Тәуелсіз, егеменді Қазақ елі. Расында, бұл сөзді айтқанда, ең алдымен, оның бастауында болған, нық сеніммен алға жетелеген Нұрсұлтан Әбішұлы Назарбаев ойға келеді.
Тұңғыш Елбасы КСРО ыдыраған сонау тоқырау заманда елді басқарып, бүгінгі өркенді дамуға жеткізді. Президентке тапсырылған жауапкершілік зор болды. Елді басқарған 30 жылда артылған жүкті абыроймен көтеру, халық сенімін ақтау, тәуелсіздікті тұғырлы ету, әлемдік қауымдастыққа терезесі тең елдер қатарында болуды жүзеге асыруда қаншама батыл шешімдер қабылдады.
Кешегі тұғыры қаланып, әлемге танылған Астана мен бүгінгі түркі әлемінің бесігі Түркістанды түлету, Шымкентке үшінші мегаполис мәртебесін беру секілді шешімдерде Елбасының даналығы мен көрегенділігі жатқаны айдан анық. Мемлекет басшысының еліміздің әлемдік екі дағдарыстан сәтті өтіп, халықтың әл-ауқатының төмендеуіне жол бермегені көреген саясатының жемісі деуге болады.
Қанатбек ДОСАЛИЕВ,
М.Өтебаев атындағы Жоғары жаңа технологиялар колледжінің директоры
