Елбасы Нұрсұлтан Назарбаев «Ұлы даланың жеті қыры» атты мақаласында «Төл тарихын білетін, бағалайтын және мақтан ететін халықтың болашағы зор болады деп сенемін. Өткенін мақтан тұтып, бүгінін нақты бағалай білу және болашаққа оң көзқарас таныту – еліміздің табысты болуының кепілі дегеніміз осы» деген болатын. Шын мәнінде, халқымыздың төл тарихы тереңге тамыр тартады.

Оның ішінде, әрине, Ордабасы төбесінің ел тарихында алар орны ерекше. «Ордабасыға оралу, Ордабасыны ойлану, Ордабасымен тыныстау, Ордабасымен рухтану – бар-баршамыздың перзенттiк парызымыз» дейді белгілі жазушы-журналист Мархабат аға Байғұт. Тарихтан мәлім, Ордабасы тауының қойнауында 1726 жылы Орда тігіліп, қазақтың үш жүзінің игі жақсыларының басы қосылып, жоңғар басқыншылығына қарсы күреске халықты жұмылдыру жайы талқыланған.

DSC 1146

ҮШ БИДІ ТҮЙІСТІРГЕН, «ЖЕР-АНАҒА» БАС ИДІРГЕН АЛАҢ

Халық құрылтайына Әбілқайыр, Әбілмәмбет, Сәмеке, Жолбарыс хандар мен Төле би, Қазыбек би бастаған әр рудың билері, даңқы шыққан қолбасшылары мен батырлары қатысты.

Сол жолы қазақтың басы Ордабасы болып бірікті де қазақ тарихындағы 1723-1727 жылдардағы нәубетті кезеңнің қара бұлтын аспанынан біржола ығыстырды. Тарихта «Ақтабан шұбырынды, Алқакөл сұлама» деген атпен қалған жоңғар шапқыншылығына тоқтау салды.

Осында қазақтың үш жүзінің өкілдері ұлы құрылтай өткізді. Біртұтас қазақ әскері құрылып, бас қолбасшы сайланды. Батырлығы, әдіс-айласы, соғыс тәсіліне жетіктігімен танылған Кіші жүз ханы Әбілқайыр үш жүздің біріккен қазақ жасағына бас қолбасшы болды.

Осылайша берекелі ауыздан шыққан берік байламның арқасында қазақ жеңіске жетті. Жоңғардан ел азат етілді. Ордабасы тауының қасиеті осында жатыр.

46447742 2034106886637573 748947287450845184 n

«Қазақ рухының қағбасы болған» (Ә.Кекілбаев) орында 1993 жылы үш елдің – Қазақстан, Өзбекстан, Қырғызстан Президенттерімен бірге 20 елдің делегациясы қатысқан басқосу нағыз бірлікке үндеген маңызды, тарихи оқиға болды.

Оған жалпы 150 мың адам қатысты. Биыл бұл датаға 25 жыл толып отыр. Сол жиында Елбасы Н.Назарбаев «Береке басы – бірлік» деген баяндама жасаған. Баяндамада ел болуды көксеген ұлы арман-мақсат, мүдделер айтылды.

Баспасөздер сол күндері жиында айтылған «Ордабасы – қазақ рухының қағбасы» деген Әбіш Кекілбаевтың, «Ордабасы – ел жүрегі, жер кіндігі» деп өз ойын тұжырымдаған Мархабат Байғұттың сөздерін жария етіп жатты. Біреу білсе, біреу білмес, Елбасы Ассамблея құру туралы идеясын да 1993 жылы осы Ордабасыда айтқан болатын.

Көзі қарақты оқырман хабардар шығар, Шымкент қаласындағы Ордабасы алаңына қойылған «Жер-ана» монументі 2009 жылы бой көтерген. Биіктігі тұғырымен қосқанда 25 метр. Онда Қазыбек би, Әйтеке би және Төле бидің дана сөздері мен Елбасының тілегі жазылған.

Жалпы, бұл алаңның һәм қанатты сөздердің ерекше мәні бар. Себебі, атақты үш биіміздің көшелері осы Ордабасы алаңында түйіседі. Сондықтан да Ордабасы алаңының тарихи мән-маңызы құнды әрі орны айрықша.

Айта кетерлігі, монумент 2018 жылы жаңартылды. Ескерткіштің қасбеті қымбат тастармен қапталды. Монументте қашалып жазылған Мемлекет басшысының сөзі латын тілінде қайта жазылды. Бүгінгі таңда ескерткіштің аумағы абаттандырылып тұрады.

