Тегін медициналық көмектің кепілдік берілген шеңберінде көрсетілетін қызметтердің көлемін, МӘМС жүйесінде орналастыру рәсімін филиалдың қызметкерлерінен өзге қалалық денсаулық сақтау басқармасы, кәсіпкерлер палатасы, медициналық қызметкерлер кәсіподағының және де басқа мемлекеттік емес ұйымдардың өкілдерінен құрылған аймақтық комиссия жүргізді. ТМККК шеңберінде және МӘМС жүйесінде медициналық қызметтерді көрсету үшін 2022 жылға Шымкент қаласына келісімшартпен жасалған бюджеттік қаражат сомасы
93 272,13 млн. теңге.
2022 жылдың 1 қыркүйегіне медициналық қызмет көрсету үшін 130 медициналық ұйыммен ТМККК шеңберінде 52 254,90 млн. теңге сомасына шарт жасалды, ал МӘМС жүйесіндегі қаражат мөлшері 41 017,23 млн. теңге
Жалпы филиал тұрақты негізде көрсетілетін медициналық қызметтердің көлеміне, сапасына мониторинг жүргізеді, көлемдерді болжамдайды. Егер де медициналық көмектің кейбір түрлеріне тұтыну жоғарласа өзге қаражат көздерінен алынып, қайта бөліске салынады, сонымен қатар мүмкіндігінше қосымша қаражат бөлінуді қарастырады. Бірақ бұл жерде қордың мүмкіндігі шектеулі.
Қаржыны қайта бөліске салу үшін денсаулық сақтау субъектілері қорға өтінімдерді заңда белгіленген тәртіппен жолдайды.
С.ҚҰРАЛБЕК,
«Әлеуметтік медициналық сақтандыру қоры» КЕАҚ Шымкент қаласы бойынша филиалының директоры,
С.А.ВОЛОВИЧ,
«Данара и К» ЖШС бас дәрігері
