Елбасы Нұрсұлтан Назарбаев бүгін жариялаған Қазақстан халқына «Қазақстан жаңа жаһандық нақты ахуалда: өсім, реформалар, даму» атты жаңа Жолдауын аса ден қоя тыңдадым. Онда мемлекет басшысы дағдарыс қыспаққа алып тұрған кезеңде халықтың әл-ауқатын әлсіретпей, тығырықтан шығу жолдарын нақты көрсете отырып, Ұлттық валютаға деген сенімді нығайту өте маңызды екендігін және бүгіннен бастап Қазақстан ДСҰ-ның толық құқықты мүшесі болғанын атап өтті. Әрине, әлемде дағдарыс дендеп тұрған кезеңде, халықтың алдағы уақытта жағдайы қалай болар екен?- деген сауал мені де мазалағаны рас. Бүгін сол сауалдардың жауабын елбасының өз аузынан естіп білдік. Мәселен, елбасының зейнетақы қаржысын бизнесті қаржыландыру үшін пайдалануды тоқтату керек,- деп айтқан ойын мен қолдаймын. Өйткені әр адам болашақта зейнетақымен қамтамасыз етілуіне алаңдайтыны сөзсіз. Бұдан бөлек бюджет саласында еңбек ететін қызметкерлер жалақысы 2016 жылдың қаңтарынан бастап өсетінін естіп қуанып жатырмыз. Әрине, Жолдауда көптеген мәселелерге қатысты межелі бағыт-бағдарлар сараланып, салмақты таразыланған. Елбасы айтқандай, «Әлемдегі ең дамыған 30 мемлекеттің қатарына қосылып, бай да қуатты елдермен иық түйістіру – мақсатымыз» болса, Жолдауда көрсетілген жолмен жүретін болсақ, қазақ елінің басына туатын ондай күннің де алыс емес екенін аңғарғандаймыз. Сонда ғана тәуелсіздігімізді баянды етіп, мәңгілік ел – Қазақ елі болатынымыз айдан анық. Жолдаудағы: «Санаулы күндерден кейін біз азаттық туын желбіреткен Тәуелсіз мемлекет атанғанымыздың 25 жылдығына аяқ басамыз. Бұл - Тәуелсіздікті нығайту жолындағы өлшеусіз еңбегіміздің ширек ғасырлық белесін қорытындылайтын мерейлі сәт. Тәуелсіздікті баянды ету - оған қол жеткізуден де қиын екенін біз осы жылдар ішінде көріп-білдік. Мемлекетіміздің тұғырын мызғымастай нығайту үшін бізге әлі талай күрделі, өтпелі көп бұралаң жолдардан өтуге тура келеді.

Ең жақсы жоспар - заман талабына бейімделген жоспар. Біз де заманның беталысына қарай межелерімізді белгілеп, жоспарларымызды нақтылап отыруымыз қажет. Біздің мақсатымыз - елі бақытты, жері гүлденген, қасиетті Отанымыз - Қазақстанды мәңгілік ел ету», - деген Елбасы сөздері әр қазақстандықтың қаперінде жүрер ізгі сөздер деп ойлаймын . 

Елбасының Қазақстан халқына дәстүрлі Жолдауында бүгінгі қоғамдағы аса маңызды мәселелерге баса назар аударылды. Елбасы өз сөзінде ұлттық теңгеміздің қазіргі дағдарыс кезеңіндегі маңызын арттыру мақсатында атқарылатын нақты іс-шараларды атап көрсетті. Сонымен қатар ел экономикасын одан әрі дамыту, халықтың әлеуметтік әл-ауқатын жақсарту жолдары, білім, ғылым саласы қызметкерлерінің еңбекақысы мен білім алушылардың шәкіртақысын, зейнетақыны белгіленген пайыздық мөлшерде көбейту т.б. мәселелер де қамтылды. Елдің ішкі экономикасын дамытуда отандық өнімдерге деген сұранысты арттыру жолдары да атап көрсетілді. Ең бастысы, бұл Жолдауда Қазақстанның болашақ даму жолының бағыт-бағдарлары айқындалып, халықтың әл-ауқатын жақсартудың нақты жолдары көрсетілді.

