Елімізде КВИ жұқтырғандар саны азайып, індеттің беті қайтқаны байқалады. Деседе әлем ғалымдары індеттің төртінші толқыны күз айларында басталып кетуі ғажап емес деп болжады. Бұған адамдардың жаппай еңбек демалысынан оралуы және студенттер мен оқушылар үшін жаңа оқу жылының басталуы басты себеп болатыны айтпаса да түсінікті. Дегенмен көп нәрсе поствакциналық иммунитет қай деңгейде қалыптасып, адамдардың сақтық шараларын қаншалықты сақтайтынына байланысты болғалы тұр.

710

Пандемия басталғалы еліміздегі білім жүйесіне айтарлықтар өзгерістер енгізілді. Мектептер онлайн форматта білім беруге бейімделіп, оқушылар жаңаша тәртіпке үйренді. Бұл да тәуелсіздік алған 30 жыл ішінде білім саласында жүргізілген тиімді реформалардың арқасы деп білеміз. Осы жылдар аралығында ұстаздар қауымы салада үлкен табыстарға қол жеткізді. Үшінші мегаполистегі білім беру ұйымдарының егемендік алғалы жеткен жетістіктері аз емес.

702

Жаңа оқу жылының басталуына санаулы күндер қалды. Дәстүрге айналған тамыз кеңесі биыл Ы. Алтынсарин атындағы №65 мектеп-гимназиясында еркін пікір алмасу негізінде ұйымдастырылды. Шаһар басшысы Мұрат Әйтеновтің төрағалығымен өткен алқалы жиынға қалалық мәслихаттың хатшысы Б.Нарымбетов, «Nur Otan» партиясы Шымкент қаласы филиалы төрағасының бірінші орынбасары Ж.Бектаева, қалалық мәслихат депутаттары қатысты.

mektep

–Биыл 350 мыңға жуық білім алушылармен жаңа 2021-2022 оқу жылын дәстүрлі форматта бастаймыз. Бала саны 17 мыңға артты. Сәуір және тамыз айларында бірінші сыныпқа 25 мың оқушыны онлайн қабылдадық. Бұл жұмыстар әлі жалғасуда, - деді Ж.Тәжиева.

Ал қаладағы 524 мектепке дейінгі білім беру мекемесінде 66 132 бала бар. Оның ішінде, мектепке дейінгі тәрбиемен және оқытумен 3-6 жас аралығындағы 52 859 бала қамтылған. 1-6 жас аралығындағы балаларды мектепке дейінгі тәрбиемен және оқытумен қамту үшін жан басына шаққандағы қаржыландыруға сәйкес, әр балаға 37 527 теңгеден белгіленіп, жалпы 29 млрд. 946 млн.теңге қаржы қаралған.

– Мемлекет басшысының тапсырмасы аясында мектепке дейінгі білім берудің жаңа моделі әзірленді. Жаңа жүйені енгізу жаңа оқу жылынан басталады. Бұл үшін «Ойын арқылы оқыту» қағидаты негізінде мемлекеттік стандарт өзгертіліп, үлгілік оқу бағдарламасы қайта қаралады. Сонымен қатар, «Балаларды ерте дамыту институтын» құру бойынша жұмыстар жүргізіліп, тәуелсіз ұлттық бағалаудың жүйесі енгізілетін болады. Мемлекеттік тапсырысты орналастыру яғни қаржыландыру жүйесі де жаңартылуда, - деді басқарма басшысы.

Жанат Арысбекқызы кадрлық әлеуетті дамыту бойынша педагогтер еңбекақысын кезең-кезеңімен көтеру, өзіне тән емес функциялар мен тексерулерден босату бойынша шаралар қабылданғанын жеткізді. Сонымен қатар біліктілікті арттыру курстарынан өткізу, шеберлік деңгейі бар мамандар үлесін және мектепке дейінгі білім беру ұйымдарында «Мектепке дейінгі тәрбиелеу мен оқыту» мамандығы бар педагогтер үлесін арттыру жоспарланған.

– Қазіргі таңда қаладағы жалпы орта білім беру ұйымдарында шеберлік деңгейі бар педагогтер саны - 10 503 (55,9%). 2021 жылға біліктілік деңгейі бар ұстаздар санын белгіленген көрсеткішке (59,5%-ға) жеткізу үшін 4 080 мұғалімді Ұлттық біліктілік тестілеуден өткізу жоспарланып отыр. Бүгінгі таңда 2 657 ұстаз ҰБТ тапсырған. Тест тапсыру қараша айына дейін жалғасатын болады. Педагог қызметкерлердің сапалық құрамын арттыру бойынша жыл сайын «Өрлеу» БАҰО Шымкент қаласы филиалында, педагогикалық шеберлік орталығында біліктілікті арттыру курстары ұйымдастырылуда. Ол 2025 жылы 85%-ға жетеді деп күтілуде және ұстаздар еңбекақысы 2 есеге ұлғайып, орташа еңбекақы 253 мың теңгені құрайды деп жоспалануда, - деді Жанат Арысбекқызы.

Ал Шымкент қаласының әкімі Мұрат Әйтенов ұстаздарды жаңа оқу жылымен құттықтады. Қала басшысы балалардың денсаулығын сақтау бірінші кезектегі мәселе екендігін алға тартты. Мұрат Дүйсенбекұлының айтуынша, зияткер ұрпақ тәрбиелеу басты стратегиялық міндет болып белгіленген. Білім саласында мақсатты индикаторлық көрсеткіштер қойылып, адами капиталдың сапасын арттыру міндеттері межеленген. Бұл бағытта Мемлекет басшысының тапсырмасына сәйкес, білім беру ұйымдарының құрылысын жүргізу, олардың жабдықталу деңгейін арттыру, білім саласында мемлекеттік-жекеменшік әріптестікті жолға қою, педагог кадрлардың әлеуетін көтеру, тағы басқа маңызды көрсеткіштер қамтылған. Алдағы 5 жылда қалада 72 мектептің құрылысын жүргізу жоспарланып, үш ауысымды мектептер мәселесі мен мектебі жоқ шағынаудандар мен тұрғын алаптарда жаңа мектептер салынбақ. Биылдың өзінде 32 мектептің құрылысы басталып, 20 мектеп жыл соңына дейін пайдалануға берілмек. 16 мектептің құрылысына жеке инвесторлар тартылған.

