Үкімет отырысына селекторлық режимде қатысып, қаладағы эпид ахуалды баяндаған қала басшысы ақпан айынан бастап азаматтарды вакцинациялау үшін 43 стационарлық және 25 жылжымалы бекет ұйымдастырылғанын атап өтті.
«Бүгінге бірінші компонент 163 515 азаматқа, ал екінші компонент 66 657 азаматқа салынды. Халықтың вакцинаға деген ықыласы жақсы. Бүгінгі күнде вакцина алатын контингенттің 30 пайызынан астамына вакцина салынды. Вакцинациялауға 753 медицина қызметкері оқытылып, жұмылдырылды»,-деді әкім.
Бұдан бөлек, қала әкімдігі жанынан ашылған call-center тәулік бойы жұмыс жасауда. Қаладағы бизнес субьектілері үшін «Ashyq» жобасы енгізілді. Қазіргі таңда, 428 бизнес нысаны жобаға қосылды.