ОРДАБАСЫ – ЕЛ ЖҮРЕГІ, ЖЕР КІНДІГІ

Жоғарыда үш елдің басшысы қасиетті Ордабасы жерінде бас қосқанын айтып өттік. Қосымша дерек-дәйек ретінде қысқаша тоқталып өтсек, артық болмас. Халқымыздың басын біріктірген киелі тауда Президент үш бидің рухын мәңгі құрметтеу үшін монумент орнату жөніндегі қойылған белгітасты ашып берген еді.

1997 жылы көктемнің алғашқы айында «Бірлік» монументінің құрылысы басталып, оған облыстағы бірнеше мекеме мен қолынан іс келетін азаматтар көмек қолын созды. Сол жылдың 19 қыркүйегінде ескерткіштің ашылу салтанаты болып, оған Елбасының өзі қатысты.

«Бірлік» монументінің биіктігі 28 метр болса, төменгі шеңбер диаметрі сегіз метрге жетеді. Ескерткіштің үш бұрышындағы стелалар ақ мәрмардан жасалған, олар үш бидің тұлғасын білдіреді.

Оның батыстағы қыры Сырдарияға, солтүстік қыры Қаратау тауларына, ал оңтүстік-шығыс қыры болса киелі Қазығұрт тауларына қарай бағытталған. Ескерткіштің әр бетінде Төле, Қазыбек, Әйтеке айтып кеткен ұлағатты сөздер тасқа қашалып, жазылған.

Монументтің ортасына бекітілген шаңырақ бар. Сол шаңыраққа «Ынтымағымызға көз тимесін» деген ниетпен тұмар ілінген. Ал төменірек тұрған шашбау-сылдырауық «Ел мен жерімізді қорғаңдар, құлақтарың әрдайым түрік жүрсін» деген ұлы билердің ескертпесі секілді.

«Жүзге бөлінбей тұтас мемлекет болсақ» деген мағынада монументтің төбесінде хан қалпағының бейнесі бар. Бұл Бірліктөбе теңіз деңгейінен 530 метрдей биіктікте жатыр, сол себепті де монумент жүздеген шақырымдардан көзге шалынады. Монумент алдындағы алаңда Елбасының «Ордабасы – ел жүрегі, жер кіндігі» деген сөзі жазылған тұғыртас бар.

«Болашаққа бағдар: рухани жаңғыру» бағдарламасы аясында бірліктің бастауы болған Ордабасы тауының биігіне бүгінде үш бидің ескерткіші орнатылуда. Жоба аясында үш би ескерткіші мен келушілер үшін жаяу жүргіншілер және автомобиль жолдары салынатын болады. Осылайша тарихи аймақ жаңғыртыла отырып, туристер келіп тамашалайтындай абаттандырылған орынға айналмақ.

Үш бидің ескерткіші қорықтың ең биік нүктесіне орнатылмақ. Нысанның биіктігі 17 метр. Жалпы қорық аумағында жоспарланған жобалау жұмыстары 85,9 гектарды қамтиды.

Оның ішінде жаяу жүргіншілерге арналған жол ұзындығы 2415,4 метрді, ал автомобиль жолының ұзындығы 3129,5 метр. Сонымен қатар, жобаның екінші кезеңінде мұнда этноқалашық, музей мен амфитеатр салу жоспарлануда.

 

Нұржан Қатаев, «Ордабасы» футбол клубының президенті:

Svoj-pervy-j-yubilej-otmechaet-novy-j-nachal-nik-gorodskogo-upravleniya-sporta-i-fizicheskoj-kul-tury-Nurzhan-Kataev

«Ордабасы» атауы жеңіске жетуге жігер береді

– Ордабасы – Қазақ елі үшін береке-бірліктің бастауы болған. Бұл тарихи жағынан маңызы жоғары символ. Қазір ел арасында «Ордабасы» командасының атауы өзгере ме, әлде осы күйінде қала ма деген сауалдардың туындап жатқанын естіп қалып жүрміз.

Дегенмен, Ордабасы атауы – бір ауданға ғана тиесілі емес, ол күллі қазақ халқы үшін өте қасиетті ұғым. Сондықтан әзірге команда атауы өзгермейді, өзгерту туралы мәселе көтеріліп те жатқан жоқ.

