Шымкент қаласы мәслихатының кезекті елу алтыншы сессиясы өтті. Қала әкімі Ерлан Айтаханов, мәслихат хатшысы Ғани Ташқараев қатысқан сессияның күн тәртібінде бірқатар мәселелер қаралды.

88

Шымкент қаласының ішкі саясат және дін істері, жұмыспен қамту және әлеуметтік қорғау, денсаулық сақтау, табиғи ресурстар және табиғат пайдалануды реттеу, энергетика және коммуналдық шаруашылық, туризм, кәсіпкерлік және индустриалдық-инновациялық даму, отбасы, балалар және жастар істері жөніндегі басқармасының есебі тыңдалды.

Мәслихаттың тұрақты комиссияларында егжей-тегжейлі талқыланған басқармалардың есебі депутаттар тарапынан қолдау тапты.
Одан бөлек, жиында қала әкімдігі жанындағы жастар саясаты жөніндегі Кеңестің, Шымкент қаласының тарих және мәдениет ескерткіштерін қорғау жөніндегі комиссиясының құрамы бекітілді.

Қала әкімі Ерлан Айтаханов тұрақты комиссиялардың жұмысына оң баға бере отырып, қалада мемлекеттік-жекешелік әріптестік бойынша маңызды жобалар қолға алынып отырғанын атап өтті.

Шымкент қаласы мәслихатының кезектен тыс елу төртінші сессиясы өтті. Қала әкімі Ерлан Айтаханов алғаш рет қатысқан сессияда кадрлық тағайындау мәселесі қаралып, қала мәслихатының бірқатар шешіміне өзгерістер енгізілді.

45455445

Алдымен қала әкімі Ерлан Айтаханов баяндама жасап, Қаратау ауданының әкімі лауазымына Абзал Әліқұловтың кандидатурасын ұсынды. Бұл мәселе бойынша депутаттар бірауыздан қолдап, дауыс берді.
– Абзал Шымкентбайұлы мемлекеттік қызметте мол тәжірибесі бар, білікті маман.

Шымкент қаласы әкімдігінің құрылымдарында да қызмет атқарған. Білім-біліктілігін қаланың дамуына жұмсайды деп сенеміз. Қалада атқарылған жұмыс көп. Шешімін күткен мәселелер де бар. Алдағы Үкімет отырысында қаланы дамыту бойынша бірқатар мәселелер қозғалады. Ендеше мегаполисті дамытуда бірлесе жұмыс атқаруымыз керек, – деді Ерлан Қуанышұлы.

Сондай-ақ, жиында Шымкент қаласы әкімдігінің жанындағы терроризмге қарсы комиссияның, сыбайлас жемқорлыққа қарсы іс-қимыл жөніндегі ведомствоаралық комиссияның, құқық бұзушылық профилактикасы жөніндегі ведомствоаралық комиссияның дербес құрамын бекіту туралы мәслихат шешіміне және Шымкент қаласы әкімдігінің дербес құрамына өзгерістер енгізу мәселесі талқыланды. Мұның барлығы депутаттар тарапынан қолдау тапты.

Шымкент қаласына жұмыс сапарымен келген ҚР Сенатының депутаттары Н.Бекназаров пен А.Қапбарова қаладағы құрылыс нысандары мен әлеуметтік мекемелердің жұмысы барысымен танысты.

DSC 4824

Сенаторлар алдымен «Shymkent city» қалашығындағы «Нұрлы жер» бағдарламасы аясында салынып жатқан нысандардың құрылыс барысымен танысып, жұмыстың сапасы, қаржы мәселелері, сондай-ақ, көп балалы отбасылар, әлеуметтік жағдайы төмен отбасыларды баспанамен қамту жұмыстарынан хабардар болды.

Сенаторлар мердігер мекеме басшыларына жұмысты мерзімде аяқтау, инфрақұрылымды дамыту, су, газбен жабдықтау жұмыстарын жүйелі шешуді тапсырды.
– ҚР Президенті тапсырмасымен Үкімет тарапынан әлеуметтік қолдауға көп жағдай жасалуда. Әсіресе, көп балалы, әлеуметтік аз қамтылған отбасыларды, жастарды қолдау назарда тұр.

Жалдамалы үйлер, жастар үшін жатақхана салу мәселесін тездетіп шешу қажет. Бізде басқа өңірлерге қарағанда жыл бойы құрылыс жүргізуге болады. Басты талап – жұмыстың сапалылығы және мерзімде тапсыру. Бүгінде құрылыс компанияларына да техникаларын жаңартуға көп қолдаулар бар, - деді Н.Бекназаров.

