«Automation ES» ЖШС-і 2017 жылы құрылған. Оның негізін қалаушы жас кәсіпкер – Мыңжасар Жорабекұлы. Кәсіпкердің негізгі мамандығы – инженер. Зертханалық стенд жасаумен айналысатын кәсіпорын күні бүгінге дейін 80 түрлі сынамалы зертханалық қондырғы құрастырған.

205

«Жусан» операциясы бойынша Сирияда жүрген Қазақстан азаматтарын елге қайтару барысында Шымкентке 18 әйел, 50 бала әкелінді. Олардың барлығына мемлекет тарапынан жағдай жасалды. Бұл туралы қалалық дін істері басқармасының басшысы Әлжан Тұяқбаев айтып берді.

187

Шымкент қаласының Кәсіпкерлер палатасында палата жанынан құрылған үш комитеттің отырысы өтті. Бұлар агро-өнеркәсіп кешені және тамақ өнеркәсібі, өңдеу өнеркәсібі, сауда және қызмет көрсету комитеттері. Олардың жиынына Шымкент қаласы әкімінің орынбасары Айбек Сәттібаев, Шымкент қаласы Кәсіпкерлер палатасының директоры Нұрлан Қабіштаев және бірнеше салаға жауапты басқарма басшылары қатысты. Жиында кәсіпкерлік тақырыбындағы өзекті мәселелер талқыланды.

150

Шымкент республикада үшінші мегаполис болғанымен ауыл шаруашылығы саласы экономикалық өсім беретін басты салаларының бірі болып қала бермек. Бұған қалалық ауыл шаруашылығы және ветеринария басқармасы басшысының орынбасары Нұрсұлтан КЕНЖЕБАЕВПЕН болған сұхбат барысында көз жеткіздік.

130

Шымкент қаласының М.Әуезов атындағы ОҚУ-да ұлы ақын Жамбыл Жабаевтың 175 жылдығына орай «Жамбылдың ақындық мұрасы және жамбылтанудың өзекті мәселелері» атты халықаралық онлайн конференциясы өтті. Конференция ҚР Тұңғыш Президенті Елбасы Нұрсұлтан Назарбаевтың «Рухани жаңғыру» бағдарламасы және ел тарихын, ұлт шежіресі мен құндылықтарын сақтау мен дәріптеуге шақырған Мемлекет басшысы Қасым-Жомарт Тоқаевтың «Тәуелсіздік бәрінен де қымбат» атты мақаласы аясында ұйымдастырылған.

126

Солтүстікте жұмыс көп іздегенге

Пятница, 19 Февраль 2021 04:25

«Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» бағдарламасының үшінші бағыты еңбек ресурстарының ұтқырлығын арттыруға бағытталған. Яғни, халықты еліміздің оңтүстік өңірінен жұмыс күші аз солтүстік аймақтарға көшіруді көздейді. Осы мақсат аясында Шымкентке Павлодар облысының Успен және Май аудандарынан арнайы өкілдер келді. Осы орайда олардан қоныс аударушыларға ұсынылатын жеңілдіктер мен көмектер жайлы сұрап білген едік.

110

Шымкентте еліміздің болашақ Отан қорғаушыларын әскери есепке алу іс-шарасы басталды. Осының аясында 5 қаңтардан бастап 31 наурызға дейін ер азаматтарды әскери есепке алу және олардың әскери қызметке жарамдылық дәрежесін байқау, білім деңгейі мен алған мамандығын және дене даярлығын анықтау жұмыстары жүргізіледі. Бұл туралы Шымкент қаласының қорғаныс істері жөніндегі департамент бастығының орынбасары полковник Әжімұхан Шынтаев ақпараттық коммуникациялық орталығында өткен брифингте мәлімдеді.

92

partia-aldagy-5-jyl

«Nur Otan» партиясының Шымкент қалалық филиалының кезектен тыс XLI конференциясы өтті. Конференцияға «Nur Otan» партиясының Шымкент қалалық филиалының төрағасы Мұрат Әйтенов төрағалық етті.

Сонымен бірге жиынға «Nur Otan» партиясы Шымкент қалалық филиалы Саяси кеңесінің мүшелері, аумақтық филиалдарының төрағалары және бірінші орынбасарлары, Шымкент қалалық басқарма басшылары, мәслихат хатшысы, мәслихаттағы депутаттық фракция жетекшісі, депутаттар, «Nur Otan» партиясы Шымкент қаласы аудандық филиалдардан сайланған делегаттар және БАҚ өкілдері қатысты.

Конференция күн тәртібіне үш мәселе қойылды. Ол партияның «Өзгерістер жолы: әр азаматқа лайықты өмір!» сайлауалды бағдарламасы аясында жасалынған Жол картасын таныстыру және «Nur Otan» партиясы Шымкент қалалық филиалының Саяси Кеңесі және Саяси Кеңес Бюросының құрамына өзгерістер енгізу.

Осы орайда қалалық экономика және бюджеттік жоспарлау басқармасының басшысы Р.Мүлкеманов «Жол картасы» шеңберінде іске атқарылатын шаруалар жайында баяндады. Оған сәйкес алдағы уақытта 6052 орынды 12 мектеп пайдалануға беріліп, 1 мектеп 2 балабақша күрделі жөндеуден өтеді. Сондай-ақ, «Шымкент-сити» және «Тұран» шағынаудандарында 39 үйдің құрылысы аяқталып, 3136 пәтер халық игілігіне беріледі. Сонымен бірге бағдарламада 5 жылда атқарылуы тиіс 22 негізгі көрсеткіш қарастырылған. Оның ішінде тұрғын үй саласында 3 млн. ш.м.астам тұрғын үй құрылысын жүргізу, білім саласында үш аусымды мектептердің мәселесін толық шешу, туризм саласында туристер санын 1 млн. адамға жеткізу, инженерлік инфрақұрылым саласында тұрғындарды сумен, газбен, сапалы электр жарықпен толық қамту, қанағаттанарлық жолдардың үлесін 60 пайыздан 79 пайызға өсіру, экономиканың барлық салаларында 80 мыңнан астам тұрақты жұмыс орындарын ашу секілді мақсаттар мен міндеттер көзделген.

Конференцияда «Білім және ғылым» бастауыш партия ұйымының төрағасы Сәкен Мәжінбеков пен Шымкент қалалық мәслихатының депутаты, «Ай-нұры» бастауыш партия ұйымының төрайымы Төрайым Сұлтанова жарыссөзге шықты.

Сондай-ақ жиынның күн тәртібінде қаралған мәселеге сәйкес партияның саяси кеңес мүшелерінің дауыс беруімен «Nur Otan» партиясы Шымкент қалалық филиалы төрағасының бірінші орынбасары Ж.Бектаева «Nur Otan» партиясы Шымкент қалалық филиалының саяси кеңесіне және саяси кеңес бюросына мүшелікке алынды.

Конференция жұмысын қорытындылаған Шымкент қаласының әкімі, «Nur Otan» партиясы Шымкент қалалық филиалының төрағасы Мұрат Әйтенов партия активіне сайлауалды бағдарламада белгіленген нақты тапсырмалар жүктеді.

Страница 3 из 11