Білесіздер, «Ордабасы» биыл Еуропа лигасында өнер көрсетеді. Чемпионатты да сәтті бастап, екі рет жеңіске жетіп үлгерді. Алдағы бәсекелерде ойыншыларымыз күш біріктіріп, жанкүйерлердің үмітін ақтауға тырысады.

Сіз білесіз бе?

Шымкент қаласындағы Ордабасы алаңында «Жер-ана» монументі 2009 жылы бой көтерген. Биіктігі тұғырымен қосқанда 25 метр. Атақты үш биіміздің, яғни Қазыбек би, Әйтеке би және Төле бидің көшелері осы Ордабасы алаңында түйіседі.

Ордабасыға тікелей қатысты тағы бір жақсы сөз бар: «Бұл қазақ бөлініп те көрген, бірі:гіп те көрген. Бөлінгені – Ақтабан, біріккені − Ордабасы». Осынау дуалы сөздің түбінде тұнған тарих жатыр.

Ордабасы тауында жүргізілген соңғы археологиялық қазба жұмыстарының нәтижесінде тау айналасынан 2500 жыл бұрын жерленген сақ тайпаларының ұлы көсемдерінің бейіттері табылған. Бұл киелі таудың бұл күндері ғана емес, сонау сақ дәуірінде де ерекше маңызға ие болғанын көрсетсе керек.

Ордабасы тауында тағы да көзге түсетін ерекше дүние бар. Ол – 1993 жылы қойылған тайқазандар. «Бір үйдің балалары секілді бір қазаннан ас ішейік» дегендей, тайқазан халықты татулыққа үндейді.

Үкімет басшысы Асқар Мамин мегаполиске жұмыс сапарымен келді

Мемлекет басшысының тапсырмасымен Премьер-Министр Шымкенттің дамуы барысымен және атқарылып жатқан жұмыстармен танысты.

DSC 0056

Үкімет басшысының жұмыс сапары «Тұран» және «Шымкент Сити» шағынаудандарынан басталды. Премьер-Министрге қос аудандағы құрылыс барысы және инфрақұрылымдық жобалар таныстырылды.

«Тұран» шағынауданында жеке инвестициялар есебінен көпқабатты тұрғын үйлердің, әлеуметтік және коммерциялық нысандардың құрылысы, сондай-ақ жалпы ұзындығы 33,7 шақырым болатын 13 магистралдық автожол салу қарастырылған.

Ал «Шымкент Сити» қалашығында қазіргі таңда 2 мыңға жуық пәтер пайдалануға берілген. Биыл 3863 пәтер салу жоспарланып отыр. Ауданда мектеп, балабақша, емхана, дәріхана секілді әлеуметтік инфрақұрылым және саябақтардың құрылысы қарастырылады. Жауапты мамандардың мәліметінше, жоба бес жылдық мерзімде толық іске асырылады. Аудан халқының шамаланып отырған саны – 50 мың адам.

Үкімет басшысы 2020 жылдың наурыз айында пайдалануға беріледі деп жоспарланып отырған Конгресс орталығының да құрылыс жұмыстарымен танысты.

Премьер-Министр Шымкенттегі «Оңтүстік» арнайы экономикалық аймағына да ат басын бұрып, «Бал Текстиль» кілем фабрикасының жұмысымен танысты.

Еліміздегі ең ірі фабриканың қуаттылығы жылына 6 миллион шаршы метр кілем өнімдерін шығаруға жетеді. Қазір шымкенттік кілемдер өз елімізбен қатар Ұлыбритания, Германия, Франция, Ресей, Әзербайжан, Қырғызстан және Тәжікстанға экспортталады. Кәсіпорында 300 адам жұмыс істейді.

Айта кетерлігі, А.Мамин кәсіпорындарды аралай жүріп, БК «Lux Shoes» ЖШС аяқ киім фабрикасынан ерлер аяқ киімін сатып алды. 2018 жылы жұмысын бастаған фабрикада әйелдерге, ерлерге және балаларға арналған аяқ киімдер шығарылады. Қазіргі таңда мұнда 80 адам еңбек етеді.

Жалпы бүгінде Шымкенттегі «Оңтүстік» АЭА аумағында 13 жоба іске асырылған, 1 396 жұмыс орны құрылған. 2021 жылдың соңына дейін тағы 1580 жұмыс орны ашылып, 92,2 млрд теңгелік 18 жаңа жоба іске қосылмақ.