Шымкент қаласының Әділет департаменті

«Әкімшілік» бөлімінің жетекші маманы

Маматаева Майра Ауесбековна

/Шымкент қаласы/

Мемлекеттік қызмет атқару қоғам мен мемлекет тарапынан ерекше сенім білдіру болып табылады және мемлекеттік қызметшілердің моральды-әдептілік бейнесіне жоғары талаптар қояды.

Қоғам мемлекеттік қызметші өзінің барлық күш-жігерін, білімі мен тәжірибесін кәсіби қызметіне жұмсайды әрі Қазақстан Республикасына қалтқысыз, адал қызмет етеді деп сенеді.

Мемлекеттік қызметшілердің әдеп кодексі ҚР Конституциясына, «ҚР мемлекеттік қызметі туралы» «Сыбайлас жемқорлыққа қарсы іс-қимыл туралы» ҚР заңдарына, жалпы қабылданған моральдық-әдептілік нормаларына сәйкес мемлекеттік қызметшілердің моральдық-әдептілік бейнесіне қойылатын талаптарды, сондай-ақ олардың мінез-құлқының негізгі стандарттарын белгілейді.

Аталған кодекс халықтың мемлекеттік органдарға сенімін нығайтуға, мемлекеттік қызметте өзара қарым-қатынастың жоғары мәдениетін қалыптастыруға және мемлекеттік қызметшілердің әдепсіз мінез-құлық жағдайларының алдын алуға бағытталған.

Мемлекетік қызметшілер мемлекеттік қызмет немесе сыбайлас жемқорлыққа қарсы саясат саласында болып жатқан өзгерістердің мәнін әртүрлі себептерге байланысты, мысалы негізгі қызмет бағыты бойынша жүктеменің көптігімен, арнайы заң білімінің болмауы себебімен және т.б. себептермен толық түсіне бермеуі мүмкін.

Осыған орай мемлекеттік қызмет туралы, сыбайлас жемқорлыққа іс-қимыл туралы заңнама және Әдеп кодексі талаптарын сақтау мәселелері бойынша мемлекеттік қызметшілерге консультативтік көмек көрсету әдеп жөніндегі уәкілге жүктелген негізгі функциялардың бірі. Консультативтік көмек жеке бағытталған жұмыс саналады және мемлекеттік қызметші жеке қабылданады, әңгімелесу жүргізіледі.

Шымкент қаласы мемлекеттік мүлік және жекешелендіру департаментінің Әдеп жөніндегі уәкілі туралы ақпарат баршаға көрінетін жерде (яғни аты-жөні, фотосуреті, кабинет нөмірі, телефондары туралы мәліметтер) ғимаратқа кіре берісінде орналастырылған. ҚР Қаржы министрлігінің «Рухани жаңғыру» «Өзгерістерді өзіңнен баста» бағдарламасын іске асыру шеңберінде департаменттің қызметкерлері қоғамдық-мәдени іс-шараларға қатысып отырады.

Ұлттық мерекелер департаменттің ұжымы арасында атап өтіледі. Осы іс-шараның өзі ұжымдағы моральдық-психологиялық жағдайға, қызметкерлер арасындағы жақсы қарым-қатынас орнауға әсерін тигізетіні сөзсіз.

Сондай-ақ, Әдеп жөніндегі уәкілдердің қызметін одан әрі жетілдіру мақсатында, ҚР Қаржы министрлігінің Әдеп жөніндегі уәкілінен «Рухани жаңғыру» «Өзгерістерді өзіңнен баста» бағдарламасын іске асыру үшін мемлекеттік қызметшілер арасында оқуға ұсынылатын әдебиеттер тізімі жолданды.

