілікті маңызға ие мәселелерді шешуге атсалысуына мүмкіндік береді. Осы орайда Қазақстан құқықтық-демократиялық даму жолын таңдаған мемлекет ретінде жергілікті өзін өзі басқару жүйесін дамытуға ұдайы назар аударып отыр. Барлық өңірде қоғамдық кеңестердің құрылуы, әкімдерді сайлау тәжірибесінің қолға алынуы, жергілікті жерлерде төртінші деңгейлі бюджеттердің енгізілуі – сөзіміздің айғағы. Енді Мемлекет басшысы Қасым-Жомарт Тоқаевтың «Халық үніне құлақ асатын мемлекет» тұжырымдамасының аясында тұрғындардың жергілікті мәселелерге ықпалын күшейтіп, қоғамдағы ашықтық пен жариялылықты жетілдіре түсетін тағы бір реформа іске асырылуда. Ол – халық қатысатын бюджет жобасы.

Кеше Қазақстан Республикасының Президенті Қасым-Жомарт Тоқаев Twitter парақшасында коронавирус пандемиясының басталғанына бір жыл толғанын еске салған жазбасын жариялады.

«Шынымен білімге құштар бала қайда оқыса да түбі бір жерді «тесіп» шығады». ХХ ғасырдан қалған осы бір пікірді қуаттайтындар біздің қоғамда әлі де жиі кездеседі. Аға буын өкілдері «Не дейсің, біздің кезімізде электр жарығы да жоқ еді, шамның сәулесімен кітап оқып-ақ адам болғанбыз» деп жатады. Бұл әңгіменің соңы «бала талантты болса, оның қандай мектепте, қандай жағдайда оқитыны маңызды емес» деген жаңсақ қорытындымен аяқталады. Іс жүзінде білім саласындағы инфрақұрылымның сапаға айтарлықтай әсер ететінін уақыттың өзі дәлелдеген. Ғимараты еңселі, материалдық-техникалық базасы мықты мектепте оқу баланың ынтасын арттырып, зейінін ашады.

Шымкент қаласында білім саласының инфрақұрылымын шешу үшін 5 жылға жоспар жасалған. Соған сәйкес, 2025 жылға дейін Шымкентте 85 мектеп ашылады. Оның 33-і мемлекет есебінен, 12-сі мемлекеттік-жекеменшік әріптестік негізінде, 40 мектепті жеке инвесторлар салады. Оның ішінде биыл 32 мектептің құрылысы басталады. Алдағы үш жылда Шымкентте үш ауысымды мектеп мәселесі толық шешіледі.

Халқымыздың «Келісіп пішкен тон келте болмас» деген даналығы ХХІ ғасырда да мәнін жойған жоқ. Қай мәселенің болсын артын дауға айналдырмай, ақылдаса, кеңесе отырып шешу — елдігіміздің іргесін бекіте түсері сөзсіз. Бабаларымыз айтқандай, «Өлетұғын тай үшін, көшетұғын сай үшін» ЕЛ БІРЛІГІ деген асыл қазынамызға сызат түсіруге әсті болмайды. Осы ақиқатты тереңнен сезінген болса керек, Шымкент қаласының бүгінгі басшылығы қоғамның қызу талқысына түскен «ипподром аймағында тұрғын үй кешенін салу» мәселесі бойынша қоғамдық тыңдау өткізді.

Шымкентте 2025 жылға дейін 85 мектеп салынады. Оның кем дегенде 70 пайызы жеке инвесторлардың қаржысына бой көтермек. Бұл туралы әлеуметтік инвесторлармен кездесу барысында Шымкент қаласы әкімінің бірінші орынбасары Шыңғыс Мұқан мәлімдеді.