Премьер-Министр бұдан кейін Шымкентте пилоттық режимде іске қосылатын акселератор жобасымен танысты. Пилоттық жоба мемлекеттік қызметтердің сапасын арттырып, сан түрлі проблемалардың шешілуін жеделдетеді дейді әкімдік өкілдері.

Дубай қаласының тәжірибесінен алынып отырған бұл жүйе Үкімет тарапынан қолдау тапса, орталық бұрынғы халықтық кеңседе (фронт-офис) ғимаратында жұмысын бастайды. Жоба екі кезеңнен тұрады: Ең алдымен акселераторды ашу, екіншіден акселератордың жұмысын бақылау үшін «Шымкент сити навигаторын» құру.

Соның нәтижесінде мемлекеттік және жеке сектор өкілдерінің қатысымен ведомствоаралық өзара іс-қимыл жақсарады.
Асқар Мамин жұмыс сапарының қорытындысында Шымкент қаласының активімен қаланың әлеуметтік-экономикалық дамуының өзекті мәселелері жөнінде кеңес өткізді.

Жиында қала әкімі Ғ.Әбдірахымов Шымкенттегі ірі жобалар жайлы, 2023 жылға дейінгі кешенді жоспары туралы баяндады.
Қалада бірқатар әлеуметтік маңызы бар және инфрақұрылымдық нысандардың құрылысы жоспарланған.

Олардың арасында әуежайдың жаңа терминалының құрылысы, теміржол вокзалын, айналма жолды қайта құру, қоғамдық көлікті жаңарту жобалары бар.

Халықтың әлеуметтік әлжуаз топтарының тұрғын үй мәселелерін шешу үшін биыл «Сен жалғыз емессің» жобасы іске асырылып жатыр, оның аясында демеушілер есебінен баспанасы жоқ аз қамтылған отбасылар үшін тұрғын үйлер салу жоспарланған.

Премьер-Министр кеңес барысында Шымкент қаласында жеңіл өнеркәсіпті дамыту әлеуеті зор екенін, арнайы экономикалық аймақтағы кәсіпорындар оған дәлел бола алатынын атап өтті.

– Шымкент – еліміздің миллион тұрғыны бар жетекші өнеркәсіптік, экономикалық және мәдени орталықтарының бірі. Мемлекет басшысы Үкіметке және әкімдіктерге елдің ірі қалаларының шеткі аймақтарын абаттандыруға және проблемаларын шешуге ерекше назар аударуды тапсырды.

Қала әкімдігіне жаңа және салынып жатқан аудандардың тұрғындарының өзекті мәселелеріне көбірек көңіл бөліп, бірден үн қату қажет екенін, ал ең бастысы – бұл проблемаларды шешу керек, – деді Үкімет басшысы қорытынды сөзінде.

Кеше Шымкент қаласы әкімдігінде ақпараттық коммуникациялық орталық өз жұмысын бастады. Орталықта Елбасы тапсырмасына сәйкес «Әлеуметтік қамқорлық» бастамасын үшінші мегаполисте кеңінен насихаттау мақсатында алғашқы брифинг өтті.

DSC 9784

Шымкент қаласы әкімінің орынбасары Гүлжан Құрманбекова, Шымкент қаласы жұмыспен қамту және және әлеуметтік қорғау басқармасының басшысы Ғалымжан Балтаев және БАҚ өкілдері қатысқан жиында Елбасы Нұрсұлтан Назарбаевтың бастамасымен аз қамтылған және көпбалалы отбасылар тобына ұсынылған әлеуметтік қолдаудың жоспары және атаулы әлеуметтік көмек көрсетудің жаңа тәртібі, олардың Шымкент қаласында орындалу барысы жан-жақты сөз болды.

– Өздеріңізге белгілі, «Нұр Отан» партиясының кезекті XVIII съезінде Елбасы аз қамтылған және көп балалы отбасылар тобына атаулы әлеуметтік көмек көрсетудің жаңа тәртібі жайында мемлекеттік бастамалар ұсынды. Оған тоқталсақ, біріншіден, күнкөрісі төмен, оның ішінде көпбалалы отбасыларды қолдау шараларын қамту.

Ол дегеніңіз, атаулы әлеуметтік көмек (АӘК) көрсету критерийі ең төменгі күнкөріс деңгейінен көтеріледі. Екіншіден, АӘК тағайындаған кезде отбасының жиынтық табысынан көпбалалы отбасыларға және «Күміс алқа», «Алтын алқа» иегерлеріне мемлекеттік жәрдемақылар, сондай-ақ балаларға арналған мүгедектік жәрдемақылары, стипендия алып тасталады.