Білім саласына мемлекет тарапынан қамқорлық жыл санап артып отырғандығын мәлімдеген қала басшысы мұғалімдерден тек білім сапасын арттыру ғана күтілетінін айтты.

– Оқушыларымыз білім олимпиадалары мен ұлттық тестілеу көрсеткіштерінен оқ бойы озық тұруы керек. Бүгін мектебіне үлес қосқан бала, ертең еліне үлес қосатын болады. Зияткерлік бәсеке орныққан бүгінгідей кезеңде балаларымыз өздерін күнделікті жетілдіруі тиіс, - деді қала әкімі.

Мектептің бала тәрбиесіндегі роліне тоқталған қала әкімі оқушыларды қосымша біліммен, тәрбие шараларымен қамтудың маңызы зор екенін жеткізді. Бұл бағытта спорттық және шығармашылық үйірмелер жанданып жатқандығын, балаларымыздың жан-жақты дамуы үшін барлық мүмкіндіктер қарастырылған деді. Сынып жетекшілерін осы мүмкіндіктерді тиімді пайдалануға шақырды.

Технологиялық мүмкіндіктер тұрмысымызды барынша оңтайландырып жатқандығын атап өткен қала басшысы интернет кеңістіктің бала тәрбиесіне теріс ықпал ететін факторларын да ескеруді сұрады. Балаларды киберкеңістіктегі нашақорлық бизнесінен барынша қорғап, олардың әлеуметтік желідегі белсенділігін бақылауда ұстауды тапсырды.

Мұрат Дүйсенбекұлы колледждер еңбек нарығына қажетті техникалық мамандар даярлаудың орталығы болуы тиіс екендігін атап өтті. Бұл бағытта сала жетекшілеріне қала колледждерінде құрылысшы мамандықтар бойынша кадрлар даярлауды тапсырды.

Тамыз кеңесінде білікті ұстаздар жарыссөзге шығып, білім беру мен тәрбие саласының озық тәжірибелерін сөз етті. Сондай-ақ, бірқатар ұстаздарға қала әкімінің грамоталары табыс етілді. Жиынды қорытындылаған Мұрат Дүйсенбекұлы берілген тапсырмалар қаланың білім сапасын жаңа деңгейге шығарады деген сенімін білдірді.

Шымшаһарда жол-көлік инфрақұрылымын дамыту бағытында атқарылып жатқан жұмыс аз емес. Қалада қоғамдық көлік жұмысын оңтайландыру, сапалы әрі тұрақты қызмет көрсетуді жүйелендіру мақсатында жолаушылар көлігін дамытудың кешенді сызбасы әзірленген болатын. Соның нәтижесінде мегаполиске су жаңа автобустар сатып алына бастады. Бірқатар бағыттар жаңарып, электронды «TOLEM» жүйесі енгізілгені белгілі. Жолаушылар көлігі және автомобиль жолдары басқармасы осы саланы цифрландыруда көш ілгері келеді десек, артық айтқандық емес. Сөзімізге дәлел ретінде биыл «I-kolik» қосымшасы мен avtopark-shymkent.kz сайты іске қосылды. Жаңа жобалардың жаңашылдығы неде? Осы сауалға жауап іздеп көрген болатынбыз.

i-kolik

Мемлекет басшысының халыққа қолайлы жағдай жасау жөніндегі тапсырмасы аясында қалада жүйелі жұмыстар атқарылып жатқанын айтқан Қалалық оқыту және сертификациялау орталығының директоры Жандос Сардаров қоғамдық көлік мамандарының біліктілігін арттыру жұмыстары қарқын алғанын жеткізді. Енді қоғамдық көлік жүргізушілері бес күндік оқу курсына қатысып, мамандардан «Жолаушыларды тасымалдау ережесі» және мүмкіндігі шектеулі жандарға қызмет көрсету бойынша білім алады.

– Жаңа жобаға қатысқан жүргізуші қызметтік тәртіпті сақтау, жолаушыларға сыпайылық таныту мен психологиялық дайындық, келеңсіз жағдайлардың алдын алуды үйренеді. Оқудан өткендерге міндетті түрде сертификат беріледі. Айта кетейік, сертификаты жоқ жүргізушілер қоғамдық көлікті басқаруға орналаса алмайды. Сонымен қатар, сертификат табысталғаннан кейін жүргізуші еңбек тәртібін бұзса, қайта аттестациалаудан өту міндеттеледі. Ал этикалық нормалар мен еңбек тәртібін бірнеше рет бұзғандар қызметтен босатылып, алдағы уақытта қоғамдық көлікті айдау жұмысына орналасуы екіталай болмақ. Жолаушылардың талап-мүддесін орындап, қызмет сапасын жақсарту бағытында бізге жүктелген жауапкершілік, міндет ауқымы артып отыр. Бұл – қаладағы қоғамдық көліктердің қызмет сапасын арттыруға бағытталған жүйелі жұмыстардың бір парасы,– дейді Ж.Сардаров.

Қазіргі таңда іске қосылғанына бес ай болған «I-kolik» қосымшасын қолданушылардың қатары күн санап артып жатқанын да айтады.

