Менің ойымша, сайлау күні әр адамның дауысы үлкен маңызға ие. Өйткені, бұл саяси науқанда біз алдағы 7 жыл бойына елімізді басқарып, экономиканың даму бағытын белгілейтін, қоғамдық және әлеуметтік мәселелерді шешуге ықпал ететін, заң үстемдігінің орнауы мен ұлттық қауіпсіздігіміздің қамтамасыз етілуін қадағалайтын тұлғаны таңдаймыз. Яғни, бұл сайлау еліміздің болашағын айқындайды деуге толық негіз бар.
Бәріміз бір кісідей сайлауға қатысу арқылы еліміздегі биліктің қайнар көзі халық екенін, өз тағдырымызды өзіміз шешетін еңселі ел екенімізді тағы бір рет паш етеміз.
Бөкейхан ӘБІШЕВ,
кәсіпкер, «Бөрте Милка» компаниясының бас директоры