Сонымен қатар аз қамтылған отбасылардың балаларына (18 жасқа дейін, оқыған жағдайда 23 жасқа дейін) ай сайын 20 789 теңге көмек төленеді. Бұл күнкөріс деңгейінің 70 пайызын құрайды. 2018 жылы 10774 отбасы атаулы әлеуметтік көмек алса, 2019 жылы 1 сәуірден бастап 20000-нан астам отбасыға дейін ұлғаяды деп жоспарлануда, – деді Г.Құрманбекова.

Сондай-ақ, Елбасы тапсырмасына сәйкес, бүгінгі таңда Шымкент қаласында аз қамтылған отбасылардың өмір сапасын жақсартуға арналған арнайы штаб құрылды. Штабтың құрамына депутаттар, құзырлы органдар, «Нұр Отан» партиясы, Кәсіпкерлер палатасының өкілдері, 4 аудан әкімдері, басқарма басшылары енген.

– Қала тұрғындарына Елбасы тапсырмасын кеңінен насихаттау үшін 4 аудан әкімдіктерінде және басқармаларда «Ашық есік» күндері өткізілуде. Сондай-ақ, жергілікті бюджет есебінен «Алтын алқа», «Күміс алқа» 2019 жылы 9 632 анаға барлығы 119,9 млн теңге наурыз айының соңына дейін жеке есеп-шоттарына аударылады. Бүгінде қоғамдық көліктерде «Алтын алқа», «Күміс алқа» иегерлері тегін жүруде, – деді қала әкімінің орынбасары.

Сонымен қатар, Шымкентте аға буын өкілдерінің уақытын тиімді өткізу үшін «Белсенді ұзақ өмір сүру» орталығын ашу жоспарлануда. Ол жерде спортпен шұғылдану, шахмат, компьютерлік сауаттылығын ашу, құқықтық және психологиялық қызметтер көрсетіледі. Келесі жоба – көпбалалы аналарға қызмет көрсету сапасын арттыру үшін «Аналар орталығы» ашылуда. Ол жерде психологиялық және құқықтық, тұрғын үй және әлеуметтік төлемдер бойынша қызмет көрсетіледі.

Бүгінгі таңда қаламызда пилоттық режимде «MEYIRIM.KZ» қайырымдылық электронды порталы жұмысын бастауда. Негізгі мақсаты – жеке және заңды тұлғалардың қайрылымдылық іс-шараларын реттей отырып, электронды портал арқылы аз қамтылған отбасыларға ашық және біріңғай әлеуметтік көмек ұйымдастыру. Жоба басталғалы 120 отбасыға азық-түлік, тұрмыстық қажет заттармен көмек көрсетілді. Бұдан бөлек жалғыз басты 6 баланың анасына демеушілер есебінен тұрғын үй берілді.

– Аталған әлеуметтік портал сәуір айынан бастап іске қосылады. Жыл соңына дейін жағдайы өте төмен 1289 отбасыға көмек көрсетіледі. Сонымен қатар әлеуметтік саладағы мемлекеттік қызметтерді оңтайландыру үшін мобильді «Ел-Көмек» әлеуметтік порталы іске қосылады. Негізгі мақсаты – әлеуметтік салада көрсетілетін мемлекеттік қызметтерді толығымен автоматтандыру.

Бұл өз кезегінде аз қамтылған отбасыларға берілетін бір реттік көмек, зейнеткерлерге санаторлы-курорттық емделуге, мүгедектерге берілетін құралдар және «Инва таски», «Әлеуметтік таксиді» онлайн режимде, үйде отырып шақыруға болады. Жоба жүзеге асқанда Қазақстанда бірінші болып Шымкентте әлеуметтік сала цифрлық форматта жұмыс істейді, – деді Г.Құрманбекова.

Шымкенттің «Ордабасы» футбол клубы Қазақстан премьер-лигасының бірінші турында өз алаңында Қарағандының «Шахтёр» командасын 3:0 есебімен жеңді.

DSC 0094

«Ордабасының» биылғы алғашқы ресми ойынына қала әкімі Ғабидолла Әбдірахымов арнайы келіп тамашалады.
Алғашқы тайм 0:0 есебімен аяқталды. Есеп матчтың 70-ші минутында ашылды. «Ордабасының» алғашқы голын биылғы маусымда Жоао Пауло соқты. Араға 7 минут салып алаң иелері есепті еселей түсті.

