ХҚКО қызметкерлерінің жалақысы көтерілді Избранное

Среда, 06 Февраль 2019 04:33 Автор  Опубликовано в Экономика Прочитано 2376 раз

Халыққа қызмет көрсету орталықтарының қызметкерлер саны қысқартылмайды. Бұған қоса 2019 жылдың 3 қаңтарынан бастап жалақысы көтерілді.

DSC 0805

Астана, Алматы және Шымкент қалаларындағы ХҚКО қызметкерлерінің жалақысы – 15 мың теңгеге, облыс орталықтарында – 10 мың теңгеге, ал басқа өңірлер мен қалаларда 5 мың теңгеге көтеріліп отыр, деп хабарлайды «Азаматтарға арналған үкімет» мемлекеттік корпорациясының өкілдері.

Бұған дейін ХҚКО қызметкерлерінің жалақысы соңғы рет 2012 жылы көтерілген. Жалақы қосымшасына қажет қаржы ішкі шығыстарды оңтайландыру мен мемлекеттік корпорацияның өз қаржысын үнемдеуден қарастырылып отыр.
Айта кетейік, бүгінгі таңда мемлекеттік қызметтердің 61% электронды форматта көрсетілуде.

Редакция

Қалалық «Шымкент келбеті» «Панорама Шымкента» газеттері 1990 жылдың 21 шілдесінен бастап шығады. Басылымның құрылтайшысы - Шымкент қаласы әкімдігі. Шығарушы - «Шымкент ақпарат орталығы» ЖШС-і. Директор – Бахтияр Тайжан. Қоғамдық-саяси газет облыс, қаланың тыныс-тіршілігін сипаттап, жаңалықтармен хабардар етеді.