Дәстүрлі жоғары мектеп аралық «Ынта-2015» байқауы мәреге жетті. Эстрада ән орындаушылары мен кеш жүргізушілеріне арналған сайыста 21 үміткер бақ сынады.
Оңтүстік Қазақстан мемлекеттік педагогикалық институтында 2011 жылдан бастау алған конкурстың жастар үшін орны бөлек. Байқаудың мақсаты – дарынды жастарды айқындау, шығармашылығын дамыту, оқу орнының қоғамдық және мәдени өміріне баулу. Конкурсқа қатысушы үміткерлер бірінші кезеңде өзі таңдаған ән орындаса, екінші кезеңде облыстық эстрада жұлдыздарымен шеберліктерін көрсетті. Десе де, қазылар алқасына үздік ән орындаушылар мен кеш жүргізушілерін анықтау оңай болған жоқ. Сайыс қорытындысына сәйкес жас орындаушылар аталымы бойынша бас жүлдені шығармашылық және жаңа технологиялар жоғары мектебінің 2 курс студенті Алмас Қожа жеңіп алды. Бірінші орынды филология жоғары мектебінің 3 курс студенті Әлия Жақсылық иеленді. Екінші орынды жаратылыстану физика-математика мектебінің студенттері Дәуіт Маратов пен Закария Ізмахан бөлісті. Ал үшінші орынды Гүлсезім Қошқарбек пен Ақбота Сопбек қанағат тұтты.
Кеш жүргізушілері аталымы бойынша бас жүлде 1 курс студенті Мұхтар Аманжолға берілді. Бірінші орынды Ләйлә Оспан иеленсе, екінші орынға Ақерке Шәмшихан мен Бағдәулет Нұрмат лайықты деп танылды. Үшінші орынды гуманитарлық әлеуметтік және физика-математика мектептерінің студенттері Әлімхан Әзімхан мен Ернұр Таубай иеленді.
