Көрмеге колледж студенттерінің 84 жұмысы қойылған. Олар – кескіндеме, акварель, сурет, коллаж, компьютерлік графика, гобелен арқылы жасалған өнер туындылары. Талатты жастар негізінен портреттер мен тақырыптық композициялар бойынша туындыларын көрмеге ұсынған.
– Талғат Бигелдинов ел басына күн туған қиын шақта Отанды сүюдің, ерлік пен әскери шеберліктің таңғажайып үлгісін көрсете білді, сол арқылы өзін де, халқымызды да өшпес даңққа бөледі. Батыр бабамызды ұлықтау – ұрпақтың парызы. Шәкірттеріміз коллаж техникасы бойынша жұмыстар дайындады. Дарынды жастарымыз коллажды әртүрлі дереккөздерден – фотосуреттерден, картиналардан, газеттерден және басқа да баспа материалдарынан материал жинап, басып шығарды, кейбір бөлшектерді өздері сызды. Содан кейін олар осының бәрінен ортақ ойлы композициялар жасады, – деп атап өтті колледждің «Сызу және кескіндеме» кафедрасының оқытушысы Қарлығаш
Қансейіт.
Іс-шараны үйымдастырушылар бұл көрме студенттердің батыр бабамыздың өмірі мен ерліктерін зерделеуге деген қызығушылықтарын оятады, оған арналған шығармалар жасауға шабыттандырады деп сенеді.
