Атап айтқанда, барлық тіркелген азаматтық хал актілерді өзектендіруге электронды түрде ЭЦҚ(электронды цифрлы қолтаңба) арқылы Электронды Үкімет порталының «Egov.kz» сайты арқылы өтініш жіберуге мүмкіндік қарастырылған.
Егер тіркелген азаматтық хал актілер - неке қию, туу, неке бұзу, бала асырап алу, әкесі екендігін анықтау, атын өзгерту, қайтыс болу туралы мәліметтер болса немесе цифрлы құжаттар қате немесе болмаған жағдайда, электронды портал арқылы өзектендіруге өтінім беріледі. Тіркелген азаматтық хал актілердің мәліметтерін түзету бойынша өтінімге кіріп, қажеттісін таңдап, дұрыс мәліметтерін толықтырып, сканерленген куәлігін жүктеу қажет. Қызмет түрі төлем ақысыз көрсетіледі және арнайы тіркеуші органдарға баруды қажет етпей, бір жұмыс күнде көрсетіледі. Қызмет көрсетудің нәтижесі, «АХАТ тіркеу пункті» ақпараттық жүйесінде актуалды мәліметтер.
Тиімділігі, уақытты қысқарту, қызметтерге қол жеткізуді жеңілдету, алаяқтықтан қорғауды арттыру, құзыретті органдардың жүктемесін азайту, құжаттарды жоғалту қауіпін азайту, халықтың мемлекеттік қызметтерге қол жеткізуін жеңілдету және статистика жүргізуді жеңілдету болып табылады.
А.КАДИРОВА,
Шымкент қаласы Әділет департаментінің коммерциялық емес ұйымдарды тіркеу және тіркеу қызметі саласындағы бақылау бөлімінің бас маманы