– «KazITService» компаниясы жасаған «I-kolik» қосымшасын «PlayMarket» және «App store» арқылы жүктеген қолданушылар 100 мыңға жуықтады. Бұл – жақсы көрсеткіш. Қосымшаны пайдаланушылардың басым көпшілігі жобаға оң бағасын берген. Бүгінде мегаполистегі қоғамдық көлік қызметі 100 пайыз автоматтандырылған жүйемен жабдықталған. Яғни, көліктің қай жерде, қай уақытпен кетіп бара жатқанын GPS қондырғылары арқылы бақылап отыруға болады. Қала тұрғындары мен қонақтары қосымшаны жүктей отырып, автобустардың жаңарған бағыттары мен қозғалысын бақылай алады. Жобаны бақылаушы ретінде бізге де тиімді. Көлік жүргізушілерінің қанша уақыт жұмыс істейтінін көріп отырамыз. Бұрындары жұмыс графигі аяқталмай қайтып кететіндері болатын, – дейді маман.

Ж.Сардаров сұхбат барысында avtopark-shymkent.kz жобасының тиімділігін тарқатып айтып өтті.

– Бұл жоба 27 шілде күні қолданысқа енгізілді. Бүгінгі таңда сайт пен оның телеграмм ботына күнделікті 3-5 хат келіп түседі. Қоғамдық көлік жүргізушілері мен кондукторларына қатысты сын-ескертпелерді, алғысты осы сайт арқылы жолдауға болады. Сайттың бір артықшылығы – жұмысқа орналасу бөлімі қарастырылған. Бізге жұмысқа орналасқысы келетін жүргізуші сайт арқылы анкета толтырып, өтінім жібере алады. Келіп түскен хаттардың барлығы зерделеніп, жауапты мамандарға орындау үшін беріледі. Алғашқы айда 50-ден астам хат келіп түсті. Солардың 30-на жауап берсек, қалғаны жақын күндері жөнелтіледі, – дейді орталық директоры.

Жандос Сардаров жолаушылар шағымдарының ішінде өзектілерін де атап өтті. Жаз айларында салқындатқыш, автобустардың уақтылы жүруі, төлем жүйесіне қатысты мәселелер туындаған. Ал жалпы өткен жылмен салыстырғанда биыл қоғамдық көлік қызметінің жұмысына шағымданушылар қатары екі есеге дейін азайыпты. Салаға жауапты маман мұны нәтижелі жұмыстың әрі жаңа жобалардың жемісі деп есептейді.

– Жолаушылар көлігі саласына қатысты мәселелер әлеуметтік желілерде де жиі жазылады. Алайда онда кері байланыс орнату кей жағдайда мүмкін бола бермейді. Тұрғындар шағымдарын нақты көрсетпей жасады. Ал біздің сайтта телеграм-бот қарастырылған. Онда бірнеше жолақтарды толтыру міндеттеледі. Яғни, шағымдардың шынайылығына көз жеткізу үшін қоғамдық көлік жүргізушісі туралы деректерді де енгізу керек екенін еске саламыз. Егер қоғамдық көліктердің кешігуі, жүргізушілердің дөрекі сөйлеуі және басқа да сауалдар туындаса, avtopark-shymkent.kz сайтына жазуыңызға болады, – дейді Жандос Сақтапбергенұлы.

Жауапты маманның айтуынша, алдағы уақытта автобустарға да сайтқа арыз-шағым қалдыру туралы арнайы нұсқамалар ілінеді. Бұл өз кезегінде қоғамдық көліктердің қызметін жақсартуға септігін тигізбек.

– Жоғарыда аталған екі жоба – «Ақылды қала» аясындағы маңызды жобалардың бірі. Екеуін де жетілдіре түсу үшін толықтырылып және жаңартылып жүргізіліп отырады. Жобаның басты мақсаты – шаһар аумағындағы көлік қозғалысын ретке келтіру. Қоғамдық көліктің бәсекелестігін арттырып, жолаушыларға ыңғайлы жағдай жасау, – деді қалалық оқыту және сертификациялау орталығының директоры.

Жолаушылар көлігі қызметін жандандыру бағытында қолға алынған ауқымды шаралар бүгінде өз нәтижесін беріп жатқаны көңіл қуантады. Ең алдымен қаладағы қоғамдық көлік бағыттарының кешкі уақыттағы жұмысы реттелді. Мысалы, аудан әкімдерінің өткен жылдың қорытындысы бойынша есеп беру жиналыстарында айтылған қала тұрғындарының қоғамдық көліктердің кешкі уақыттағы жұмысына байланысты шағымдары едәуір азайған. Сала мамандары мұны жүргізушілер мен бақылаушылардың қызмет көрсету мәдениетін көтеру мақсатында көлік компаниялары басшылығымен бірлесіп атқарып жүрген тұрақты жұмыстың нәтижесі екенін айтады.

shymkent-isxakov 4

Үшінші мегаполисте инфрақұрылымды дамыту қала басшылығының күн тәртібінен түскен емес. Шымкентте халықтың саны көбейген сайын барлық салада жұмыс қарқыны арта бермек. Әсіресе, шаһар басшысының орынбасары Мақсұт Исахов жетекшілік ететін спорт, туризм, жол құрылысы, транспорт, цифрландыру, қала орта сапасы мен оны бақылау және еңбек инспекциясы салаларында тың өзгерістер байқалады. Оған біз БАҚ өкілдеріне арналған баспасөз туры барысында қанықтық.

 

Тойхананы спорт кешеніне айналдыруға мүмкіндік бар

Шаһар басшысының орынбасары Мақсұт Пернебайұлы бастаған топ алдымен  мемлекеттік тапсырыспен жан басына қаржыландыру жобасына қамтылған бірқатар жекеменшік спорттық нысандарды аралады. БАҚ өкілдері, ең әуелі іріктеуден өткен білікті өнім берушілердің бірі «Эталон Клининг» ЖШС-де болды.

