Бұл шара кәсіби және қоғамдық жұмыста өзін-өзі көрсете алған, ғылым, саясат, өнер және басқа да салаларда айтарлықтай жетістіктерге жеткен жас азаматтарды ынталандыру болып табылады.
Оңтүстік Қазақстан политехникалық колледжінде дәстүрлі жылдың үздік номинацияларын тапсыру салтанаты өтті. Бұл шара кәсіби және қоғамдық жұмыста өзін-өзі көрсете алған, ғылым, саясат, өнер және басқа да салаларында айтарлықтай жетістіктерге жеткен жас азаматтарды ынталандыру, сондай-ақ жастар саясаты мен азаматтық қоғам қалыптастыруда өзіндік үлес қосқан көшбасшыларды қоғам алдында беделін көтерумен абыройын арттыру мақсатында өткізіліп келеді.
Сонымен қатар, «Үздік студент», «Үздік топ», «Үздік топ басшы» «Үздік жас ғалым» секілді 12 номинация бойынша марапатталды. Олардың ішінде «Үздік студент» номинациясымен «Химия-технология» бөлімінің оқушысы Бабаев Шахмардан, «Электроэнергетика» бөлімінің оқушысы Водолацкий Александр, «Бағдарламалау және ақпараттық жүйелер» бөлімінің оқушысы Абсатар Бақдаулет, «Радио-электроника және байланыс» бөлімінің оқушысы Киргизбаева Севара, «Үздік жас ғалым» – «Бағдарламалау және ақпараттық жүйелер» бөлімінің оқушысы Шагзамова София, «Үздік жастар ұйымы» – «Химия технология» бөлімінің «Жаңартушы жастар ұйымы», «Үздік жас әнші» – «Электроника және ақпараттық технологиялар» бөлімінің оқушысы Қалдыбай Әділет, «Үздік жас спортшы» – «Электроэнергетика» бөлімінің оқушысы Рүстембеков Жарылқасын, «Үздік ақын» – «Радиоэлектроника және байланыс» бөлімінің оқушысы Кенжебай Айсана.
Жыл қорытындысымен үздік деп танылғандарға диплом мен естелікке кәдесыйлар табысталды. Салтанатты шара мерекелік концертпен жалғасты.
