Іс-шараның басты мақсаты – отандық өнімді қолдау және дизайнерлердің топтамасын көпшілікке таныстыру. Кеште алғаш болып қазақстандық белгілі дизайнер Аида
Кауменованың сән топтамалары көрсетілді.
– Үшінші мегаполис тұрғындарына жаңа топтамаларымызды алып келдік. Көрсетілім 4 кезеңнен тұрады. Кестелеп тігілген, ұлттық нақыштағы, қызғалдақ қаланың ерекшелігі ескерілген заманауи үлгідегі киімдер және күз мезгіліне сай сыртқы киімдерді де ұсындық. Қазіргі кезде Қазақстан дизайнерлерінің беделі әлем нарығында артып келеді, – деді белгілі дизайнер Аида
Кауменова.
Ұйымдастырушылардың айтуынша, «Kazakhstan Fashion Week» 2018 жылдан бері жылына екі рет ұйымдастырылып, Шымкент қаласында талантты дизайнерлердің басын қосып келеді.
– Көрсетілімнің демеушісі «Lexus Shymkent», «Toyota» орталықтарына алғысымызды білдіреміз. Бұл орталықтар бізді жыл сайын бері қолдап келеді, – деп атап өтті «Sulumodels» орталығының директоры
Ақжамал Абилдаева.
Сән апталығының бірінші күнінде 8 дизайнердің топтамасы көрсетілді. «Айда
Кауменова», «Madita», «Адеми», «Safa», «Шакербэй», «Alexey Chzhen», «Yang lain», «Dana’s couture» топтамалар жинағы көрермендерге ұсынылды.
Ұйымдастырушылардың айтуынша, бұл іс-шара сән индустриясымен қатар жеңіл өнеркәсіптің дамуына үлесін қосады.
А.ӘБДІРАХМАН