–Білім беру нысандарын дамыту мақсатында 2025 жылға дейін 101 мектеп салу жоспарда. Мемлекет басшысының бастамасымен «Жайлы мектеп» Ұлттық жобасы аясында 2025 дейін 38 мыңға жуық орынды 25 мектепті пайдалануға береміз, -деді қала басшысы.
Айтып өтейік, былтыр шаһарда 25 мектеп пайдалануға берілсе, биыл 48 мектептің құрылысы жүргізілуде. 37 мектеп пайдалануға берілді, оның төртеуі – мемлекеттік. Нәтижесінде үш ауысымды мектептер саны 9-дан 4-ке, ыңғайластырылған мектеп саны 4-ден 3-ке дейін азайды.
Ал, «Балалар жылына» орай қалада бірқатар маңызды шаралар қолға алынды.
105 мыңнан астам бастауыш сынып оқушылары тегін ыстық тамақпен қамтылса,
58 мыңнан астам оқушыға мектеп формасы берілді. Сонымен қатар, қала бойынша балалардың үйірмелермен қамту көрсеткіші жан басына қаржыландыру есебінен
45 пайыздан 75 пайызға жетті.