Кәсіпкер «STRONG» фитнес орталығын жалға алу арқылы мемлекеттік тапсырыспен жұмыс істеуде. Спорт кешенінің жалпы ауданы 950 шаршы метрді құрайды. Кәсіпкер бокс және таэквондо спорт түрінен 160 балаға өтінім жолдап, осы жылдың 3 шілдесінен бастап мемлекеттік қолдау аясында балаларды жаттықтыруды бастаған. Қазіргі таңда 150 ата-анадан өтінім түсіп, келісімшарт жасалған.

– Мемлекеттік тапсырысты жүзеге асыру мақсатында 2021 жылдың мамыр айында «Бала» сандық платформасы іске қосылды. Бұл платформаға  artsport.edu.kz мекенжайы арқылы кәсіпкерлер, жаттықтырушылар және қаланың әрбір тұрғыны ата-ана ретінде өтінім жолдай алады. Ата-ана балаға арналған шығармашылық немесе спорттық үйірмеге өтініш беріп, ваучер (бірегей нөмір) алады. Жаңа жоба бойынша 4 жастан 18 жасқа дейінгі балалар, оның ішінде ерекше қажеттілігі бар балалар мемлекеттік тапсырыспен кез келген спорт секциясына тегін бара алады, – деді М.Исахов.

Жаңа жобаға сәйкес ата-аналардан спорттың 71 түрі бойынша өтініштер қабылданады. Мемлекеттік спорттық тапсырысты жан басына нормативтік қаржыландыру платформасына 25 кәсіпкерден өтінім түсіп, оның ішінде 20 кәсіпкер біліктілік іріктеуінен өтіп, оң шешім берілді. Бір кәсіпкердің өтінімі қаралуда, 4 кәсіпкердің өтінімі талапқа сай келмегендіктен кері қайтарылған. Қазір спорттың бокс, футбол, грек-рим күресі, жүзу спорты, үстел теннисі, каратэ, таэквондо, дзюдо, баскетбол түрлері бойынша ата-аналардан 3347 өтінім түскен. Жобаны іске асыруға биыл 339,8 млн теңге қаралып, 4096 баланың спорттық секцияларға баруына мүмкіндіктері бар.

Мақсұт Пернебайұлы ел президентінің балалар спортын дамыту бойынша берген тапсырмасы негізінде жүзеге асырылып отырған жобаға тойхана иелерін тартуды көздеп отыр. Кәсіпкерлер қызығушылық білдіріп, құжаттарды талапқа сай қайта рәсімдеп аз-кем құрылыс жұмыстарын жүргізсе, мемлекет қолдауына ие болмақ. «Бұл ретте пандемия салдарынан қаңырап бос тұрған тойханалардың жұмысы қайта жанданар еді» дейді.

 

Жол құрылысы межелі уақытта аяқталады

Бұдан кейін баспасөз туры Терешкова көшесінен Бөгет кешесіне дейінгі аралықта жүріп жатқан құрылыс орнында жалғасты. Онда журналистерге Мақсұт Исахов  Қонаев даңғылы жалғасының құрылыс барысымен таныстырды. Аталған көше бойынша жөндеу жұмыстары 2020 жылдың қазан айында басталған. Шымкент қаласының маңызды көшесі саналатын бұл даңғылдың құрылыс жұмыстары «КазахДорСтрой» ЖШС-не жүктелген.

shymkent-isxakov 5

Үшінші кезеңнің жалпы ұзындығы 6 жолақты 0,561 шақырымды құрайды. Ал жолдың ені – 42 метр. Бүгінгі таңда 700 метр екі бағытты айналма темір жолын, 948 метр кәріз құбырын салу, 3,4 шақырым кабель желілері, 24 темір жол электр бағаналарын және 2 дана жер асты жаяу жүргіншілер өткелдерін орнату, темір жол өткелінің 24 дана свай құю, 60000м3 жер жұмыстары және 4 дана темір жол көпірінің негізін құю және 4 дана теміржол балкаларын орнату жұмыстары орындалған.

Қазіргі уақытта тіреу қабырғаларын құю мен инженерлік желілердің орнын ауыстыру, мемлекет мұқтажына алынған үйлерді сүру сынды жұмыстар атқарылуда. Д.Қонаев даңғылы мен Т.Рысқұлов көшесінің қиылысындағы жолайрық құрылыс жұмыстары да қарқынды жүргізілуде.

Құрылыс жұмыстарының барысын журналистерге таныстырған қала әкімінің орынбасары М.Исахов Қонаев даңғылы жалғасы құрылысы кестеге сай жүргізіліп жатқанын айтып өтті. Сонымен бірге мұндағы жұмысшылардың қауіпсіздігі мен құрылыстың сапасы басты назарда екенін жеткізді. Ал жалпы бес кезең бойынша жол салу жұмыстарын келер жылдың соңына дейін аяқтау жоспарлануда.

 

Еңбек қауіпсіздігі – басты мүдде

Баспасөз туры аясында БАҚ өкілдері «Бәйтерек ЛБ» ЖШС-не ат басын бұрды. Бұл серіктестік жасыл желектерді күтіп ұстау мен санитарлық тазалық жұмыстарын жүргізетін кәсіпорындарының бірі. Мұнда бас-аяғы 200-ге жуық жұмыскер еңбек етеді. Ұжымның Мақсұт Исаховпен кездесуінде еңбек заңнамасына енгізілген өзгерістер, еңбек қауіпсіздігін қамтамасыз ету, COVID-19 инфекциясына қарсы вакцинациялау, ұжымдық және еңбек шарттарын жасасудың маңыздылығы, өндірістік жарақаттану, кәсіби аурушаңдықтан сақталу, қауіпті жағдайлардың алдын алу туралы ескерту берілді.

shymkent-isxakov 3

Қазақстан Республикасы Заңнамасына сәйкес, әрбір қызметкер еңбек қауіпсіздігі және еңбекті қорғау жөніндегі талаптарға, сондай-ақ еңбек, ұжымдық шарттарға сәйкес, санитарлық-тұрмыстық жайлармен, жеке және ұжымдық қорғаныш құралдарымен қамтамасыз етуге құқылы екені айтылды.