Екінші голды «Шахтердың» қақпасына Махлангу Май Сифиве салды. Небәрі 3 минуттан кейін-ақ Жоао Пауло қарсыластар қақпасына кезекті гол салып, есепті қорытындылады.

Шымкент командасының келесі ойыны 15 наурызда, жұма күні болады. «Ордабасы» өз алаңында «Ақтөбені» қабылдайды.

Елбасы Нұрсұлтан Назарбаевтың төрағалығымен Астанада «Нұр Отан» партиясының кезекті ХХVІІІ съезі өткені белгілі. Онда халықтың тұрмыс сапасын жақсартуға бағытталған нақты шешімдер қабылданды.

Әсіресе, Елбасы көпбалалы отбасылардың және халықтың әлсіз топтарын қолдау, оларға баспана беру, бюджеттік салада табысы аз қызметкерлердің жалақысын 30 пайызға көтеру, жергілікті жолдардың жағдайын жақсарту, инженерлік инфрақұрылым мәселелерін шешуді тапсырды.

54345345

Көпбалалы отбасылар – Үкімет қамқорлығында

Осы орайда, бүгінгі таңда Шымкент қаласы әкімдігі тарапынан бірқатар жоспарлар қолға алынып жатыр. Қала әкімінің орынбасары Гүлжан Құрманбекованың айтуынша, ол жоспар аясында биылғы негізгі жұмыс қала халқының тұрмыс сапасын жақсартуға бағытталады.

Көпбалалы және халықтың әлсіз топтарын қолдауға тоқталсақ, Елбасы кедейшілік шегін 14 849 теңгеден 20 789 теңгеге дейін көтерді. Бұл дегеніміз күнкөріс деңгейінің 70 пайызын құрайды (бұрын 50%).

Нәтижесінде, бүгінгі таңда қаламыздағы мемлекеттік атаулы әлеуметтік көмекті алатын отбасы саны 10 мыңнан 20 мыңға дейін ұлғаяды. Оларға әр балаға 18 жасқа толғанға дейін және 23 жасқа дейінгі студенттерге 20 789 теңге мөлшерінде атаулы әлеуметтік көмек төленеді.

– Көпбалалы отбасыларға және бала кезінен мүгедектігі бойынша алынатын жәрдемақылар, шәкіртақы отбасылық кіріске енгізілмейтін болды. Жоғарыда аталған өзгерістер биылғы 1 шілдеден қолданысқа енеді.

Сондай-ақ, республика бойынша әлеуметтік көмек түрлерін цифрландыру мақсатында «Е-халық» базасы енгізіледі. Бұл өз кезегінде қала тұрғындарының отбасылық әлеуметтік картасын жасақтауға мүмкіндік береді, – дейді Г. Құрманбекова.

20190212185430

Жағдайы төмен 1289 отбасыға көмек көрсетіледі

Тағы бір атап өтерлігі, бүгінде Шымкентте әкімдік тарапынан «Жастар және әйелдер кәсіпкерлігін» дамыту бойынша 3 жылдық жол картасы әзірленді.

Оның ішінде жеңілдетілген несие, өндірістік және бизнес орындарын беру, электрондық сауданы қаржыландыру және франчайзингті дамыту шаралары қарастырылған. Одан бөлек, биыл қаламызда бірнеше әлеуметтік жобаларды іске асыруды жоспарланып отыр.

Атап айтқанда, аға буын өкілдерінің уақытын тиімді өткізу үшін «Белсенді ұзақ өмір сүру» орталығын ашу жоспарлануда. Ол жерде спортпен шұғылдану, шахмат, компьютерлік сауаттылығын ашу, құқықтық және психологиялық қызметтер көрсетілетін болады.

Көпбалалы аналарға қызмет көрсету сапасын арттыру үшін «Аналар орталығы» ашылуда. Ол жерде психологиялық және құқықтық, тұрғын үй және әлеуметтік төлемдер бойынша қызмет көрсетіледі.

Сондай-ақ жеке және заңды тұлғалардың қайырымдылық іс-шараларын реттейтін «MEYIRIM.KZ» қайырымдылық электронды порталы іске асырылады. Аталған әлеуметтік портал мамыр айынан бастап іске қосылу жоспарлануда. Жыл соңына дейін жағдайы өте төмен 1289 отбасыға көмек көрсетіледі.

