ЖАҢА ЖЫЛ МЕРЕКЕСІН ҚАУІПСІЗ ҚАРСЫ АЛАЙЫҚ Избранное

Среда, 25 Декабрь 2019 03:50 Автор  Опубликовано в Қоғам Прочитано 1129 раз

Шымкентте Төтенше жағдайлар қызметінің мамандары жаңа жыл мерекесінан бастап 5 қаңтарға дейін күшейтілген режимде жұмыс істейді. Ондағы мақсат – жаңа жылды тойлау кезінде пиротехникалық заттарды қолдану барысында орын алатын жазатайым оқиғалардың алдын алу. Бұл туралы Ақпараттық коммуникациялық орталығында Шымкент қаласының Төтенше жағдайлар департаменті басшысының орынбасары Мадияр Жақсыбаев мәлім етті.

брифинг фото

«Отшашудың салдарынан дене жарақатын алған», «Петарда атамын деп қолын күйдірген». Осындай себептермен жаңа жыл қарсаңында ауруханаға түсетіндер қатары көбейеді. Жарылғыш заттардан жапа шегетіндердің басым көпшілігі балалар болатындықтан төтенше жағдайлар департамент мамандары ата-аналардың балаларға отшашудың қаншалықты қауіпті екенін түсіндіріп, тыйым салу қажеттігін ескертеді.

– Жаңа жыл да таяп қалды. Қала аумағында осы мерекені өткізетін 567 орын және Президент шыршасына арналған 1 алаң белгіленген. Оның қатарында ең көбі білім беру нысандары – 504, сондай-ақ 27 денсаулық сақтау мекемесі, 10 мәдени мекемесі бар. Аталған іс-шаралар өтетін орындардың өрт қауіпсіздігін қадағалау жұмыстарын жүргізіп, кезекшіліктер ұйымдастырылуда. Біздің мамандар 5 қаңтарға дейін қалада күшейтілген режимде жұмыс істейді. Жаңа жыл мерекесін қауіпсіз қарсы алайық! - деді М. Жақсыбаев.

10 желтоқсаннан бастап Шымкент қаласының Полиция департаменті мен Төтенше жағдайлар департаменті бірлесіп қала аумағында болуы мүмкін төтенше жағдайлардың алдын алуға бойынша бірлесіп әрекет етуде. Мереке күндері қауіпсіздікті сақтау бойынша 2 кезеңнен тұратын іс-шаралар атқарылмақ. Бірінші кезеңде ірі сауда орталықтарында, базарларда қала тұрғындары арасында үгіт-насихат жұмыстары жүргізіліп, БАҚ-да хабарландыру жасалмақ.

Екінші кезең бойынша кәсіпкерлермен пиротехникалық заттарды сату және сақтау тәртібіне бақылау жүргізіледі. Сатуға лицензиясы жоқ немесе сақтау тәртібінде заң бұзушылықтары орын алған жағдайда полиция қызметкерлері тарапынан кәсіпкерге айыппұл салуға әкімшілік іс қозғалып, пиротехникалық заттарды тәркілеуге алады.

– Қала тұрғындарына айтарымыз, сақтық шараларына көбірек назар аударыңыздар. Қыс мезгілінде міндетті түрде дауылды ескертулерге көңіл бөлу қажет. Ұзақ жол сапарға шықпас бұрын облыстық және республикалық маңызы бар жолдардың жай-күйі туралы «112» немесе 33-74-84 телефондары арқылы білсеңіздер болады.

Осы орайда сіздерге «Дәрмен» тегін қосымшасын жүктеп алып, пайдалануды ұсынамыз. Себебі бұл қосымшада жолдардың жабылуы мен ашылуы туралы, басқа да төтенше жағдайлар туралы хабарламалар жедел түрде жеткізіледі. Сонымен қатар түрлі төтенше жағдайлар кезінде жасайтын іс-қимылдар туралы пайдалы ақпаратты ала аласыздар, - деді департамент басшысының орынбасары.

Сәбит ТАСТАНБЕК

Л. Гумилев атындағы ЕҰУ-дің "Журналистика" мамандығын (2004-2008) тәмамдаған. Алматы қаласында Отан алдындағы әскери борышын (2008-2009) өтеген. Республикалық «Sport», «Қазақ спорты» газеттерінде және Шымкент қаласы әкімдігінің ресми сайтында тілші болып еңбек еткен. 2013 жылдан бастап «Шымкент келбеті» газетінің тілшісі, 2016 жылдың ақпан айынан 2018 жылдың ақпан айына дейін Бас редактордың орынбасары болып істеген.