Баспасөз туры барысында төртінші билік өкілдері көпқабатты тұрғын үйлерде орнатылатын жеделсатыны басқарма тарапынан сынақтан өткізіп есепке алу, мемлекеттік көрсетілетін қызметінің жұмысымен танысты. Бұл ретте журналистерге Тұран-2 шағынауданында орналасқан №7 үй лифтіне сынақ жұмыстарын жүргізу барысы көрсетілді. Мамандардың айтуынша, сынақ екі түрден тұрады. Ең бірінші статикалық кезеңінде жеделсатының орналасқан шахтасы, басқару орталығы, кабинаның техникалық сипаттамасы тексеріледі. Ал динамикалық кезеңде сынақ жұмыстары толық сатымен өтілгеннен кейін, жүк көтергіш механизмдері тексеріледі.

Шымкент қаласының көпқабатты тұрғын үйлерінде орнатылған лифттердің саны бүгінгі таңда 401-ді құрайды. Оның 397-сі жұмыс істеп тұрса, қалған төртеуі істен шыққан. Яғни,  Тәуке хан көшесінде орналасқан
№29 үйдің 6 жеделсатысының 3-і, Ғ.Иляев бойындағы № 37 үйдің 2 лифттің біреуі істемейді. Ал, істеп тұрған 397 лифтінің  26-ның пайдалану мерзімі ұзартылған. Ол 3 жылға жарамды. Бұдан бөлек, қаладағы денсаулық сақтау мекемелерінде  66 лифт, білім беру басқармасына қарасты мектептерде 23 лифт, қоғамдық орындарда, сауда орталықтарында және қонақ үйлерде 58 лифт жұмыс істейді.

 

Сапалы интернет 35 мың тұрғынға қолжетімді

Журналистер барған кезекті нысан Ақжайық шағынауданы болды. Онда БАҚ өкілдеріне «i-LinkNet» мекемесінің жоғарғы жылдамдықты талшықты оптика желісін тарту бойынша атқарылған жұмыстары баяндалды. Төрт мыңға жуық үйге 400 шақырымдық абоненттік кабель жүргізілген. Ондағы өтініш қалдырған 500-ден астам отбасы жоғарғы жылдамдықты сапалы интернетке қол жеткізіпті.

shymkent-isxakov 1

Сонымен қатар, инвестор компания Достық шағынауданына да талшықты оптика желісін тартқаны айтылды. Басқарма басшысы Әсет Әбдірахановтың айтуынша, бүгінде аталған елдімекенде 2500-ге жуық үйге талшықты оптика желісі және 200 шақырымды қамтитын абоненттік кабель жүргізілді. Аталған шағынауданның өтініш білдірген алғашқы 100 үйге интернет желісі қосылып, тұрғындардан қосымша өтініштер қабылдану үстінде.

Тұрғындар тарапынан кеңжолақты интернет желісіне қосылуға нақты өтінімдер берілген жағдайда, компания тарапы шағынауданды толыққанды талшықты оптика желісімен қамтамасыз етпек. Алдағы уақытта «i-LinkNet» компаниясы  Асар, Самал-3 және Нұртас шағынаудандарын талшықты оптика желісімен қамтылады.

 

Өнерлі әулеттің табысты бизнесі

Өзі жетекшілік ететін салаларда атқарылып жатқан жұмыстарды БАҚ өкілдеріне таныстырған  Шымкент қаласы әкімінің орынбасары Мақсұт Пернебайұлы мегаполистің туристік әлеуетін арттыруға бағытталған жобаларды да көрсетті. Журналистер баспасөз туры аясында «Алтын Орда» көркемсурет галереясын және Бейісбековтер әулетінің туындыларын тамашалауға арнайы барды.

shymkent-isxakov 2

Қазақ халқының қолөнері сонау ықылым заманнан бері, күнделікті жаңғырып, түрленіп жатқан өте бай қазына. Сол құндылықтың тамырын кең жайып, маңызын жоғалтпай дәріптеп келе жатқан жанұяның бірі – Бейісбековтер әулеті. Қолданбалы өнердің бірнеше түрін меңгерген Болат Бейісбеков бұл салада 30 жылдан аса еңбек етуде. Бүгінде шебер сүйген ісін кәсібіне айналдырып, жеке отандық брэнд қалыптастырып отыр. Ата кәсіптің негізін қалаған Болат Бейісбековтің жұбайы мен балалары да дәл осы сала иелері. Бір отбасындағы 7 жан киізден түрлі жасау жасап, түскиіз тоқып сонымен қатар ер-тұрман жасайды. Бұл орталық Шымкентке келуші отандық және шетелдік туристер тарапынан ерекше қызығушылыққа ие.

Қиялы ұшқыр шебер отбасының туындылары қазақы салт- дәстүрді ұштастыра отырып жаңғыртуымен ерекшеленеді. Шеберлер отбасының қолынан шыққан ұлттық бұйымдар мен көздің жауын алар кәдесыйлары қала тұрғындары һәм шаһар қонақтары тарапынан сұраныс жоғары. Ғасырлар бойы атадан балаға мұра боп қалған қолданбалы өнерді насихаттаушы жандар журналистер қауымына көне бұйымдардың жасалу тәсілін  үйретіп, шеберлік сағатын да ұйымдастырды.

