Сайрам шағынауданындағы №4 балалар үйінің тәрбиеленушілері Наурыз мерекесі қарсаңында қуанышқа кенелді. Шымкент қалалық білім бөлімінің басшысы Ынтымақ Мәдиев ата-ананың қамқорлығынсыз қалған балаларға сыйлық үлестіріп, көңілдеріне шуақ сеуіп қайтты.
Тәрбиеленіп жатқан 94 баланың үміті үлкен. Бәрі де алғыр. Балалар алдымен келген қонақтарға өз өнерлерін көрсетті. Ынтымақ Әділханұлы қайырымдылық акциясы «Нұр Отан» партиясының жүйелік кестесіне сәйкес, әрі Наурыз мерекесін тойлау аясындағы «Мейірім» күнінде өтіп жатқанын айтты.
