Сайлау шеңберіндегі шараларға оңтүстікқазақстандықтар да азаматтық қолдау көрсетіп, белсенділік танытуда. Бүгінде облыс аумағындағы сайлау учаскелері кезектен тыс сайлауға дайын. Бұл туралы облыстық сайлау комиссиясының төрағасы Әлібек Өмірәлиев мәлімдеді.
Қаулыға сәйкес, Парламент пен мәслихат депутаттарын сайлау бойынша оған тиісті қадағалау жүргізу міндеті облыстық сайлау комиссияларына жүктеліп отыр. Төрағаның айтуынша, облыс бойынша 1074 сайлау комиссиясы тіркелген. Ал облыс бойынша 50 сайлау округі болса, Шымкентте қала аумағының кеңеюіне байланысты округ саны 14-ке жетіп отыр. Қазір өңіріміздегі дауыс беру орындарында дайындық жұмыстары жүргізілуде. Комиссия төрағасы өз сөзінде кейбір елді мекендердің облыс орталығының аумағына енуіне байланысты өзгерістер болатынын да жеткізді.
С. ТАСТАНБЕК