Шымкент қаласының әкімі Мұрат Әйтеновтің кезекті бірыңғай қабылдауы қалалық Әл-Фараби атындағы ғылыми-әмбебап кітапханасында өтті. Шаһар басшысының қабылдауына келген тұрғындар өз көкейлеріндегі сауалдарын жолдап, талап-тілектерін жеткізді.
Жиналған көпшілік көбінесе тұрғын үй кезегі, жер және жол мәселесі, жұмыссыздыққа қатысты толғандырған сұрақтарын ортаға салды. Мұрат Дүйсенбекұлы мегаполис тұрғындарының мәселесіне орай тиісті басқарма басшыларына тапсырма беріп, оның оңтайлы орындалуына 1 ай көлемінде уақыт берді.
Сондай-ақ, бірыңғай қабылдауда әрбір тұрғынның қойған жеке сауалына сала мамандары жауап беріп, келісілген мерзімде көтерілген мәселелердің жедел шешімін табуын назарға алды.