20 ЖОБА ЖҮЗЕГЕ АСЫРЫЛДЫ Избранное

Пятница, 12 Август 2022 04:55 Автор  Опубликовано в Қала Прочитано 422 раз

Қаратау ауданында «Халық қатысатын бюджет» шеңберінде 20 жоба жүзеге асырылды. Бұл туралы Ақпараттық-коммуникациялық орталығында Қаратау ауданының әкімі Р. Мүлкемановтың қатысуымен Мемлекет басшысының тапсырмаларының аудан аумағында іске асырылу барысы төңірегінде өткен баспасөз брифингінде айтылды.

263

 

– Биыл Қаратау ауданы аумағында «Халық қатысатын бюджет» шеңберінде 20 жоба іске асырылды. Нақтырақ айтқанда көгалдандыру, тротураларды жайластыру, пандустарды, арықтарды салу және жөндеу, ортақ пайдалану орындарын құру, жарықтандыру, бордюрларды, брусчаткаларды, тіреуіш қабырғаларды жөндеу, қоқыс тастайтын орындарды жою, ортақ пайдалану орындарында күркелер, орындықтар, урналар және балалардың ойнауы және ересек тұрғындардың демалуы үшін жабдықтар мен конструкциялар орнату және жөндеу. Аула аумақтарында және ортақ пайдалану орындарында спорттық балалар ойын алаңдарын орнату, жөндеу және жарықтандыру іс-шаралары дауыс беруге шығарылады және іске асырылады. Ал 2023 жылы 25 жобаны жүзеге асыру жопарланып отыр, - деді аудан әкімі.
Сонымен қатар, Мемлекет басшысының өңдеу өнеркәсібінің экспортын 1,5 есеге көбейту бойынша берілген тапсырмасына сәйкес, ауданда жаңадан 2 индустриалды аймақтың құрылыс жұмыстары басталды. Қаратау ауданына биылғы жылы 40 млрд. теңгені құрайтын инвестиция тарту тапсырылған болса, бүгінде оның 45 пайызы орындалған.
2023 жылдың соңына қарай аудан аумағындағы барлық елді мекендер сапалы ауыз сумен 100 % қамтылса, биылғы жылдың соңында сапалы электр жарығымен қамту көрсеткіші - 97% пайызды құрайтын болады. 2022 жылдың қортындысымен елді мекендердің 90% табиғи газбен қамтылса, 2025 жылға дейін бұл көрсеткішті 100% жеткізу жоспарлануда.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Нұрбол ОРЫМБАЕВ. Қоғамдық-саяси газет қаланың тыныс-тіршілігін сипаттап, жаңалықтармен хабардар етеді.