Әдебиеттер тізімі әрбір мемлекеттік қызметкердің назарына жеткізілді және де әдеп нормаларының бұзушылықтарының алдын алу бойынша тиісті шаралар қабылдау үшін әрбір мемлекеттік қызметшінің әдеп қағидаларын сақтау міндеттілігі туралы жеке парасаттылық декларациясымен таныстырылды.

Әдеп жөніндегі уәкілдің жұмыс жоспарына сәйкес биыл ұжымның тарихи-мәдени орталықтарға, кітапханаларға баруы жоспарланып отыр. Әдеп нормаларының тәртібін сақтау қағидаларына негізделген және де моральдық-психологиялық ахуалды қалыптастаруға бағытталған іс-шаралар одан әрі жалғасады.

Г.НАМАЗБАЕВА,
Шымкент қаласы мемлекеттік мүлік
және жекешелендіру департаментінің
Әдеп жөніндегі уәкілі

Елбасы Н.Ә.Назарбаевтың «Рухани жаңғыру» мақаласында еліміздің ары қарай дамуына, әлемдегі экономикасы дамыған 30 елдің қатарына қосылу, алға қойған мақсаттарымызға жету жолы баяндалады.

Бұл бағдарламалық мақалада аталып өткен аса маңызды екі үдеріc – саяси реформа мен экономикалық жаңғыру.
«Рухани жаңғыру» бағдарламасында жастардың білім алуы мен алдыңғы қатарлы мемлекеттердің озық тәжірибелерін оқу үрдісіне енгізу бағытында атқарылуы тиіс жұмыстар мұқият сараланып айтылған.

Қазіргі таңда қалыптасқан тәжірибе ауыл шаруашылығы саласы және азық-түлік нарығын реттеуде мемлекеттің рөлін арттыруды талап етеді. Бұл салаларда мемлекеттік реттеу мен қолдаудың қажеттігі мынадай жағдайлармен байланысты: табиғат-климаттық әсер ету; экономиканың өзге салаларына қарағанда ауыл шаруашылығы тауарын өндірушілері монополизациясының төмен деңгейі; ауыл шаруашылығы өнімдері бағасының тұрақсыздығы және т.б.

Мемлекет халықты қолжетімді бағадағы азық-түлікпен қамтамасыз ету; отандық ауыл шаруашылығы өнімдері өндірісін қолдау; ауыл шаруашылығы өнімдерінің импорты мен экспортын реттеу; ішкі аграрлық азық-түлік нарығына мемлекеттік протекционизмді енгізу; нарықтық инфрақұрылымын және ақпараттық қамтамасыз етуді дамыту секілді міндеттерді шешуді қамтамасыз етеді.

Елбасы Н.Назарбаев «Қазақстан-2050» стратегиясы - қалыптасқан мемлекеттің жаңа саяси бағыты» атты Жолдауында ел экономикасын дамытудың бір жолы ауыл шаруашылығын жаңғырту екенін айтқан болатын. Елбасы ауыл шаруашылығы өнеркәсібінде сілкінісжасау толықтай қолымыздан келетінін, ал ол үшін бізге жаңа сипаттағы мемлекеттік ой-сана қажет болатынын атап өтті.

Қазіргі таңда Қазақстанда шамамен 7,48 млн адам немесе халықтың 45 пайызы ауылды жерде тұрады. Ауылда туып, туған жердің қадірін білетін әр азамат үшін өңірлердің жаңа заман ағымынан қалып қоймай, өркендеп дамуы аса маңызды мәселелердің бірі екені анық. Әлемдік деңгейде халықты азық-түлікпен қамту өзекті мәселеге айнала бастаған шақта сапалы әрі экологиялық таза ауыл шаруашылығы өнiмдерiн өндіруге баса маңыз беріліп отыр.

