Аталған жоба М.Әуезов атындағы ОҚУ тарапынан ұсынылған болатын. Жоба жетекшісі Нұрлыбай Манабаев Умно-4/1 тіркемесінің әмбебап көпфункционалды аспалы құрылғы екенін айтады. Аталған тіркеменің әзірге 3 данасы Z (Зет)» ЖШС-нің зауытында жасалып шығарылды. Бұл тіркеме шаруаларға өте тиімді. Себебі, Умно-4/1 тіркемесімен ауылшаруашылығы жерлеріне қатысты 4 қызметті атқаруға болады.
Атап айтқанда шаруалар жер тегістеу, арық алу және қопсыту жұмыстарын бір техниканың көмегімен жүзеге асыра алады. Сонымен қатар, атмосфераға шығарылған газдардың шығуы 2-3 есе азаяды, агрегаттың өнімділігі 50% - ға дейін артады, егістікті сапалы дайындау есебінен өнімділік 10-15%-ға көбейеді. Сондай ақ, тіркемені басқа пішінге қайта өзгерту тек 10-15 минутты алады.