Сенат депутаттары, сондай-ақ, Шымкент қаласының Оқушылар сарайында кездесу өткізіп, балалардың жазғы демалысының ұйымдастырылуы мен оқушылардың лагерлерде демалу барысына қанықты.
Сенаторлар білім саласына көп көңіл бөлініп жатқанын, алда лагерьлердің санын көбейту, қауіпсіздік мәселелеріне көңіл бөлу керек екенін айтты.

– Жастар мүмкіндігінше лагерьлермен көп қамтылуы қажет. Келесі жылы лагерьлердің санын тағы да көбейткен жөн. Мемлекеттік-жекеменшік әріптестік аясында балалар үшін демалыс-сауықтыру нысандарын көптеп салуға болады, – деді Нұрлан Құдиярұлы.

Депутаттар оң бағасын берді

Пятница, 19 Июль 2019 03:54

Шымкент қаласы мәслихатының кезектен тыс елу екінші сессиясында қала әкімінің өзіне жүктелген функциялары мен міндеттердің орындалуы туралы есебі тыңдалды. Қала әкімі Ғабидолла Әбдірахымов мәслихат депутаттары, зиялы қауым өкілдері алдында алты айда атқарылған жұмыстарды қорытындылап, есеп берді.

453212334

Қала әкімі жыл басынан бергі қаланың әлеуметтік-экономикалық даму көрсеткіштерін баяндап, индустриаландыру, инвестиция тарту, инфрақұрылым, әлеуметтік салалардың даму көрсеткіштеріне тоқталды. Есепті кезеңде ЖІӨ көлемі 2 пайызға, өнеркәсіп өнімінің көлемі 25 пайызға, орташа айлық жалақы 12 пайызға артып отыр.

Қала бюджеті 219 млрд теңгеге жетіп, 79 млрд теңгеге ұлғайған. Ал индустриаландыру картасы аясында 3 жоба жүзеге асырылуда. Кәсіпкерлік субъектілерінің саны 14 пайызға өсіп, 65 687 бірлікті құрады. Қалада 6345 пәтерлі 129 көп қабатты үй салынуда. Сондай-ақ, жаңадан 14 334 жұмыс орны ашылды.

– 2019 жыл жақсы жетістіктермен басталды. Осы аралықта мемлекеттік басқару жүйесін қамтамасыз етіп, қала әкімдігі, мәслихат жанындағы консультативтік кеңестер құрылды. 19 маусымда қаланың республикалық статус алғанына 1 жыл толды. Жыл басынан бері инвесторлармен көптеген келісімдер жасалды. Бағдарламалар дайындалды.

Біз осы жұмыстарды әрі қарай жалғастыруымыз керек. Оған барлықтарыңызды атсалысуға шақырамын, – деді қала әкімі.
Мәслихат депутаттары қала әкімінің есебін оң бағалады. Шымкент қаласы мәслихатының хатшысы Ғани Ташқараев өз сөзінде қалада кәсіпкерлікті дамыту, жастарды қолдауда көптеген жобалар қолға алынғанын, барлық салада өсу бар екенін атап өтті.

Шымкентте Қала күніне орай муниципалды автобус паркі ашылып, халық игілігіне берілді. «Shymkent bus» паркі – теңдессіз әлеуметтік жоба. Мұнда сервистік орталық, автожуу қызметі бар. Жатақхана, медпункт және жүргізушілерге арналған асхана да қарастырылған.

1

Қала әкімі Ғабидолла Әбдірахымов әлеуметтік жобаны ашып беріп, парк жұмысымен танысты.

– Біз тұрғындарға берген уәдемізді орындадық. Жаңа автобустар келді. Қоғамдық көлік – қаладағы ең өзекті мәселенің бірі. Жыл соңына дейін 700 автобус та келеді. Сол кезде барлық мәселені шешеміз. Жалпы, қалада қоғамдық көлік саласын реформалау басталды, – деді қала әкімі құттықтау сөзінде. Ғабидолла Рахматоллаұлы бастаған топ жаңа автобустардың мүмкіндігімен танысты.

