Мұнда балаларға арналған 1 спорт алаңшасы бар. Бүгінде шағынаудан тұрғындарын мектеп мәселесі алаңдатады. Бұл мақсатта 1,5 га жер телімі анықталып, «Shymkent» ӘКК АҚ тарапынан инвестор іздестірілуде.
Шағынаудан жекеменшік электр жарығымен толық қамтылған. Мемлекеттік бағаналар орнату мақсатында ЖСҚ әзірленуде. Ауыз сумен толық қамтылып, 65 үй жекеменшік табиғи газ желісіне қосылды. Мемлекеттік көгілдір отынмен қамту үшін биыл ЖСҚ әзірлеу жоспарлануда. Интернет желісімен қамту мақсатында Құрсай шағынауданында биіктігі 15 метрлік мұнара орнатылып, байланыс операторларымен келіссөздер жүргізілуде. Елдімекенде 1 асфальт жол, 10 тас жол, 1 топырақ жол бар. Топырақ жол мәселесі биыл шешіледі. 2021 жылы Ақүйік, Ақшат, Көксәйек, Кеңестөбе, Ақбастөбе, Шарбұлақ, Аққанбұлақ,
Ақтекше, Аққия көшелеріне шағал тас төселді. 2022 жылы Ақбұлым көшесіне шағал тас төселеді.
Өткен жылы 1 спорт алаңшасы пайдалануға берілсе, биыл тағы бір балалар алаңшасы салынбақ. Тұрғындарға №96 бағыттағы автобус қызмет көрсетеді. Жолаушыларды тасымалдаудың кешенді сызбасына сәйкес ол көлік Аэровокзал – Сауле шағынауданы аралығында қатынайды. Бұған қоса былтыр Сарытау көшесі жарықтандырылған болатын.