Қазіргі таңда, Тәуке хан – Қонаев даңғылдары қиылысында жаяу жүргіншілер өткелінің құрылысына және Темірлан тас жолы – А-2 «Алматы-Ташкент» автожолы қиылысындағы жол-көлік өткеліне жөндеу жұмыстары жүргізілуде. Сонымен қатар, жалпы қалаішілік 90 көшені күрделі жөндеуге жобалық сметалық құжаттамалар әзірленіп, құрылыс жұмыстары басталуда.
Қаламызда өткен жылы қайта құру жұмыстары басталған 7 көше және Қапал батыр көшесіндегі темір жол үстіндегі өткел, Темірлан тас жолы – Мангельдин көшелері қиылысында жер үсті жаяу жүргіншілер өткелінің құрылысын жалғастыруға сметалық құжаттамалар әзірленген.
Шаһардағы 3 шағынауданның 13 көшесінде қайта құру жұмыстарын аяқтауға, 14 шағынауданның 59 көшесінде асфальттау жұмыстарын бастауға тиісті қаржы бөлініп, өз мақсатында жұмсалуда. Сондай-ақ, қала әкімдігінің тиісті салалық бөлімдері тарапынан маңызды 2 магистральды көшені қайта құруға, 11 шағын ауданның 48 көшесін қүрделі жөндеуге және Рысқұлов көшесі «Самал» базар жанындағы жаяу жүргіншілер өткелінің құрылысына жобалық сметалық құжаттар әзірленді.