Міндетті әлеуметтік медициналық сақтандыру – ауру, жарақат алу, туу және жүктілік, мүгедектік және кәрілік жағдайларында халықтың денсаулығыың мүддесін әлеуметтік тұрғыда қорғау нысаны. Шымкент қалалық онкологиялық орталығында 2023 жылдың қаңтарынан 1 шілдесіне дейін МӘМС пакеті бойынша – 216 пациент, ал ТМКК-нің жаңа моделі бойынша – 4478 пациент емделді.
Атап айтқанда, әлеумфеттік медициналық сақтандыру жүйесінің аясында пациент, Шымкент қаласының тұрғыны Т.И.Г (аты -жөнін толық атаудан бас тартты) орталыққа жүгінді. Пациенттің ағзасында жалпы әлсіздік, салмақ тастау, іштің төмен тұсының ауырсынуы, гормондық бұзылыстар пайда болған. Онкологиялық орталықтың жоғары тәжірбелі онкогинеколог –дәрігері, медицина ғылымдарының кандидаты Б.Орманов барлық қажетті талдауларды және КТ, онкоцитология нәтижесі бойынша түрлі талдаулар мен тексерулер барысында дәрігер пациенттен диагнозын анықтады. Науқасқа әлеуметтік медициналық сақтандыру жүйесі аясында ота жасалынды. Пациенттің қазіргі жағдайы жақсы, ол медициналық ұйымның білікті дәрігерлеріне ризашылығын білдірді.
Атап өтсек, МӘМС шеңберінде Шымкент қалалық онкологиялық орталығында емдеу тегін жүргізіледі.
Жақсылық МАУЛЕНОВ,
Шымкент қалалық онкология орталығының директоры
Ахмет БЕДЕН,
«Әлеуметтік медициналық сақтандыру қоры» КЕАҚ-тың Шымкент қаласы бойынша филиалының бөлім басшысы
