Шымкент келбеті

18 наурыз – Игі істер күні. Осыған орай үшінші мегаполисте экологиялық акция ұйымдастырылып, 8-шағынаудандағы аллеяда көшеттер егілді. Іс-шараға Шымкент қаласы әкімінің бірінші орынбасары Шыңғыс Мұқан, қалалық мәслихаттың хатшысы Бахадыр Нарымбетов және Майра Мұхамедқызы, Заттыбек Көпбосынұлы, Ақбота Керімбекова бастаған өнер жұлдыздары мен зиялы қауым өкілдері қатысып, көшет екті.

Үшінші мегаполисте масленица мерекесі аталып өтті. Іс-шараны Шымкент қалалық Қазақстан халқы Ассамблеясының славян этномәдени бірлестігі мен қалалық орыс драма театры ұйымдастырды.

Үшінші мегаполисте қалалық қызметтер мен сервистерге арналған Open Shymkent орталық порталы іске қосылып, онда коммуналды жоба да жүзеге асырылады. Үйлерде көрсеткіштерді қашықтан алуға болатын арнайы өлшегіш құралдар орнатылмақ. Қазіргі таңда мұндай «ақылды» құралдар 70 үйде бар. Цифрлық жүйедегі тағы бір жаңалық – жолаушылар қоғамдық көліктің қозғалысын мобильді қосымша арқылы бақылап, қажет көліктің аялдамаға келер уақытын біле алады. Осылайша Шымкентте де цифрландыру қарқынды жүзеге асырылуда. Оның қазіргі жетістіктері мен алдағы жоспарлар туралы Шымкент қалалық цифрландыру басқармасының басшысы Әсет ӘБДІРАХАНОВ айтып берді.

Үшінші мегаполисте нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының үшінші бағыты шеңберінде жұмыспен қамту шаралары жүзеге асырылуда.

«Тұтынушылардың құқығын қорғау туралы» заңның жаңа редакциясына сәйкес, заңды бұзғандар – тауар өндірушілер болсын, сатушылар мен қызмет көрсетушілер болсын, әкімшілік жауапкершілікке тартылады, айыппұл төлейді. Ал азаматтардың арыз-шағымдары арнайы мәліметтер базасында тіркеліп отырады. Бұл туралы ҚР Сауда және интеграция министрлігі Тұтынушылардың құқықтарын қорғау комитеті Шымкент қалалық тұтынушылардың құқықтарын қорғау департаментінің басшысы Әлібек Тілегенов мәлім етті.

Шымкент қаласының қорғаныс істері жөніндегі департаментінің ұжымы әскери қызметшілердің аналарын мерекелерімен құттықтады. Әскери қызметшілер аналарға құрмет көрсетіп, алғыс хат табыстады.

Үшінші мегаполисте қалалық жұмыспен қамту орталығының бөлімшелері ашылды. Шымкент әкімдігіне қарасты жұмыспен қамту орталығының мамандары енді Абай, Әл-Фараби, Еңбекші және Қаратау аудандарындағы арнайы орындарда қызмет көрсетеді.

Қазіргі таңда тұрмыстық қажеттіліктің көбісі цифрлық форматқа өтті. Қолымызда гаджет болса, қалағанымызды жүзеге асыруға үйрендік. Түрлі мобильді қосымшалар өмірімізді жеңілдетіп, қолымызды «ұзартты».