Елбасы біздің алдымызда әлемдік азық-түлік нарығының көшбасшысы болу және ауыл шаруашылығы өндірісін арттыру мақсаты тұрғанын атап өтті. Ол үшін егістік алаңын ұлғайту, жаңа технологиялар енгізу есебінен егістік түсімін елеулі көтеру, әлемдік деңгейдегі мал шаруашылығы жем-шөп базасын құру үшін үлкен әлеуетке ие болу міндеттерін алға қойды.

Ауыл шаруашылығы қашан да ел экономикасының драйвері. Елбасы Н.Назарбаев халыққа Жолдауында «Агроөнеркәсіп кешені экономиканың жаңа драйверіне айналуы тиіс» деген болатын. Осыған орай агроөнеркәсіптік кешенді дамытудың 2017-2021 жылдарға арналған мемлекеттік бағдарламасы әзірленді.

Г.Елібаева,
М.Әуезов атындағы
ОҚМУ «Агротехнология»
кафедрасының аға оқытушысы, б.ғ.к

Б.Мұрзабаев,
«Агротехнология» кафедрасының
аға оқытушысы, а.ш.ғ.к.

2019 жылғы 26 маусымда, сағат 15:00-де Нұр-Сұлтан қ., Тәуелсіздік даңғылы, 50-ғимаратта орналасқан «Шабыт» Қазақ ұлттық өнер университетінде ҚР Премьер-Министрінің бірінші орынбасары-Қаржы министрі Әлихан Смайыловтың халық алдында есеп беру кездесуі өтеді.

Сұрақтарды Этот адрес электронной почты защищён от спам-ботов. У вас должен быть включен JavaScript для просмотра. электронды мекенжайына жіберуге болады.
Кері байланыс үшін өз мәліметтеріңізді және байланыс телефон нөмірін көрсетуіңізді сұраймыз.
Сіздің сұрақтарыңыздың жауабы ҚР Қаржы министрлігінің www.minfin.gov.kz сайтында халықпен кездесу өткізілгеннен кейін орналастырылады.

Call center:
8 (7172) 75-02-94, 75-04-55
Шымкент қаласы мемлекеттік мүлік
және жекешелендіру департаменті

«Азаматтарға арналған үкімет» мемлекеттік корпорациясы бала тууға байланысты проактив тәсілмен көрсетілетін мемлекеттік қызметтер тізіміне мекенжай бойынша тіркелу қызметін қосты.

89898

Бұл қызмет мемлекеттік корпорацияның бастамасымен ҚР ІІМ мен Әділет министрліктері базаларының интеграциялануы нәтижесінде жүзеге асып отыр.

Енді жаңа босанған әйелдерге баланың туу туралы құжатын жасатып, балабақша кезегіне тұру және жәрдемақы алуға ұсыныс білдіретін смс-хабарламамен бірге жаңа туған сәбиді мекенжай тіркеуіне қоюға мүмкіндік беретін хабарлама қоса жолданады.

Проактив тәсілі азаматтарға ешқайда шықпай-ақ мемлекеттік қызметтерді алуға мүмкіндік береді. Жаңа технологиялар енді ғана сәбилі болған ата-анаға ХҚО-ға бармай, баланың бар құжаттарын реттеуге көмектеседі. Керегі – телефонға келген смс-ке жауап беру ғана.

Ереже бойынша дүниеге келген сәбидің ата-анасының біріне екі апта ішінде мекенжай тіркеуіне тұру жөнінде смс-ұсыныс жолданады. Сұраққа оң жауап берілген жағдайда баспана иесі өз мекенжайының тіркеу кодын енгізуі тиіс. Пәтер не үй баланың ата-анасының атында болмаған жағдайда баспана иесінің ЖСН-і қоса жолданады.