Болат Бейісбеков – халықаралық деңгейдегі қолөнер шебері. Ол жасаған бұйымдар бүгінде Қытай, Ресей, Үндістан мемлекеттерінің көрме орталықтарында кеңінен танылып жүр. Қолынан іс келетін белгілі өнер иесі бойымыздағы қасиетімізді жастарға үйретіп кетсек деп отыр. Өнердің сан түрін меңгерген шеберлер отбасы ұлттық бұйымдар мен көздің жауын алар кәдесыйлар көрмелеріне қатысып, бірнеше елдерді аралап келгенін айтады. «Жыл сайын шетелдік әріптестермен тәжірибе алмасып, өнерімізді дамытып отырамыз. Мемлекеттен қолдау болса, ісімізді одан әрі дамытатын едік» – дейді өнер иесі.
– Біз он жылдан бері осы орталық арқылы отбасылық кәсібімізді дамытып отырмыз. Бұл тек көркемсурет галлереясы ғана емес,  нағыз шығармашылық шабыттың бастау алатын ордасы деп айтқан болар едім. Мегаполистің туризмді дамытуға мүмкіндігі мол. Бұл ретте біз секілді қолөнершілер мен суретшілердің идеяларын да бір жоба ретінде қабылдаса болады. Алға қойған жоспарларымыздың бірі үлкен өнер үйін салу, – дейді Б. Бейісбеков.

БАҚ өкілдері аралаған соңғы нысан «Арбат» демалыс орыны болды. Онда журналистерге Шымкент қаласының туризм және сыртқы байланыстар басқармасының басшысы Ерлан Қыдыров туристік полиция бекетінің жұмысымен таныстырды. Бұл бекет жан-жақтан келген туристерге қала туралы ақпарат беріп, бағыт бағдар көрсететін ақпарат орталық десек те болады.

mobildi-gruppa

Шымкентте аудан әкімдіктерінің жанынан құрылған мониторингтік топ өкілдері бірнеше айдан бері күшейтілген режимде жұмыс істеп жатыр. Олар COVID-19  індетінің  алдын алу және таралуына жол бермеу мақсатында қала аумағында орналасқан нысандарға тексеру жұмыстарын жүргізуде.

Бір ғана Еңбекші ауданында 9-17 тамыз аралығында халықтың көп шоғырланатын орындарында  тексеру жұмыстары ұйымдастырылған. Нәтижесінде 13 ірі сауда үйі мен базарларда 1289 нысанды аралап, карантин режимін бұзған 15 жағдай анықталған.  Ал жыл басынан бері 12 669 нысанның 522-іне хаттама (жеке тұлға - 482, жеке кәсіпкер – 28, жауапты тұлға – 5, заңды тұлға - 7)  хаттамалар толтырылып, жалпы сомасы  35 160235  теңге айыппұл салынған.

Аудан аумағындағы 22 тойхана мен банкет залдарына аудандық полиция басқармасының жергілікті полиция қызметкерлерінен тұратын кезекшілік ұйымдастырылды. Нәтижесінде көпшілік іс-шара өткізудің алдын алып,  аудандағы банкет залдары мен тойханаларда жиын өткізуге шектеу қойылды. 

Карантин режимін өрескел бұзған 8 нысан сотқа өткізіліп, айыппұлмен 1 ай мерзімге қызметі тоқтатылды.

Ал Абай ауданы бойынша мобильдік топтың құрамына ерікті түрде қоғамдық бірлестік өкілдері және №13 қалалық емхананың қызметкерлері мен учаскелік полиция қызметкерлері енгізіліп, тексеру шараларын жүргізуде.

1 -16 тамыз аралығында 34 нысанға айыпұл салынған. Жыл басынан бері  карантин талаптарын елемеген 550 нысан 31 млн теңге айыппұл арқалаған. Оның ішінде баянат бойынша398 нысанға 18,5 млн. теңге көлемінде, шұғыл хабарлама аясында 76 нысан 507 580 теңге, ал жоспардын тыс тексеру кезінде 74 нысанға 7 млн. теңге айыппұл  салынған. Аудан аумағында жалпы ірі 13 базар мен 12 ірі сауда орындары бар.
Әл-Фараби ауданында да санитарлық талаптарды сақтау  бақылауға алынған. Аудан әкімі аппараты жанынан «COVID-19» пандемиясына байланысты енгізілген карантин талаптарын жүйелі түрде сақтамай бұзатын нысандарды аралау жұмыстарын жүргізу үшін арнайы 8 мониторингтік топ құрылған. Құрамында арнайы мекемелердің жалпы 52 қызметкері бар. Оның ішінде 23 аудандық ішкі істер қызметкерлері, қалалық мәслихат депутаттары, «Атамекен» кәсіпкерлерді қолдау мекемесінің өкілдері, қоғамдық ұйым және жастар орталығының өкілдері бар. Арнайы мониторинг тобымен жыл басынан бері 31 174 кәсіпкерлік нысан тексерілді. Оның ішінде 442 кәсіпкерлік нысанға арнайы әкімшілік хаттама толтырылып, 31 172 970 млн. теңге көлемінде айыппұл салынды.

Құрылған мониторингтік топтар тарапынан күнделікті кәсіпкерлік нысандарды аралап, анықталған құқық бұзушылықтар (карантиндік шектеу талаптарын сақтамау яғни жұмыс режимін сақтамау, маска режимін сақтамау, әлеуметтік қашықтық сақтамау, келушілер санының лимиттен асуы) бойынша акті, қолхат, фото, видео материалдар алынуда. Сонымен қатар, Шымкент қаласының бас мемлекеттік санитариялық дәрігерінің арнайы қаулысындағы талаптарды сақтамаған кейбір мекемелерде нысан иесінің болмауына байланысты нысанның «Ashyq» бағдарламасы арқылы толық заңды тұлға ретінде тіркелген мәліметтері көрсетіле отырып акт толтырылуда.

Қазіргі таңда аудан аумағындағы 15 тойхананың әрқайсысына жол-патрульдік полиция қызметкерлерінен құрылған арнайы экипаждар мен учаскелік полиция инспекторлары бекітілген. Мониторингтік топпен жыл басынан бері 78 той-жиын тоқтатылып, тарқатылған.

