Партияның Шымкент қалалық филиалы төрағасының бірінші орынбасары Бахадыр Нарымбетов және қалалық мәслихаттың хатшысы Ғани Ташқараев «20 жылдыққа - 20 игі іс» бастамасы аясында қаладағы көпбалалы ана Есенкүл Омашеваның отбасында болып, «Алтын алқа» иесіне сый-сияпат жасады.
Шымкент қаласының 76 жастағы тұрғыны Есенкүл апа 3 ұл мен 4 қыз өсірген асыл ана, 23 немере, 8 шөбере сүйген әже. Қарияның қолындағы келіні Гүлзада да 9 баланы дүниеге әкелген алтын құрсақты ана.
– Мен де көпбалалы отбасында дүниеге келдім,- деді әжені құттықтап барған Бахадыр Нарымбетов. - Көпбалалы отбасыда алған тәрбиенің мәні де өзгеше болады. Осынау игі істің мақсаты - миллионды қаланың мерейлі аналарын елге үлгі ету.
Ел ағалары алтын құрсақты аналарға партия атынан бағалы сыйлықтар табыстады.
