— Еліміздегі жағдайға байланысты жастар ресурстық орталығында волонтерлік пункт ашылып, онда 130-дан аса жас қызмет етті. Қазіргі таңда он тоннадан астам азық түлік, киім-кешек жиналды. Керекті заттарды Ақтөбе облысы Ойыл ауданына жібергелі жатырмыз. Атсалысып жатқан барша тұрғындармен жастарға рахмет айта отырып, қиын-қыстау уақытта бірлікте болуға шақырамын,—деді Шымкент қалалық Жастар ресурстық орталығы басшысының орынбасары Бағлан Ілесов.
Жолға шыққан жолаушыларға Қаттани мешітінің наиб имамы Ержігіт Досымбаев ақ жол тілеп, қасиетті айда қиналғанға көмек қолын созу үлкен сауап екенін айтып өтті.
Айта кетейік, бұған дейін «AMANAT» партиясы мүшелері мен депутаттар, кәсіпкерлер бірігіп Орал қаласына бір КамАЗ гуманитарлық көмек жолдаған болатын.
Г.БАЛАБАСОВА