Шымкент қаласы бас санитарының 9-тамыздағы №27 қаулысына сәйкес, Қаратау ауданы аумағындағы кәсіпкерлік нысандарында карантиндік режим талаптарын күшейту жұмыстары тұрақты түрде жүргізілуде. Шымкент қаласының Бас мемлекеттік санитариялық дәрігерінің қаулыларына сәйкес карантин режимі бойынша құрылған 10 мобильді топпен нысандарда санитариялық-эпидемияға қарсы ауқымды іс-шаралар жүргізілуде.

Жыл басынан бері жүргізілген күндізгі және кешкі рейдтік  іс-шаралар нәтижесі бойынша  аудан аумағындағы 10 140 кәсіпкерлік нысанға түсіндіру жұмыстары жүргізілді. Сондай-ақ, Қаратау аудандық мобильді топ өкілдерімен санитарлық талаптарды сақтамаған 697 нысан анықталған. Заң аясында шара көру үшін түсініктемелер алынып, аудандық санитариялық-эпидемиологиялық бақылау басқармасына жолданды. Нәтижесінде 39 512 820 теңге көлемінде айыппұл салынып, өндірілді.  

Соның ішінде карантин талаптарын сақтамаған бірнеше тойханалар Мамандандырылған әкімшілік сотының  шешімімен атап айтқанда, «Роял-рос» мейрамханасы, «Екі жұлдыз» тойханасы, «Ұлы тау» тойханасы, «Атамекен» тойханасы 1 айға жабылды. Сондай-ақ, аудан аумағындағы жалпы 17 тойханада іс-шаралар өткізбеу мақсатында Қаратау ауданы ЖПҚ-ның қызметкерлері бекітілді.

Аудан аумағындағы азық-түлік базарлар күніне 2-рет дезинфекциялау жұмыстарын тұрақты түрде жүргізуде.

Атап айтқанда Бәйдібек би, Назарбаев даңғылдарында орналасқан ірі сауда орындары (Метро, Шахан, Жаңалық, Сайман) мен базарлардың (Ынтық ата, Нұрсайрам) аумақтары дезинфекциялау (гипохлорид ерітіндісі) жұмыстарын күнделікті жүргізуде.

Қазіргі таңда мониторинг топтың алгоритміне сәйкес, «Infokazakstan» сайтына мониторинг жүргізілетін кәсіпкерлік нысандар тіркелуде.

pozilov-brifing

Үшінші мегаполис тұрғындарына COVID-19-ға қарсы белсенділігі жойылған немесе инактивирленген (Sinopharm-ҚХР)  Vero Cell вакцинасын қолдану басталды. Шаһарда бесінші вакцинаның 40 мың дозасы жеткізілген. Бұл туралы қалалық Денсаулық сақтау басқармасының басшысы Бақытжан Позилов ақпараттық-коммуникациялық орталығында өткен баспасөз жиынында мәлімдеді.

Шаһардың бас дәрігерінің айтуынша, 536 мың адамды вакцинациялау көзделген. Бүгінгі таңда 406044 тұрғын қолданыстағы вакциналардың бірінші компонентін алған. Ал коронавирустық инфекцияға қарсы екпенің екінші компонентін алғандар саны – 333479 адам. Осы кезеңде «Sputnik V», «КазВак», «Hayat Vax», «КоронаВак» (Синовак) вакциналарының екінші компонентімен 62,2% адам егілді. Оның ішінде қауіпті топтарға жататын медицина қызметкерлерінің 95,5%, мұғалімдер мен тәрбиешілер және барлық күш құрылымдарының қызметкерлерінің 100% жуығы 1-компонентпен қамтылған. Бақытжан Позилов қалада эпидемиологиялық ахуал тұрақталып келе жатқанын атап өтті.

Ал қалалық санитариялық-эпидемиологиялық бақылау департаментінің басшысы Әбдіманап Төлебаев «Ashyq» жобасына 4603 нысан енгенін баяндады.

– «Ashyq» жобасына қатысушы нысандарға барып QR-коды арқылы «қызыл» және «сары» статуспен анықталған жеке тұлғалар бойынша 1033 хабарлама түсті. Шымкент қаласы бойынша анықталғаны 919, соның 524-і «қызыл» және 395-і «сары» статуспен анықталған. «Қызыл» және «сары» статуспен анықталған тұлғаларға 14-күндік үй карантинін сақтаулары керектігі туралы хабарлама беріліп, «сары» статуспен анықталған тұлғаларға санитариялық-эпидемияға қарсы шараларды орындаулары туралы 317 қаулы шығарылды, – деді қаланың бас санитариялық дәрігері.

 

tajieva1

Санаулы күндерден кейін жаңа оқу жылы басталады. Бүгінде ата-аналар оқу жылына дайындық жасап, балаларының керек-жарақтарын түгендеуде. Биыл оқу жылын дәстүрлі форматта бастау жоспарлануда. 2021-2022 оқу жылына дайындық қалай жүріп жатыр? Шымкенттік оқушыларды қандай өзгерістер күтіп тұр? Бұл туралы қалалық білім басқармасының басшысы Жанат ТӘЖИЕВА айтып берді.

Биыл 1 қыркүйекте 233 мыңнан аса бала мектепке барады. Оның ішінде 25 мың оқушы бірінші рет мектеп табалдырығын аттағалы отыр. Қазіргі таңда 785 білім беру ұйымы толық «Ashyq» жүйесіне қосылған. Сондай-ақ, мектептер сақтық шарасына байланысты дезинфекциялық заттармен қамтылады. Жанат Арысбекқызы шаһардағы педагогтер  мен мектеп қызметкерлері толыққанды коронавирусқа қарсы екпе салдырғанын айтты.