Сонымен қатар, әлеуметтік саладағы мемлекеттік қызметтерді оңтайландыру үшін «Ел-Көмек» әлеуметтік порталы енгізілуде (мобильдік қосымша). Бұл өз кезегінде әлеуметтік төлемдер, зейнеткерлерге санаторлы-курорттық емделуге, мүгедектерге берілетін құралдар және «Инва такси», «Әлеуметтік таксиді» онлайн режимде шақыруға болады.

Шымкентте биыл 14 арендалық үй пайдалануға берілмек

Қазіргі таңда Шымкенттегі Жұмыспен қамту орталығында көп балалы аналар, аз қамтылған азаматтар, мүмкіндігі шектеулі азаматтар компьютерлік сауаттылығын арттыру бойынша цифрлық кабинетте тегін оқытылуда.

Әрине, бүгінде шымкенттіктер үшін баспана мәселесі өте өзекті. Биыл қалада 4 524 пәтерлі 81 үйдің құрылысы жүргізілуде. Оның ішінде, 828 пәтерлі 14 арендалық тұрғын үйді биыл пайдалануға беруге жоспарлануда. Одан бөлек, қазіргі таңда 540 пәтерлі 10 тұрғын үйдің құрылысы дайын.

– Осы үйлерден әлеуметтік жағынан әлсіз санаттағы азаматтарға және жас отбасыларға пәтер беру жоспарлануда. Сонымен қатар, Үкіметте полиция, педагогтар, дәрігерлер және басқа қызметшілер үшін «7-20-25» бағдарламасы аясында бастапқы жарналарын субсидиялау тетіктері қарастырылуда.

Жобада әлеуметтік көмек алатын азаматтарға 1 млн теңгеге дейін қайтарымсыз негізінде сертификат беру қарастырылған, ал бюджеттік кредиттер 0,01 пайызбен 15 жылға дейін 1 млн теңге несие беру қаралған, – дейді қала әкімінің орынбасары
Г. Құрманбекова.

Елбасы айқындап берген маңызды тапсырманың бірі – бюджеттік салада табысы аз қызметкерлердің жалақысын 30 пайызға көтеру. Бұл бойынша қазіргі таңда қалада бюджеттен қаржыландырылатын 42 мыңнан астам қызметкер бар. Оның ішінде 22 мыңнан астам қызметкердің айлығы 30 пайызға көбейтіледі.

Елбасының тапсырмасымен қазір Шымкентте мемлекет тарапынан қоғамдағы әлеуметтік мәселелерді оң шешуге бағытталған ауқымды жұмыстар атқарылуда.

Атап айтқанда, баспананың қолжетімділігін қамтамасыз ету, тарифтерді шектеу, ең төменгі жалақы көлемін өсіру, медициналық қызмет сапасын арттыру және тағы басқа да нақты мәселелерге тиісті назар аударылуда. Бүгінде сол бағыттар бойынша мемлекеттік органдар жүйелі жұмыс жүргізуде.

Алтыншы шақырылымдағы Шымкент қаласы мәслихатының кезектен тыс қырық бесінші сессиясында қала мәслихатының депутаттары бірқатар шешімдер қабылдады.

DSC 7261

Депутат Мұхтар Битеміровтың төрағалығымен өткен сессия жиынына қала әкімі Ғ.Әбдірахымов, Шымкент қаласы мәслихатының хатшысы Ғ.Ташқараев және әкімдік қызметкерлері, жергілікті атқарушы орган басшылары мен БАҚ өкілдері қатысты.

ҚР Президентінің Жарлығына сәйкес Шымкентте жаңадан Тексеру комиссиясы құрылып, мәслихаттың алдыңғы кезекті 42-сессиясында бұл комиссияның ережесі бекітілген еді. Тексеру комиссиясының төрағасы болып Шымкент қаласы бойынша Мемлекеттік кірістер департаментінің басқарма басшысы қызметін атқарған Нұржан Нәлібаев тағайындалды.

Сонымен қатар, сессияның күн тәртібіне сәйкес Шымкент қаласы әкімдігінің жанындағы Экспорт жөніндегі кеңес құрылып, оның дербес құрамы бекітілді. Бұл кеңес өңірлік деңгейдегі экспортты арттыру және ілгерілету бойынша мемлекеттік саясатты іске асыру мақсатында, қаланың экспортын дамытуға тосқауыл жасайтын жергілікті деңгейдегі кедергілерді, шектеулер мен бөгеттерді шешу мақсатында құрылды.