Бұл ретте проактив тәсілмен жолданатын смс-терді алу үшін баланың ата-анасының бірі міндетті түрде мобильді азаматтар базасында тіркелуі керек.
Айта кетейік, 1,5 жыл бұрын іске қосылған проактив тәсілімен 70 мыңнан астам баланың туу туралы құжаты беріліп, 13 мың бөбек балабақша кезегіне тұрғызылды.

«Азаматтарға
арналған үкімет»
мемлекеттік корпорациясы
КЕАҚ баспасөз қызметі

Шымкентте 3D үлгідегі жаяу жүргіншілер жолы пайда болды. Қазақстан бойынша алғашқы жаңа үлгідегі жолақ Айбергенов көшесінде сызылды.

3D жолақ 5

Бұған дейін бұл жерде әдеттегі жолақ болатын.
Бұл ерекше жүргіншілер жолын салу бастамасын көтерген «Shymkent» әлеуметтік-кәсіпкерлік корпорациясы» АҚ Басқармасының төрағасы Рашид Аюповтың айтуынша, үш өлшемді таңба идеясын шетелдік іс-сапардан алған.

– Шымкент - жол қозғалысы өте қарқынды қала. Осы орайда жаяу жүргіншілердің қауіпсіздігі маңызды. Алдағы уақытта бұл учаске жүргізушілер назарын өзіне аудартатын ерекше қосымша белгі болады деп үміттенемін. Мұндай тәжірибелер басқа елдерде қайғылы оқиғалар санын бірнеше рет қысқартуға мүмкіндік берді, - деді Р.Аюпов.

17 маусым күні алтыншы шақырылған Шымкент қаласы мәслихатының кезектен тыс елуінші сессиясы өтті.

sessiya 3

Баходир Салимов төрағалық еткен сессияда халық қалаулылары Қазақстан Республикасы Президентінің ұсынысын қарады.

Мемлекет басшысы Қасым-Жомарт Тоқаевтың жолдаған хатына сәйкес, Шымкент қаласы әкімінің лауазымына Ғабидолла Әбдірахымовтың кандидатурасы ұсынылған. Депутаттар ҚР Президентінің ұсынысын қолдап, Ғабидолла Рахматоллаұлының қала әкімі лауазымына тағайындалуын бір ауыздан мақұлдады.

Еске сала кетейік, Мемлекет басшысы Қасым-Жомарт Тоқаев ҚР Конституциясының 87-бабының 5-тармағына сәйкес жаңадан сайланған ҚР Президенті қызметіне кіріскен кезде Нұр-Сұлтан, Алматы, Шымкент қалалары және облыстардың әкімдерінің өкілеттігінің тоқтатылуына байланысты қаулы еткен болатын.

Сессияда, сонымен қатар, «Шымкент қаласының Құрметті азаматы» атағын беру туралы ұсыныс жасалды. 2019 жылғы 29 наурыздағы қала мәслихатының шешімімен «Құрметті азамат» атағын беру ережесі бекітілген. Ережеге сәйкес қала әкімдігіне түрлі мекемелерден, ұйымдардан ұсыныс түсіп, қала депутаттарының қолдауымен қалаға айрықша еңбек сіңірген 10 азамат «Шымкент қаласының «Құрметті азаматы» мәртебесіне ие болды.

Қағидаға сәйкес «Құрметті азамат» атағы жылына бір рет салтанатты түрде 10 адамға дейін беріледі. Бұл атаққа қаламызға айрықша еңбегі сіңген, оның ішінде экономиканы, әлеуметтік саланы, ғылым мен білімді дамытуға үлес қосқан, мемлекеттік және қоғамдық қызметте жетістігі бар, шығармашылықта, бизнесте, спортта, қайырымдылық шараларында белсенділік танытып, жемісті жұмыс жасаған азаматтар ие бола алады.

Атақты беру туралы шешімді Шымкент қаласының мәслихаты қала әкімінің ұсынысымен қабылдайды.