– Өткен жылы оқыту форматы эпидемиологиялық жағдайға байланысты өзгеріп отырды. Кейбір оқушылар қашықтан білім алды, бір бөлігі аралас форматта оқыды. Биыл Мемлекет басшысының тапсырмасымен жаңа оқу жылын дәстүрлі форматта бастау жоспарлануда. Бастысы – балалардың денсаулығы. Бір сынып - бір кабинет талабы сақталады. Оқушылар да мұғалімдер сияқты бетперде тағады. Үзілістер әртүрлі уақытта болады, қажет болған жағдайда қосымша ауысымдар енгізіледі. Кіреберісте температураны өлшейтін және дезинфекциялық құралдар болуы міндетті. Алғашқы қоңырау шарасы тек бірінші сыныптарға болады. Онда оқушыларға «Әліппе» оқулығы табысталады. 2-11 сыныптар үшін бекітілген кабинеттерде сынып сағаттары өтеді, - деді Ж.Тәжиева.

Жанат Арысбекқызы оқушылар дәстүрлі форматта білім алғанымен талаптың күшейгенін атап өтті. Қаланың бас ұстазы білім қоры арқылы қаладағы 57 466 балаға 30 000 теңге көлемінде бір реттік қаржылай көмек беріліп жатқанын айтты. Оның ішінде атаулы әлеуметтік көмек алатын отбасы балалары мен ата-анасының қамқорлығынсыз қалған, көпбалалы отбасы балалары мен басқа да санаттағы аз қамтылған әлеуметтік осал топтағы жандар бар.

– Егер 1 оқушыдан коронавирус шықса, бүкіл сынып қашықтан оқыту форматына көшіріледі. Бірінші сыныпта әлде бір топта вируспен ауырған бала шықса, онда дәл сол топ немесе сынып қашықтан оқыту форматына жіберіледі. Денсаулық сақтау министрлігімен келісілген қағидада дәл осындай мәселе қарастырылған. Оқушының, студенттің ата-анасы немесе білім алушының өзі ауырып қалса, онда одан аурудың клиникалық белгілері мен симптомдары байқалмаса да білім ордасына кіргізілмейді. Мектеп формасына келер болсақ, оқушылар бекітілген формамен қатар, классикалық үлгідегі киіммен келуге де рұқсат етіледі, - дейді ол.

Үшінші мегаполисте мектептердің құрылысы қарқынды жүріп жатыр. Биыл шаһарда 23 мектептің құрылысы бітеді деп жоспарлануда. Оның ішінде 19 білім ұясы жаңа оқу жылында пайдалануға беріледі. Ал қалған 4 жекеменшік мектеп жыл соңына дейін ел игілігіне берілмек.

– Мемлекет басшысы әуелі апатты мектептерді қалпына келтіруді және үш ауысымда оқытуды жоюды тапсырғаны белгілі. Әрі бұл жағдай бүгінде ата-аналардың да алаңдаушылығын тудырып отыр. Сондықтан да өңірлерде апатты мектептерден арылудың жолы жан-жақты қарастырылуда. Қаладағы білім беру мекемелеріндегі инфрақұрылымды дамыту жоспарына сәйкес, биыл 12 714 орынға 23 мектептің құрылысы жүргізіледі. Оның ішінде 4 мектеп мемлекет есебінен, 19 мектеп жекеменшік есебінен салынуда. Нәтижесінде үш ауысымды мектептер 14-тен 9-ға, мектебі жоқ тұрғын алаптар саны 13-тен 11-ге, ал ыңғайластырылған ғимараттағы мектептер 5-тен 4-ке қысқарды. Апатты деп танылған №79 жалпы білім беретін орта мектебінің мәселесі толық шешіледі. Қыркүйек айына 15 жекеменшік мектеп пайдалануға беріледі. Қалған 4-уі жыл соңына дейін тапсырылады, - дейді басқарма басшысы.

Жанат Арысбекқызының айтуынша, қазіргі уақытта қаладағы білім беру мекемелерінде күрделі және ағымдағы жөндеу жұмыстары аяқталуға жақын. Атап айтсақ, №14 мектеп пен №39, №105 балабақшаларына және Саз колледжі күрделі жөндеуден өтіп жатыр. Ал 175 нысанда ағымдағы жөндеу жұмыстары жүргізілуде. Оның ішінде 136 мектеп, 29 балабақша, 10 колледж бар. 36 мектеп заманауи дизайнмен жаңартылады.

– Бүгінгі таңда қалалық білім басқармасына қарасты 258 нысанда қысымдау жұмыстары жүргізілді. Бұл ретте қатты және сұйық отын тасымалдануда. Мектепті спорт алаңшаларымен қамтуға 1 015, 5 млн. теңге қаралып, 28 мектептің ауласына спорт алаңдары салынуда. 36 мектептің әжетханасы ішке ауыстырылды, - деді Ж.Арысбекқызы.

mektep

Ал оқулықтар мен оқу-әдістемелік кешендер 20 тамызға дейін мектептерге жеткізілетін болады. Оларды сатып алуға 1,160 млрд. теңге бөлініп, оның 67 738 мың теңгесі көркем әдебиетке жұмсалмақ. Бұдан бөлек, мектептерді жаңғырту және пән кабинеттерін ашу жұмыстары да қарқынды жүргізіліп жатқаны айтылды.

– Жаңа оқу жылының жаңашылдығы пәндік кабинеттер жаңаруда. Бүгінге дейін қаладағы білім беру мекемелерінде пәндік кабинеттер көрсеткіші 32,2 пайыз болса, жаңа оқу жылында 263 кабинет сатып алу арқылы 62,5% жетіп отыр. Компьютерлік техникамен қамту мәселесіне тоқталсақ, 4 оқушыға 1 компьютерлік құрылғыдан тиюде. Өткен оқу жылында 27 оқушыға 1 компьютерден келетін. Бұл өз кезегінде оқушылардың цифрлық сауаттылығын арттыруына септігін тигізеді. Қауіпсіздік те басты назарда. Мектептерде бейнебақылау және турникеттер орнатылуда. Үнемделген қаржы есебінен 80 мектепке, ал жалға алу арқылы 66 мектеп, 79 балабақша, 10 колледжге дабыл түймесі қондырылады, - дейді Ж. Тәжиева.

Страница 9 из 51