Шымкент келбеті

Қала әкімдігінің Шымкент қаласының әуежайы басшылығымен жүргізген келіссөздері нәтижесінде бұдан былай радиофармацевтикалық препараттар (РФП) тікұшақтар арқылы жеткізілетін болды. Бұл ең алдымен қатерлі ісікке шалдыққан науқастарды дер кезінде анықтап, емдеу шараларының тиімділігін арттырады.

Қазақстан Республикасы өнеркәсіп және құрылыс министрлігінің тапсырмасына сәйкес Шымкент қаласының KEZEKTE.KZ деректер қорында кезекке тіркелген кейбір азаматтарға құжаттарын жаңарту бойынша СМС-ХАБАРЛАМАЛАР жолдануда.

2023 жылдың қыркүйегінде Президент Қасым-Жомарт Тоқаев республика халқына Жолдауы аясында «Қазақстанды IT еліне айналдыру» туралы тапсырма беріп, барлық саладағы реформалардың қарқыны мен тереңдігін арттыру қажеттігін айтқан болатын.

Заң талаптарына сәйкес әрбір азаматтың жұмыс орнының қауіпсіз болуын талап етуге құқығы бар. Мемлекет басшысы Ұлттық қоғамдық сенім кеңесінде жұмыскерлер еңбегінің қауіпсіздігін және қорғалауын бақылауды қамтасыз етуге бағытталған «Халықтық бақылау» жобасын ірі кәсіпорындарда енгізу туралы тапсырма берген болатын. Бүгінде бұл жобаны үшінші мегаполисте 18 кәсіпорын енгізген. Бұл туралы толығырақ Шымкент қаласы мемлекеттік еңбек инспекциясы басқармасының басшысы
Бауыржан Қалжанов баспасөз брифингінде мәлімдеді.

Үшінші мегаполис атанған Шымкент шаһары «Ақылды қала» болуы тиіс. Өйткені, уақыттың талабы – сол. Бұл бағытта атқарылып жатқан жұмыстар да аз емес. Осы орайда Ikomek-109 Shymkent бірыңғай байланыс орталығы да өз үлесін қосуда.

Мегаполисте жұмыс істеп тұрған кәріз-тазарту қондырғысының қуатын арттыру жөніндегі жоба аяқталып, тәулігіне 150 мың текше метр шайынды су тазартатын кешеннің қуаты 200 мың текше метрге жетті. Тұрғын үй мен әлеуметтік нысандардың құрылысы күн санап артып отырған Шымкент қаласы үшін мұндай кешеннің маңызы зор.

Шымкентте ешкі шаруашылығымен айналысатын шаруалар «Қажымұқан» стадионы жанындағы алаңда асыл тұқымды ешкілерді дәріптеу мақсатында «Сексек ата» республикалық көрмесін ұйымдастырды. Шымкентте бұл бағыттағы көрме биыл үшінші рет өтті.