Сабантой ХХ ғасырдың 90-жылдарынан бастап Татарстан Республикасында мемлекеттік деңгейде тойланады. Онда күрес, ат жарыс сынды ұлттық спорт түрлерінен бақ сынайды. Ұлттық киім киген жастар ана тілінде ән айтып, би билейді. Ұлттық тағамдар әзірленіп, ұмытылып бара жатқан дәстүрлерді еске түсіріп, театрлық қойылымдар көрсетеді.
Саябақта өткен «Сабантой» да осы дәстүрлердің ізін жалғады. Мерекелік іс-шараға Татар Республикасынан да қонақтар қатысып, арнайы құттықтауын жеткізді. Этномәдени бірлестіктің өнерпаздары өз өнерлерін көрсетумен қатар, қолөнер туындыларын көрмеге қойып, тұрғындардың қызығушылығын оятты.
Жиын барысында белсенділер қалалық ішкі саясат және жастар істері жөніндегі басқармасы басшысының алғыс хатымен марапатталды.
Г.СҮЛЕЙМЕНҚЫЗЫ