Күн тәртібіндегі мәселелер бойынша Шымкент қаласы әкімдігінің жанындағы сыбайлас жемқорлыққа қарсы іс-қимыл жөніндегі ведомствааралық комиссиясының дербес құрамының және Шымкент қаласы әкімдігі жанындағы кәмелетке толмағандардың істері және олардың құқықтарын қорғау жөніндегі комиссиясының дербес құрамының кадрлық ауыс-түйістер болуына байланысты қала мәслихатының шешімдеріне өзгерістер енгізілді.

Сондай-ақ, жиында 2018 жылы ашылған «Шымкент - адалдық алаңы» жобалық кеңсесінің жұмыс жоспары тыңдалды.

Қазақстан Республикасының «Салық және бюджетке төленетін басқа да міндетті төлемдер туралы» кодексіне  25.12.2017 жылғы №121-VI  заңымен енгізілген өзгерістер мен толықтыруларға сәйкес 93-ші баппен,   салық төлеушілердің қызметін мәжбүрлі тәртіппен тоқтату енгізілді. Аталған баптың орындалу ерекшеліктері мен тәртібі төмендегідей:

1. Мәжбүрлі тәртіппен қызметін тоқтатуға бір мезгілде мынадай шарттарға сәйкес келетін:

1) күнтізбелік жылдың 1 қаңтарына дейін, бірақ осы Кодекстің
48-бабында белгіленген талап қоюдың ескіру мерзімінен кем болмайтын мерзімде:

  • салықтық есептілікті ұсынбаған;
  • экспорттық-импорттық операцияларды жасамаған;
  • егер күнтізбелік жыл ішіндегі төлемнің және (немесе) ақша аударымының сомасы республикалық бюджет туралы заңда белгіленген және тиісті қаржы жылының 1 қаңтарына қолданыста болатын жалақының                     12 еселенген ең төмен мөлшерінен аспайтын  жағдайларды қоспағанда, банктік шоттар бойынша төлемдерді және (немесе) ақша аударымдарын, сондай-ақ зейнетақы төлемдерін және (немесе) әлеуметтік төлемдерді алуды жүзеге асырмаған;

қосылған құн салығын төлеуші ретінде тіркеу есебінде тұрмаған;

2) күнтізбелік жылдың 1 қаңтарындағы жағдай бойынша:

  • қосылған құн салығын төлеуші ретінде тіркеу есебінде тұрмаған;
  • осы Кодекстің 213 және 214-баптарында айқындалған тәртіппен салықтық есептілікті ұсынуды тоқтата тұрмаған;
  • жеке тұлғалардан мүлік, көлік құралдары салықтары, жер салығы, бірыңғай жер салығы салынатын объектілерді қоспағанда, меншік құқығында көрсетілетін салықтар салынатын объектілер жоқ;
  • әлеуметтік төлемдер бойынша берешегі жоқ;
  • салықтар және бюджетке төленетін төлемдер, кедендік төлемдер және республикалық бюджет туралы заңда белгіленген және тиісті қаржы жылының 1 қаңтарына қолданыста болатын 6 еселенген айлық есептік көрсеткіштен асатын мөлшердегі салықтар бойынша салықтық берешегі жоқ резидент-заңды тұлғалар, олардың құрылымдық бөлімшелері, бейрезидент-заңды тұлғаның құрылымдық бөлімшелері,  қызметін құрылымдық бөлімше ашпай, тұрақты мекеме арқылы жүзеге асыратын бейрезидент-заңды тұлғалар, дара кәсіпкерлер жатады.

Осы тармақтың ережелері:

1) осы Кодекске сәйкес салықтық мониторингке жататын;

2) қызметін жер қойнауын пайдалануға арналған келісімшартқа сәйкес жүзеге асыратын салық төлеушілерге қолданылмайды.