Шымкентке жалпы бірінші кезеңге жоспарланған жаңа 300 автобустың 160-ы жеткізілді. Қалған 140 автобус шілде айында келмек. Көліктердің сыйымдылығы – 56 адам, ұзындығы – 8,5 метр. Автобустар салқындатқыштармен, пандустармен, бейнекамералармен, жолаушылар ағынының датчиктерімен, GPS-трекерлермен жабдықталған.

Муниципалды автобус паркі және электронды билеттеу жүйесін енгізу бірқатар маңызды мәселелерді шешуге мүмкіндік береді. Мәселен, жол жүру ақысын көлеңкелі айналымнан шығару, ескірген автобустар паркін жаңарту, қалалық жолаушылар тасымалының сервисі мен қауіпсіздік деңгейін арттыру, қазіргі заманғы автобус паркінің өндірістік инфрақұрылымын құру, т.б., мәселелер шешіледі.

Қазіргі таңда қалада автобустар паркін жаңарту, жүргізушілер мен кондукторлардың мәдениет деңгейі және қызмет көрсету сервисі, жүру естесін сақтау секілді мәселелерді шешу басты назарда тұр. Алда жол ақысын төлеудің «Оңай» электрондық жүйесі орнату жоспарлануда.

Айта кетейік, жаңа автобустардың ішінен 38 көлік №138 және 158 бағытта қатынауда.

Сағындырған Спартакиада...

Среда, 19 Июнь 2019 06:12

Байланыс және ақпарат қызметкерлері күніне орайластырылған дәстүрлі Спартакиада мәресіне жетті. Шымкент қаласының және Түркістан облысының БАҚ өкілдері достықтың жарқын үлгісін көрсетті.
Қазақстан Журналистер Одағының Шымкент қаласы және Түркістан облыстық филиалдары бірге ұйымдастырған сайыс спорттың 9 түрінен өтті.Биылғы Спартакиаданың ерекшелігі - сайыс Түркістан қаласынан басталды.

DSC 5018

Жалпы 15 команда 3 күн бойы жекелей және командалық сында бақ сынасты. БАҚ өкілдері үш күн бойы волейбол, жүзу, шахмат, арқан тарту, жеңіл атлетика, үстел теннисі, тоғызқұмалақ, шағын футбол және бильярдтан бәсекеге түсті. Биыл Арыс, Түркістан қаласы, Созақ ауданының командалары да қатысып, белсенділік танытты.

Делебені қоздырған бәсеке Шымкент қаласындағы «Аламан» спорт кешенінде шағын футбол жарысымен аяқталды. Жалпыкомандалық есепте 4 алтын, 1 күміс, 3 қола иеленген «Оңтүстік» телеарнасы үздік шықты. «Ернұр» корпорациясы екінші орын алса (4 алтын, 1 күміс, 1 қола), үздік үштікті Рейтинг-Собкор командасы (3 алтын, 5 күміс, 3 қола) түйіндеді.

DSC 5243

Спартакиаданың жабылу салтанатында Қазақстан Журналистер Одағының Шымкент қаласы және Түркістан облыстық филиалдарының жетекшілері Айгүл Қапбарова мен Ғалымжан Елшібай, Шымкент қалалық ішкі саясат және дін істері басқармасы басшысының орынбасары Мөлдір Кеуенова сөз сөйлеп, жеңімпаздарды марапаттады. Бәсекеде бағы жанғандар дипломдармен, кубоктармен және қаржылай сыйақымен марапатталды.

Спорттың бірнеше түрінен сайысқа түскен әріптестеріміздің арасында «Шымкент келбеті» және «Панорама Шымкента» газеттерінің командасы да бар.

DSC 5448

Бизнеске – тұтас үкімет

Пятница, 31 Май 2019 04:14

Шымкентте «Бизнеске арналған Үкімет» жобасының тұсаукесері өтті. Жобаның мақсаты – бизнесті «бір терезе» қағидаты бойынша қолдау мен дамытудың барлық іс-шараларын орталықтандыру. Сондай-ақ, инвесторлар мен кәсіпкерлерге қызмет көрсетудің бірыңғай орталығы болады.

61587539 2233836220262665 7368996735458213888 n

Мұнда қалалық Кәсіпкерлер палатасының менеджерлері, «Shymkent» ӘКК» АҚ, «Даму» қоры, «Азаматтарға арналған Үкімет» мемлекеттік корпорациясы» АҚ және мемлекеттік органдардың өкілдері қызмет көрсетеді.

