Сондай-ақ, Шымкент қаласының славян этномәдени орталығының өкілдері, «Оңтүстік Қазақстан облысының «Ынтымақ» этносаралық мәдени орталығы» қоғамдық бiрлестігі, «Ардагер», «Светоч» хорлары, кітапхана ардагерлері қатысты.
А.С.Пушкин атындағы әмбебап кітапханасындағы шарада өзге ұлт өкілдері қазақтың әнін шырқап, қазақ халқының ұлттық мәдениетін көрерменге паш етті. Ән, би арқылы қазақ еліне деген махаббатын жеткізді.
– Шараның мақсаты қарттарға алғыс айту, құрмет көрсету, өнерлерін дәріптеу. Үлкен кісілердің қоғамның белді мүшелері ретінде еңбек жолдарын жастарға үлгі ету. «Қарты бар елдің – қазынасы бар» деп бекер айтпаған ғой. Бұл жасқа келіп, сахнада өнер көрсету көптің қолынан келе бермейтін іс. Сондықтан, тек қарттар күнінде ғана емес, бұл ардагерлер мереке сайын ән шырқайды, би де билейді. Осы кеште де «Ардагер», «Светоч» хорлары өз репертуарындағы әндерді көрерменге тарту етті, – дейді «Ынтымақ» этносаралық мәдени орталығы» қоғамдық бiрлестігінің төрайымы Гауһар Төлепова.
Кеш соңынан қатысушыларға алғыс хаттар мен марапаттар табысталды.
Г. АМАНБАЙ