2. Салық органдары жыл сайын:

1) осы баптың 1-тармағының талаптарына сәйкес келетін субъектілердің бастапқы тізбесін 1 наурыздан кешіктірмей қалыптастырады;

2) мынадай мәліметтерді:

сәйкестендіру нөмірін (ол болған жағдайда);

салық төлеушінің тіркеу нөмірін;

жеке тұлғаның тегін, атын, әкесінің атын (егер ол жеке басты куәландыратын құжатта көрсетілсе) не субъектінің атауын;

субъектінің орналасқанжеріндегі салық органының атауын;

кредиторлардың және (немесе) субъект мәжбүрлі түрде таратылған (есептік тіркеуден шығарылған, қызметін тоқтатқан) жағдайда құқықтары мен заңды мүдделері қозғалатын өзге де тұлғалардың өтініштерін (наразылықтарын) қабылдау үшін салық органының мекенжайын көрсете отырып, мәжбүрлі түрде таратылуға жататын субъектілердің қалыптастырылған тізбесін бұқаралық ақпарат құралдарында 1 сәуірден кешіктірмей орналастырады;

3) субъектілердің қалыптастырылған тізбесі бұқаралық ақпарат құралдарында жарияланғаннан кейін 1 мамырдан кешіктірмей, мәліметтер алу үшін:

  • екінші деңгейдегі банктерге және банк операцияларының жекелеген түрлерін жүзеге асыратын ұйымдарға – осы баптың 1-тармағы бірінші бөлігінің  1) тармақшасында айқындалған төлемдер және (немесе) ақша аударымдары туралы;
  • уәкілетті мемлекеттік органдарға – мүліктің, көлік құралдарының, жер учаскелерінің бар-жоғы туралы;
  • әділет органдарына – Сәйкестендіру нөмірлерінің ұлттық тізілімінде мәліметтердің болуы (болмауы) туралы сұрау салулар жібереді.

3. Қойылатын наразылықтардың құқыққа сыйымдылығын растайтын құжаттар қоса берілген, кредиторлардың немесе өзге де тұлғалардың өтініштерін (наразылықтарын) салық органдары күнтізбелік жылдың 1 маусымына дейін қабылдайды.

4. Мәжбүрлі түрде таратуға (есептік тіркеуден шығаруға, қызметін тоқтатуға) жататын субъектілердің түпкілікті тізбесі осы баптың 2-тармағының 3) тармақшасында көрсетілген мәліметтер алынған және кредиторлардың немесе өзге де тұлғалардың өтініштері (наразылықтары) болмаған жағдайда күнтізбелік жылдың 1 шілдесінен кешіктірілмей қалыптастырылады.

5. Салық органдары осы баптың 4-тармағында көрсетілген тізбеге қосылған субъектілерге қатысты мәжбүрлі түрде тарату (есептік тіркеуден шығару, қызметін тоқтату) үшін талап қою арыздарын сотқа  күнтізбелік жылдың 1 қыркүйегінен кешіктірмей жібереді.

Осы баптың аясында жолданған талап қою арыздары бойынша шығарылған және заңды күшіне енген сот шешімдері мен ұйғарымдары  негізінде қызметі мәжбүрлі түрде тоқтатылып, резидент-заңды тұлғалар, олардың құрылымдық бөлімшелері, бейрезидент-заңды тұлғаның құрылымдық бөлімшелері,  қызметін құрылымдық бөлімше ашпай, тұрақты мекеме арқылы жүзеге асыратын бейрезидент-заңды тұлғалар Ұлттық тізілімнен шығарылуға, ал дара кәсіпкерлер есептік тіркеуден шығарылуға жатады.

Мәжбүрлі түрде таратылуға жататын субъектілердің қалыптастырылған тізбесін ҚР ҚМ МКК Шымкент қаласы бойынша мемлекеттік кірістер департаментінің http://shymkent.kgd.gov.kz   сайтында орналастырылады.

 

Еңбекші ауданы бойынша мемлекеттік кірістер басқармасы

«Ақпаратты өңдеу орталығы» бөлімінің басшысы Қ. Сапарбекова

Страница 1 из 317