Жоба алты негізгі бағытты қамтиды: мемлекеттік қызмет, қаржыландыру, өткізу, сандық қызметтер, Кәсіпкерлер палатасының менеджерлері жүзеге асыратын құқықтық сүйемелдеу және құзыреттер, «Shymkent» ӘКК» АҚ, «ДАМУ» Қоры, ХҚКО менеджерлері және мемлекеттік органдардың қызметкерлері жүзеге асыратын құзыреттер кіреді.

– «Бизнеске арналған Үкіметте» кәсіпкерлерге қажет барлық кеңестер мен өз жобаларын сүйемелдеуге қолдау көрсетіледі. Ең бастысы, бәрі ашық және қолжетімді. Палатаның, мемлекеттік органдардың, қаржы ұйымдарының өкілдері қызметтің барлығын ұсынады.

Енді бизнес үшін мемлекеттік мекемелердің табалдырығын тоздырудың қажеті жоқ. Ұсынылатын қызметтер онлайн режимде де қолжетімді. «Бизнеске арналған Үкіметтің» көмегімен біз кәсіпкерлер үшін бірыңғай хаб құрамыз. Бұл жалпы ел экономикасына оң әсер етеді, – деді Олжас Ордабаев.

Қала әкімінің орынбасары Данат Есболұлының айтуынша, Бизнеске арналған Үкімет қала кәсіпкерлеріне үлкен қолдау болмақ. Қалада бұған дейін Бизнес-Супермаркет ашылып, жұмысын бастаған еді. Ал енді жаңа жоба арқылы қызметтер көрсету, қолдау аймағы кеңейе түсті.

Кәсіпкерлер палатасының директоры Нұрлан Қабыштаев қызметтер аймағын егжей-тегжейлі түсіндіріп берді. Жиынға қатысушылар, кәсіпкерлер жобаның жұмыс істеу барысымен танысып, ғимаратты аралап көрді.

Шымкентте Президент сайлауына дайындық іс-шараларын пысықтау бойынша оқыту семинары өтті.

DSC 8400

ҚР Орталық сайлау комиссиясының мүшесі Ләззат Сүлеймен қатысқан семинарға аумақтық және учаскелік сайлау комиссияларының мүшелері, электораттық оқытудың сертификатталған тренерлері, ҚР Президенті жанындағы Мемлекеттік басқару академиясы филиалының өкілдері мен жергілікті атқарушы органдардың өкілдері қатысты.

Л.Сүлеймен сайлау заңнамасындағы өзгерістер, кандидаттарлың сайлау алдындағы үгіт-насихат жұмыстарын жүзеге асыру шарттары, сайлау комиссияларының сайлауды әзірлеу мен өткізу жөніндегі өкілеттіктері туралы әңгімеледі, аумақтық сайлау комиссиялары және жергілікті атқарушы органдардың мүмкіндігі шектеулі азаматтардың құқықтарын қамтамасыз ету жөніндегі міндеттермен таныстырды.

– Учаскелік сайлау комиссиялары жұмысын бастады. Сайлау туралы заңға өзгерістер еніп отыр. Биылғы ұйымдастыру науқанында бірқатар жаңашылдықтар бар. Енді сайлау комиссиясының мүшелері жұмысты жүйелі ұйымдастыруы керек, – деді Ләззат Жаңылысқызы.

Шымкент қаласы әкімі аппаратының басшысы Еркеғали Әлімқұлов сайлаушылардың тізімдерін жасау, сайлау учаскелерін материалдық-техникалық жарақтандыру бойынша, оның ішінде мүмкіндіктері шектеулі азаматтар үшін жағдайларды қамтамасыз ету бойынша атқарылған іс-шаралар туралы баяндады.

Айта кетейік, Шымкентте 260 сайлау учаскесі жұмыс істейді. Оның ішінде 25-і жаңадан құрылып отыр. Бекітілген күнтізбеге сәйкес дайындық жұмыстары жүргізілуде. Жалпы, қалада 568 794 сайлаушы бар. «Қала әкімдігі тарапынан сайлауды ұйымдастырудағы цифрлық технологияларды қолдану, мүмкіндігі шектеулі азаматтардың сайлауға белсене қатысуына барлық жағдай қарастырылуда», - деді аппарат басшысы.

Ал қалалық сайлау комиссиясының төрағасы Ерлан Дауылбаев сайлау науқанын өткізу жағдайы, сайлау учаскелерінің дауыс беру күніне дайындығы туралы хабардар етті.

Страница 1 из 12