Экспорт жөніндегі өңірлік кеңес төрағасы болып Шымкент қаласының әкімі Ғабидолла Әбдірахымов, қала әкімінің орынбасары Данат Жумин Экспорт кеңесі төрағасының орынбасары және кәсіпкерлік индустриалды-инновациялық даму басқармасы басшысының міндетін атқарушы Нүркен Бигулиев кеңес хатшысы болып бекітілді.

Бұл мәселелер алдымен мәслихаттың тұрақты комиссия отырыстарында және «Нұр Отан» партиясының фракциясында қаралған.

Салтанатты іс-шараға «Нұр Отан» партиясының қалалық филиалының төрағасы Ғабидолла Әбдірахымов, төрағаның бірінші орынбасары Бахадыр Нарымбетов, Шымкент қаласы мәслихатының хатшысы Ғани Ташқараев, партия филиалының Саяси кеңес мүшелері, мәслихат депутаттары, бастауыш партия ұйымдары мен мемлекеттік органдардың басшылары, зиялы қауым мен БАҚ өкілдері қатысты.

DSC 6151

Жиында сөз алған Ғ.Әбдірахымов өткен 20 жылда партияның Елбасының ең сенімді тірегі және еліміздің жетекші саяси күші ретінде қалыптасып үлгергенін айтты.

Елбасының мемлекеттің алдына бұрынғыдан да ауқымды стратегиялық мақсаттар қойып отырғанын айтқан шаһар басшысы Ғабидолла Әбдірахымов басты міндет – елді жүйелі жаңғырту арқылы әлемнің ең дамыған 30 мемлекетінің қатарына қосылу екеніне назар аударды.

– Елбасы «Нұр Отан» партиясының XVIII съезінде халықтың өмір сүру деңгейі мен сапасын көтеру, аз қамтылған азаматтардың тұрғын үй мәселелерін шешу бойынша нақты міндеттерді белгілеп берді.

Бұл ретте Елбасы тапсырмасы аясында Шымкентте халықты мемлекеттік қолдаудың ауқымды шаралары жүйелі түрде іске асырылады. Әсіресе, қалада тұратын көпбалалы аналарға әлеуметтік тұрғыда жоғары деңгейде қолдау көрсетіледі, – деді қала әкімі.
Ғ.Әбдірахымов Алғыс айту күнінің мән-маңызына тоқталып, барша шымкенттіктерді мерекемен құттықтады.

Мәжіліс соңында қалалық Қазақстан халқы Ассамблеясының бірқатар мүшелеріне ҚР Президенті, Қазақстан халқы Ассамблеясы төрағасы Нұрсұлтан Назарбаевтың қолы қойылған арнайы куәліктер табыс етілді.

«Нұр Отан» партиясы биыл атап өтілетін 20 жылдық мерейтойы қарсаңында «20 игі іс» тақырыбымен іс-шаралар өткізуді қолға алған болатын. Осы істің аясында партиялықтар «Алтын Дән» бастауыш ұйымымен бірлесіп Бөбектер үйіне арнайы барды.

Шымкент қаласындағы мамандандырылған бөбектер үйінде жүйке жүйесі зақымданған, сезім мүшелерінің аурулары бар балалар тәрбиеленеді. Мұнда тәрбиеленушілер перзентханалардан туғанынан бастап төрт жасқа дейін қабылдайды.

Денсаулық сақтау мекемесіне қарасты бөбектер үйі ата-анасының қамқорлығынсыз қалған сәбилерге жақсы күтім, медициналық көмек көрсетуге, аурудың алдын-алу және балаларға дұрыс тәрбие беру үшін арналған мекеме.

Бөбектер үйінің директоры Ғалымжан Айнабектің айтуынша, қазіргі таңда «Үміт» тобында 24 бала тәрбиеленуде. Мұнда некесіз босанған әйелдердің, жеке бас бостандығынан айырылған ата-аналардың балалары қабылданады.

Бөбектер үйіне арнайы барған «нұротандықтар» осында тәрбиеленіп жатқан балаларға арнап жалпы сомасы 235 000 теңге тұратын, «Фаэтон» мекемесінде дайындалған нейро-ортопедиялық оңалту комбинезондарын сыйға тартты.

Туабітті денсаулығы жоқ балаларды оңалту үшін бұл киім-кешектерді алуда «Алтын Дән» БПҰ-ның төрағасы, белгілі меценат, кәсіпкер Бахарам Абдукаримов қолдау көрсетті.

Страница 5 из 20