Арнайы топ құрамында Атырау облысындағы 7 ауданның әлеуметтік сала жетекшілері бар. Батысқазақстандық әріптестер алдымен қаламыздың зейнеткерлеріне қызмет көрсететін «Белсенді ұзақ өмір» орталығында болды. Бүгінгі таңда 800-ге жуық ардагердің уақытын тиімді ұйымдастыруға үлес қосып отырған мекеменің жұмыс жасау әдістемесімен танысып, қызмет алушылармен тілдесті.
– «Белсенді ұзақ өмір» орталығының базасында болдық. Қариялардың белсенділігін арттыруда орны ерекше мекемені біз де өз аймағымызда ашуға ниеттіміз. Барлық заманауи жабдықтармен қамтамасыз етілген мекеменің жұмысы көңілімізден шықты, – деді Атырау облысы жұмыспен қамтуды үйлестіру және әлеуметтік бағдарламалар басқармасының бөлім басшысы Құралай
Тлеумағамбетова.
Арнайы топ өкілдері №4 балаларға арнайы әлеуметтік қызмет көрсету орталығына және «Бақытты жанұя» мен «Тең қоғам» мекемелеріне барды. Қос тарап аймақтардағы халықты жұмыспен қамту және әлеуметтік саладағы әдістемелер туралы өзара пікір алмасты.
Осы бағыттағы мемлекеттік саясатты жүзеге асыруда Шымкент қаласы мен Атырау облысы арасында өзара байланыс алдағы уақытта нығая бермек.
